انا بعد عانيت من اهمال الاطباء للاسف الطب صار مهنه تجارية اكثر من انسانية وحنا الضحايا اللي نتحمل تبعات اخطاءهم واهمالهم وحسبي الله ونعمى الوكيل

أذكر مره .. ياني صداااع فضيع .. لدرجة خذت بروفين مانفع ويايه .. ولا قدرت أرقد نفس الناس .. كان الصداع مزعج .. حتى من قوة الالم حسيت عيني بتنفجر !!
ألم يصعب وصفة ..
من أول الصبح رحت العيادة .. (عيادة حكومية) قريبة علينا ...
دخلت على دكتورة .. أسلوبها بايخ .. حاطه ريل على ريل وتحرك ريلها متنرفرزه أو معصبة وكانت تتأفأف ...
أنا لين الحينه منقهرة من نفسي كيف ما أشتكيت عليها ..
مهنة الطب مهنة جداً راقية .. واجب على الطبيب تقديم العناية والرعاية للمريض ...
يعني المريض بروحها حالته حاله .. وفوق هذا يتبهدل أو يعتامل بطريقة شينه ؟؟
اذا الطبيب مش قد هذي المسؤولية يتنحى ... لانه كل مهنة ناسها ...