صارتلي مشكله والحمدلله ربي ستر والحين اثرها باقي...

صباح البرد القارص...
كيفكون
اليوم صارلي شي مخيييييف مره و الحمدلله ربي كتبلي عمر جديد..
يوم جيت من لجامعه اشتهيت اصلح غدا اليوم <<وياليتني مااشتهيت,,,
وزوجي قالي لاتصلحين غدا<<كنه حاس بالجريمه
لاني مااصلح في ايام الدراسه وانا من لقافتي اصريت وطلعت اللحم وحطيته عالنار يسلق ورحت انسدحت عالسرير ولعبت بايفوني الممتع وغفيت وانا العب بعدين مرت ساعتين ونص وانا نايمه واللحم عالنار وتخيلوا اني صحيت عالريحه ويوم فتحت عيوني والقى الدنيا كلها دخااااااان ابيض وريحه مخيسه لابعد الحدود ..
وقمت علبالي حريقه ويوم لمحت المطبخ ولا القدر اسووووووووووود ويدخن ورحت سكرت النار وفتحت شبابيك البيت لانها كانت مسكره وطلعت برى وابكي من الروعه والخوف وجلست ساعه كامله والبيت كانه ضباب وريحته مقرفه ويوم جاء زوجي بعد ساعه قمنا بخرنا البيت وعطرنا وشغلنا الفواحات ورششنا معطرات الجو وبدت تخف الريحه وكررننا العمليه مرتين لين خفت الريحه ..
وبعدين طلعنا وخلينا كل شي مفتوح ويوم رجعنا لازالت الريحه موجوده والمصيبه انو الريحه عالقه في الكنب والستاير والمكيفات اذا شغلناها فوحت نفس الريحه


تكفوووووووووووووون ابيكم تدلوني على حاجه توخر الريحه من البيت لاني كرهت بيتي كثييييييييير
وحتى ملابسنا بنغسلها كلها...الله يعين يارب