صاحبتي (كانت صاحبتي) ومو راااضيه تفكنيييي وماشفت وجه عريض مثل وجهااااااا

اهلين بنات شخباركم..انا اول مره اكتب بهالقسم طامسه نفسي في قسم السمنه والنحافه تقولون مافي مشاكل بهالدنيا الا بالسمنه والنحافه :angry: بسسسسس والله اللي خلاني الجأ لهالقسم وحده ااااااااااااااااااااااااااااااه وستيييييين ااااااااااااااااه من هالوحده تجيب الهممممم :09:
بنااات انا كانت معااااي وحده بالثاااانوية كنا صاحبات اوكي وبفصل واحد وتخرجنا مع بعض وكانت بينا علطول تلفونات ومسجات بس لما تخرجنا انا دخلت جامعه واهيا ادخلت جامعه ثانية بس مع هذا علاقتنا صارت اقوى من قبل وخصوصاً لما طلعنا ليسن وقمنا نسوق وصرنا نطلع ونروح ونرجع
المهمممممممم ان هالانسانه هذيييي انا مادري شلون ماكتشفت عيوبها من ايام الثانوية!! بنات اقولكم الصراحه انا عمري ماحبيتها ولا حسيت تجاها اي احساس اهيا كانت مجرد شخص انا متعوده عليه لا اكثر بس ما احبها ولا اهتم لها كثير ابد :( بس الحين شعوري تجاااههااا بالكررررررره اكرررهااا ااففففففف.. والسبب انها بالفتره الاخيره صارت سخيفه لدرجة غبية يعني ماتهتم الا لنفسها وبس تسولف عن مشاكلها التافهة كأن مافي احد عنده مشاكل غيرها .. بنات لو تعرفون مشاكلها والله تنقهرون .. يعني مشكلتها الكبيرة زوج خالتها .. بنات تحب زوج خالتها حب لدرجة اني اشك فيها وفي حبها له .. بس تسولف عنه ولما تتهاوش وياه تتصل علي وتبجي والمشكلة انها عايشه في بيت جدتها وعايشين وياهم خالتها وزوجها واهيا ترز وجها بينهم على طول مع العلم ان عندها بيت ابوها وهناك امها وابوها واخوانها وعايشين مع بعض يعني لا منفصلين ولا شي عشان تعيش عند جدتها بس اهيا عايشه عند جدتها عشان زوج خالتها تخيلو!!!!! المصيبه انا ما ادري شلون خالتها الغبية ماتفهم ولا تشك بالموضوع .. انا مره سألتها خالتج ماتشك فيكم؟ تقول ليش تشك فينا اهوا مثل اخوي الكبير او ابوي !!!! مع العلمممم ان عندها اخوان بس ماتهتم لهم ربع الاهمية اللي تهتم فيه .. تخيلو لما نطلع مع بعض تتصل عليه تقوله تبيني اييب لك عشا ومادري شنو وتروح تشتريله عشا شكثر وتبلعه ولما صار عيد ميلاده راحت شرت له ساعه بمبلغ وقدره وانا كنت معاها بعد :09: وبالفتره الاخيره صاااااااااارت عليها حركااات حقييييييييرة يعني تخيلو تتصل علي يوم السبت وتقول لي الاربعا لازم نطلع مع بعض انا ولهانه عليج وانا مشتاقة لج اقولها الاربعا جمعتنا اانا وعماتي وجدتي لازم اشوفهم ولا جدتي تزعل تقول لي لالا مالي شغل مالي شغل تطلعين معاي يعني تطلعين معاي تقعد تحن لما تخليني اوافق .. ويوم الاربعا اكشت بزوارتنا واقعد انطرها تتصل عشان اتجهز ونطلع (احنا متعودين طلعاتنا كلها تكون بالليل بعد الثمان) تخيلو تدز مسج الساعه 8 بالضبببط تقول سوري ما اقدر اطلع عندي شغل ضروري!!!!!!!! وتخليني من غير احد لا انا اللي رحت زوارتنا ولا انا اللي طلعت واقعد انثبر في البيت واهيا صارلها سبوع المعفنه كل يوم تتصل علي وتقول لي الاربعا على موعدنا والاربعا على موعدنا ولما يصير يوم الاربعا تسوي هالحركه اللي مثل وجها! والله اني افشششششل من اهلي لما يرجعون من الزواره يقولون لي هاه ماطلعتي اقولهم لا تعبانه مصدعه ما اقولهم انها سوت فيني هالحركه .. وترا مو مره وحده ولا مرتين سوتهاااا فيني وايد وغير حركاتها الباجيه اللي مالي خلق حتى اتذكرها عشان لا انقهر
بنااات انا خلاص تعبت تعبت تعبت تعبببببت منهااااا ومابيها خلاص صرت اكرهااااا من حركاتها وتصرفاتها :angry2: بس اهيا صارلها شهر كل يوم تتصل وانا حاقرتها والللله ما ارد على مكالماتها ابدددد وترسل مسجات ليش ماتردين وليش ماتشيلين التلفون وليش وليش وتتصل علي من ارقام غريبه وانا حاااقرتها واساساً ما ارد على ارقام غريبة تخيلو كل يوم على هالحال وانا حاقرتها ابببد مارديت عليها واخرتها اليوم سوت حركه خلتنييييييييييييييييييييييييييييييييييييييييييييييييييييي اموووت من القهرررر تصورو يابنات انها جت بيتنا!!!!!! بدون حتى لا ترسل مسج تقول انا بجي:angry2: والله يابنات ماطلعت لها ولا فتحت لها الباب خليت وحده من الشغالات تطلع لها برا وتقول لها اني مو بالبيت مع ان سيارتي موجوده بس انا ابيها تفهم اني خلااااص مابيها مابيييها تكون صاحبتي :icon33: المشكلة بنات هي مو كفو وجه والله ومالها صاحبات ترا ابدااًً يمكن بس وحده ثانية غيري والحين انا تركتها واحسها بتجن .. ومو كفو صحبتي تعرفون ليش قبل لما كانت تتهاوش ويا زوج خالتها كل يوم كانت تتصل علي وتشتكيلي وانا اعطيها نصايح واخفف عليها ولما تتراضى معاه تعرفون شتسوي؟ تتصل علي وتبشرني تقول لي تراضينا وهي في قمة الفرحه ومن قل حياها تقول لي ايه عاد يقولون من لقا احبابه (زوج خالتها) نسا اصحابه (انا) وانا اقولها شقصدج؟ تضحك تقول ما اقصد شي وفعلاً يابنات بعدها ماتتصل اسابيع ولا ادري عنها ابد وارتاااح منها ومن تتصل علي اعرف ان عندها مشكله قطيعه تقطعها :icon33:
تكفون بنات قولولي حل معاها شسوي فيها هذي ابيها تفهم اني مابيها تكون صاحبتي!!!! فكرت ادزلها مسج ارذلها فيه بس احترمت الايام اللي كانت بينا :( بس ماكو فايده فيها مازالت تتصل الى هاللحظه هذي اللي جالسه اكتب فيها هالكلام :( تكفون ساعدوني وريحوني منها