صاحبي تركني بسبب اهله رغم الحب الي بيننا

مرحبا
انا فتاة تعرضت للعنف الاسري من اهلي لسنوات واضطريت اسكن بدار الرعاية للفتيات الاسباب مايعطوني حقوقي ويعاملوني بقسوة شديدة وبشك وبريبه وكبرت ووصلت 27 ومااحد جاني
لان نفسيتي تعبت حيل وصار واضح هالشي فيني حتى جماعتي ماجاء احد منهم يخطبني والشي الثاني ابوي جابلي ناس انا ماابيهم لانهم بدو حيل وانا بصراحة جامعية ولايمكن اعيش مع ناس زي كذا لاتوافق بالاسلوب ولا بالتفكير هذا غير اني مااقدر اشوفهم شوفة شرعية ونوعيتهم شديدين حيل مره وانا مايناسبني هالناس مو قصة اني ابي ديوث او مايغار علي لا لكن ابي واحد يوثق فيني وبصراحة تفكير ابوي متحجر جدا وشديد وعصبي ودايم يصارخ علي لاني ماجاني نصيبي يعاتبني ويحملني مسؤلية اني مااحد جاني للحين ..وبعد انا ماارتحت ابد للي يجيبهم عيال عماني بغيتهم بس خلاص مع السنوات عفتهم بسبب اني انتظرهم وهم ماجوني ونفسيتي تعبت مره واصابني نوبات هلع وخوف ومن اثار الضرب المبرح الي جاني تركت البيت
في الحقيقة كنت ادور على واحد بالجوال انا اكلمه واختاره بنفسي وقلت اذا هو جاد يتقدملي لكن ماصار نصيب يعني قلت اعرف اسلوبه واكلمه مثل اني اخطب لنفسي وهو يتقدملي اذا جاد


المهم هربت من البيت والكل درى وضاع مستقبلي وسمعتي بالارض رغم اني ماسويت غلط
وقعدت بالدار سنيتن ووقريب بتصير نص سنه ثالثة
كلمت واحد قبيلي مثلي قد سوى غلط من قبل واعترفلي وسامحته وتعرفنا على بعض ولقيت كل شي فيه
هو الي فتح موضوع الزواج لي وحاولت ابعده عني رغم ابي الزواج وابيه هو لانه قالي انو ابوه شديد وهو الي يخطب لي مو انا وقد زوج واحد من خواني غصب وتزوجها بعدين استانس
ونفس الشي بيسويه مع هذا صاحبي وكلم ابوه ورفض بحكم اني بدار الرعاية وقال اصلا انا مكلم واحد من الجماعة ومواعده اني بنته تكون لك وكلمتي مااخلفها
وان فكرت تاخذ خويتك انسانا ولاتفكر ان عندك اهل يقولي تهاوشت مع الوالد عشان وتركت البيت ورحت باستراحة مع خوياي ابيهم اهلي يرضون ويقولون خلاص وافقنا بس ارجع وقعد شهرين ونص بعيد عنهم وبعدين نفسيته تعبت لانه زعل اهله
بعدين ياس وقرر يتركني قال خلاص تعبت مااقدر اتحمل اصبر وبتزوج الي خاطبها ابوي لي وقالي مابيننا نصيب رغم اني عمري 29 وتعبت وانا انتظر النصيب وتركني عشانها
ومن قهري دعيت عليه وعلى ابوه الي فرقنا وكسر بقلبي
قلتله من البداية دام ان ابوك هو الي يزوجك خلاص اتركني ولاتعلقني فيك حرام بعدين تكسر قلبي وتظلمني رفض وقال لا انا ابيك وكذا
وانقطع فتره مايكلمني الا قليل وتغير علي اخرتها قرر يتركني ويروح
ابي ارآئكم افيدوني
رغم اني حاطه ببالي اني يكذب والي يبيني مستحيل يتركني ليظل يحاول ويحاول مثل ماانا اصبر هو يصبر معي
بس شكله الي حوله غيروه علي وبدو يخلونه يشككونه فيني ولاني من الدار مااحد يبيني
والله العظيم اني ماابي الا الستر بس الشكوى لله
وش رايكم