صاد عني من يوم الزواج

السلام عليكم
اخر شي بحياتي كنت اتوقعه اكتب من الضيقه
حياتي الخاصه
تزوجت قبل اربع سنوات
انا معلمه عمري يوم انخطبت ٢٧
خطبني شخص مامعه الا ابتدائي درس
الى ثاني متوسط وفصل
وظيفته جدا عاديه بشركه راتبه ٥٠٠٠
بتقولون كيف رضيتي تاخذينه
اخذته لانه للاسف جميل جميل بكل معنى الكلمه
وكنت اتوقع بيطير فيني بما اني موظفه وشايله
نفسي مادريت كل همه الجمال لاكن اهله اجبروه
ياخذ موظفه عشان تصرف ع نفسها
وغير كذا وافقت عشان
اول شي عمري
ثاني شي عيشتي عند اهلي وابوي المعقد
بقولكم موقف
ومن خلالها بتعرفون ليه رضيت اخذ اول واحد
مره رحت وانا بثاني ثانوي مع مرت خالي زواج
بدون ماقول لابوي بس قلت لامي
يوو رجع ولا لقاني ووصلت البيت
حصلته مشعل نار الى اخر السور
ويسحبني بيدخلني بوسطها يقول عشان ماتطلعين
مره ثانيه
غير كذا سالنا عن الولد والناس مدحوه
هو صحيح يصلي
وبار باهله ولا راعي دخان ولا خرابيط
وانا اقولها لكم حبيته فوق ماتتخيلو
لاكن اللي قاتلني
مايحبني يابنات ماحبني
والحرمه تعرف زوجها لو حابها
اول شي بيوم الشوفه بعدها بيومين كلمو و قال ماشفتها زين رجعوها
ورفض ابوي قال بنتي مو بضاعه
بس وافق
بيوم الزواج اخخ
اخخ
اذا تذكرت يوم زواجي ابكييي يابنات ابكيي
يمين بالله اني صادقه بكل حرف بكتبه صار
وكل وحده تحط نفسها مكاني
انا اقولها لكم بكل صراحه
وحده اقل اقل من العاديه جسمي عظم
سمراء بشرتي متدمره شعري فيه صلع من فوق
وخشن مافيني اي لمحه جمال
وبيوم الزواج




وانا بالكوشه




زوجي صاااااااد عني
تخيلو انتي وزوجك بالكنب ومعطيك كتفه
ويسولف مع اهله وياشر بيده ع بنات اخته
يقولهم لاتصورن هاذي ترا ماتحب التصوير
اعترف ان شكلي طالع مو حلو ابد بيوم زواج
بسبب حسبي الله الكوفيره كانت مستعجله
عندها عروس غيري ومثقله المكياج وحاطه اساس
غير نهائي عن لو بشرتي فطالع شكلي كان وجهي
رصاصي والمكياج ثقيل ويخوف والله يابنات
انه صاد عني وكان هالموقف صاير اليوم معطيني ظهره ويسولف مع خواته وبناتهم وانا لاوجود لي
طبعا ماحطيت زفه انا قدام الناس بغرفه
فكان قدام الغرفه صاله وباب الغرفه مفتوح
فجاه جت حرمه عمرها بالاربعينات لابسه قصير
جلست قدام الباب وتاشر لزوجي مع السلامه
بضحك ودلع وكان شكلها يجنن
هالحرمه مع انها كبيره فجاه دخلو بنتين بالثانوي
ويقولو مبروك ياعم!!
عرفت ان هاذي مرت عمهم!!
واستغفر الله شكيت كانت بينهم علاقه
مع زوجي لدرجه يوم شافها فز وضحك لها
واهله وجيههم تغيرت وانقلبت الوان واضح انها
احرجتهم لما دخلت لانها مو محرم لزوجي
اول مارجعت
سالته
مين هاذي اللي دخلت
صرف الموضوع بس اكتشفت انا بينهم
ان فيه شي مو طبيعي يابنات
لاتقولون انتي شكاكه فز لما شافها
ودخولها بلبس قصير وهي ام بنات!
وتغير ملامح خوات وام زوجي!
يابنات زوجي ماحبني ماحبني
مواقف صارت تاكد لي
ان فيه احد بقلبه عندي ولدين منه
لاكن ماكاني عايشه
عجزت سويت كل اللي تتخيلون
معقول الرجال كل همهم شكل بس
انا جامعيه اصرف ع نفسي وع البيت وع عيالي
والبيت باسمي وساكن فيه
اشتري اغلى لبس احط احسن عطور لي
اشتري قمصان بالالف
مع كذا مايشوفني شي
كلن ع بالي اني شايفه نفسي عليه
بما اني جامعيه وهو ابتدئي لاكن العكس
شايف نفسه علي بجماله وبقوه
طيب ليه ماقال لاهله ابي جميله!؟
ليه يوهقوني بولدهم عشان بس وظيفه؟!
انا بكل صراحه
مامسكت عليه دليل انه يخون
لاكن الشي اللي متاكده منه
ماحبني وهذا اللي قاهرني شي يوجع
تعيشي مع شخص وتحبيه وهو معاشرك باحترام
وبالمعروف
ماعليش ع الكلام حتى بوقت العلاقه
يوضح الرجل اللي يحب زوجته انا اكتشفت
من خلال الشي هذا مايحبني
ممكن جسمي نحيف اكثر من اللازم
وزني تقريبا ٤٧ وانا طولي ١٦٢
واكتشفت انه يجذبه الجسم المليان
طيب ليه يظلموني
حاولت اسمن بكل الطرق ىرحت راجعت
مستشفيات للسمن وللبشره وللشعر
وكلها ع الفاضي خسارة فلوس وبس
ليه ماقال لاهله
ابي جسمها مليان
وابي حلوه
وابي بيضاء
وابي شعرها طويل
ولا يجرحني كذا هو ماتكلم ولا جرحني
لاكن انا مو جدار احس واعرف