صارت الوظيفه طراره تخيلوا ادخلوا وشوفوا

يوم كنت صغيره كنت احلم مره بصير دكتوره ومره بصير معلمه لا والاكثر من كذا حلمي كان اكبر كنت اتوقع بس اتخرج بيقولون تبغين تمسكين وزاره ولا لا (هههههههه) المهم كبرت وبديت اتعلم سنه وراء سنه الى ان دخلت الجامعه 1419ه في هاالسنه بديت اسمع ان فيه بطاله تخيلوا في السعوديه وبهالميزانيه وبطاله بس مع كذا كملت تخصصي دراسات اسلاميه طبعا انا اكبر اخواني
المهم اخر سنه كانت تربوي سمعت ان مافيه وظايف لخريجات قبلي فكرت اعيد في مواد واقعد كذا سنه تدرون ليه علشان المكافئه لكن انصدم بان الي يخلص الخمس سنوات المقرره ولايتخرج تنقطع مكافئته طبعا هذا النظام الي طبق في السنه هذي ومازال حتى اليوم عذرهم ان البنات يعيدون علشان المكافئه علشان كذا اصدروا القرار (طيب وظفوهم ) المهم خلصت وتخرجت وجلست بالبيت تقريبا سنه ماجات وظيفه قالوا لي الناس الي تبي وظيفه تاخذ دورة حاسب واخذت دبلوم سنه اقصاد بعده نفس الحكايه مافيه وظيفه قالوا خذي دورة معارف واخذت ونفس الشيء وقالوا لغة اشاره ودورة صعوبات نطق وكل هذا اخذته ونفس الشي لاتوجد وظيفه وهذي السنه السابعه لا وفوق هذا السنه ذي في التقديم رفضوا شهادة الحاسب يقولون مر عليها خمس سنوات تخيلوا
اقسم بالله ان الراتب الي نصرف منه واحد فقط وهو راتب والدي المتقاعد وعددنا احدعشر نفر ومافيه احد كمل تعليمه احساس تعيس جدا اعيشه
ابغى وظيفه في الطايف في مدرسه حكوميه كاتبه مراقبة على حاسب اداريه في بنك في جمعيه في شركه في الصحه بس ماابي مستوصف خاص اهلي مايرضون ماابي شي غيرها الله يخليكم نخيتكم ياهل النخوه والي يبي اتعابه صدقوني اي وظيفه يساعدني فيها انا متنازله له عن الراتب المده الي يطلبها
تدرون وش صار حلمي فراشه يقولون راتبها اربع الاف وبعد بالواسطه الله المستعان