ان شاء الله ما اشوف لاني خلاص انهيته من حياتي رغم اني كنت بموت حب له لكن عرفت انها مسألة وقت لا اكثر

وهناك باذن الله من يكون افضل منه ويعوضني عن كل الم وخداع لقيته من طليقي

كان يمثل علي انه يحبني وبعدين قال لا اختي اصلا ماحبيتها بس تزوجت كيذا

اليس هذا بألم يا اخواتي

الموضوع يقول وين صادفتي طليقك


وانا اقول كل الاماكن هو فيها
اتخيله غصب يا بنات جسده غائب
لكن ذكراه موجوده بكل ملاهي بكل مطعم
بكل مدينة بكل سيارة سنيييييين عشنا الايام بحلوها ومرها

وين اروح اتذكره من وفائي من حشمتي له وهو داساه برجوله

فرقونا غصب عنه ضعيف شخصية وامه وخواته يغارون من حبنا واحترامنا
رغم علاقتي الكويسة معهم الله يطلق بناته ويتشتتون يارب


دعيت الله يمحي حبه من قلبي ولو جاء يشوف بناته ويعيطني عياله اتجاهله

واقول في تفسي هذا انتهى

نصيبه مع غيري وكل ما تذكر اللي سواه عشان يثبت لاهله رجولته الواهية

اشتد قسوة وعنادا بمحي ذكراه واتناسى


لكن يعلم الله وغصب عني



ان الاماكن كلها تذكريني فيه



يكفي شبهه في عيالي وبناتي



تهقون بانسى



من جدكم تنقدون



حسبي الله ونعم الوكيل


واللي فينا مكفينا



وهذا المقطع يذكرني فيه

القصيده تقول:


الصـوره إللي بجوّالي تعذبـنـي
ياكثـر ما جيت بمسحها واخليـهـا


ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا


من يوم حبك .. غـزى القلـب وتملكنـي
قطعـت كـل العـلاقـات وطواريـهـا


اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا


انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا


لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا


ليت الفـرح ( بنـك ) لاجيتـه يسلفنـي
واقاصـده ( راحتـي ) وحقوقـه اوفيهـا


من كثر ماكنـت ! جارحنـي وظالمنـي
قمت اعـزل جروحـك بقلبـي واسميهـا


تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا


تدري متـاك ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا


بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟





مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا


يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا


اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا


واهديتني جرح .. موجعني ؟ وعاجبني ؟
لــن الهـدايـا عـلـى مقدارمهديـهـا


صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا




مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا





لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا



ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا


فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا





مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا



اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا





نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا




تبي تعرف ! وش ؟ على الفرقا مصبرنـي
انـك بخيـر .. وحياتـك مهتنـي فيهـا





مـن يـوم ماغبـت ! والوحـده تعذبنـي
اقرى ( رسايلك ) فـي حرقـه والاحيهـا




اشوف ( صورتك ) .. ودموعي تسابقنـي
وياكثـر ماجيـت أبمسحهـا ؟ وأخليهـا ..




ادعو لي ربي يربط على قلبي ويعوضني غيره ويحفظ عيالي


ويفرق اللي فرقو بيننا

ع فكرة وضع الرجال محزن لكن يكبتووووون لدرجة ياخذون حبوب نفسية واكتئاب

لكن ما يطلعون مشاعرهم خوفا من مشاعر رجولتهم وكونهم يعرفون بعض ف المنتديات مو مثلنا

وهذه قصيدة لحامد زيد بدون موسيقى

لرجل يحاول ارجاع طليقته

اسمها تبيني صدق والا ما تبيني تحزززن



اتمنى المتزوجات ياخذو عبر ودروس ان الطلاق صعب جدا جدا