صاحبتي تنخاكمم و بتقرا ردودكم

لاتشيل هم تقوم ترتب بيتها وتنظف ع رواق لاتجهد نفسها
وتبدأ تعود عيالها يشيلون السفرة معاها ويحافظون على اغراضهم بس كل هذا يبغاله وقت وصبر

مااعتقد حل الصبر ينفع .. وضعها طلع عن السيطره ..

لازم تبدا تعلمهم بالعقاب والصرامه هذا الحل

ولا عيالها بينقلون تعاملهم مع الاوساخ هذا حتى قدام النت وفي بيوت الناس

عادي بسيطه جداً يمديها تعودهم حبه حبه وتخلي في البيت نظام يمشي عليه الكل غصب والا رضى وان شاء الله تنحل اموزها

الله يكون في عونها يارب ويساعدها اول شي تحط،في بالها لاتضغط نفسها شي طبيعي كل البيوت الي عندهم اطفال كذا ومافي بيت مثالي ..
الحل انه تختار يوم او يومين كذا تودي عيالها عند احد وتبدا جرد للبيت كله تعيد ترتيبه وتنظيفه لو على ثلاثة ايام على قد ماتقدر بعد كذا لمن تخلص جرد واعادة ترتيب للبيت كله
تبدا تعقد اجتماع لعيالها وتفهمهم انه لازم يساعدونها وتبداء بنظام المكافئات وهذه بعض الاقتراحات


علقي ورقة بالثلاجة واقسميها عواميد زي الجدول واكتبي اسماء عيالك اللي يفهمو عليك وبعد كذا اتفقي معهم الي يرمي شي او يساهم في تنظيف البيت يجي يسجل وش سوى ...
والي يجمع اكبر عدد نقاط نهاية الاسبوع له مكافئة والباقي بعد اشتريلهم هدايا ...
خلي لهم غرفة وحدة بس الي يدخلونها وباقي الغرف قفليها وشيلي مفاتيحها مع كل استعمال
حطي لهم سلة كبيرة ملونة بغرفة الجلوس وخلهم يجمعو الاوراق والقمامة ..
اعطيهم اوامر بحيث انه كل واحد يسوي مهمة وكل فترة ذكريه وحذريه قوليله قدامك 10دقايق تشيل الي رميته وبعدها تعالي وقوليله قدامك 5دقايق وفي الاخر لو ماستجابوا لك عاقبيهم واحرميهم من شي يحبونه لعدد ساعات معينة...


وعاقبيهم لاوسخوا في بيت الناس ...ولارجعتي،من عند الناس اتكلمي معهم انه الي سووه غلط ويسيء لسمعتك وانكم ماترضون احد يقول عنكم كذا عنكم ومن هالكلام وحاوريهم كانهم كبار ...
لين يتعودوا والانسان طبيعته ياخذ من 6ايام ليين اربعين يوم عشان يتعود على شي ويتبرمج عليه
الله يساعدك ويشيل معك ...