صارت الدنيا تخوف

تحياتي للجميع ابغى احكي لكم عن إحدى صديقاتي تقول أنها كانت تعيش حياه هادئه هي وزوجها ويحبون بعض كثير إلى أن انتقلو من بيتهم في سكن جديد واول ماسكنت جات عندها جارتها اللي في الشقه القريبه منها تتعرف عليها وتقول ماكان باين عليها شيء عاديه وتحب تمزح وكلامها لطيف وبعد مرور تقريبا سنتين اكتشفت أن جارتها هذي لها اتصالات برجال تحادثهم وتراسلهم وقت غياب زوجها في العمل وراقبتها وتأكدت من هذا الشيء المشكله أنها بدأت تحط عينها على زوج جارتها وتحاول تستعرض بنفسها امامه عندما يخرج ويدخل وآخر مافعلت أنها أخذت رقمه من جوال زوجها وهي دائما تتعمد ترد عليه لمايتصل لزوجها ويكون نايم وعندها بنت صغيره كل يوم ترسلها عنده تقولها روحي العبي معاه وصديقتي هذي حست ان فيه شيء صاير ماتدري عنه وبذكاءها فتشت جوال جارتها ولقتها حافظه الرقم عندها وترسله رسائل سلام وصوره ليدها وحصلت صوره خادشه لزوجها(عورته ) وفتحت جوال زوجها ولقت نفس الرسائل المهم أنها انصدمت مع ان زوجها ملتزم ومايحب الخرابيط لكن هي عارفه ان جارتها هي اللي باليته بنفسها وهو كانه بدأ يستجيب لها والشيطان شاطر وواجهت زوجها بالدليل في البدايه انكر وصار هواش بينهم وبعدين اعتذر منها وقالها سامحيني الحين هي مصدومه ومجروحه ولاتعرف كيف تتصرف خلاص دخل الشك بقلبها وتقول كذا تجازيني وانا فاتحه لها بيتي واعاملها كاخت مو جاره ايش تنصحونها تسوي علشان ترتاح.وسامحوني على الاطاله.