صارت لك قصه مع العين...وعرفتي العاين...وتشافيتي تعالي هنا

السلام عليكم :2thmup:

كيفكم يا صبايا

ابقولكم قصتي مع العين وكيف عرفت اللي عاينتني :16:

هذا سلمكم الله
عايلتنا ماشاء الله كلها مشهوره بالشعر
عشان ما اقول انا وانا
لا والله العيله كلها من عمات وخالات شعور طويله
تنقص اليوم بعد شهر ما كانه انقص حتى الصبغه ماتقعد فيه

الله صار اني قبل ولادتي قصيت شعري الى حد رقبتي وولدت وانقطعت عن العمل
امممم تقريبا 6 شهور
رجعت الدوام وفي يوم كان عندي زواج قريب من الدوام قلت بكشخ من البيت وبسوي
شعري وبخلص دوام وبروح
عاد وقتها صيف وحر وكلىشوي ادخل الغرفه افصخ الطرحه اهوي شعري والبسها مره ثانيه
عشان لا يتجعد
شافتني وحده من الموظفات جات سحبت شعري تقول افصخي هالباروكه مابقى الا
تلبسيها وانتي نايمه قلت لها لا هذا شعري كان وقتها تقريبا الى اكثر من نصف ظهري تقريبا
شهقت و ما ذكرت الله
وانا نسيت الموقف لان سبحان الله ماةحى ببالي ابد يكون فز خاطرها على شعري
والله اللذي لا اله الا هو
من بعدها شعري كله مكلكع ورب الايمان مايتمشط لدرجه ان انا وزوجي نمشط فيه
ويرجع في تفس اللحظه يتكلكع واظطر الفه وهو متكلكع اذا سبحت ينشب ببعض ويصير قطعه صخر
بعدها صار شي غريب
تعرفو الاطفال الصغار مو احيانا تصير في فروه راسهم طبقه دهنيه زي القشور الكبيره
ايه تخيلو صارت فروه راسي كذا وتطلع ريحه وتحكتي احس فروه راسي بتنشال ما كانها قشره

ياست قلت اكيد من كثر ما البس طرحه شعري خرب وطفشت من هذا اللي يطلع ريحهةبراسي
ريحتهةعفن
رحت الصالون قعدت قالت لي هاه اقص لك طبقات قلت لا ولادي :icon8:
جات تنهبل الكوافيره يوم جات تمشطه واجهتها نفس المشكله الكلاكيع والريحه والقشره
قالت لي يا بنتي انا بقص لك بس شعرك معيون ومو طبيعي لما يصير اشعر كذا ما ينفك من المشط
معناتها عين واللي في راسك مو قشره هذي صدفيه زي الاكزيميا تجي بالراس :16:
قصيت شعري وانا افكر من اللي شافت شعري مين مين مين
واخيرا تذكرتها :2thmup:
وداومت اليوم الثاني واخذت من وراها ماي شربته وتغسلت فيه
والله والله والله اسبوع وراح كل شي فيني الصدفيه والقشره والحكه الريحه
كل شي اختفى سبحان الله

ادري طولت عليكم اتحملوني
السالفه الثانيه لنفس البنت
انا احين حامل بعد صلاه الظهر جلست اريح شوي
والنونو كان يتحرك ومرره كان باين بطني كله يختض وانتبهت له عاد تسالني
وش تحسين فيه والنونو يتحرك كذا
بعدها انا 4 ايام ما داومت خلا هالاربع ايام النونو خفت حركته حيل
نزلت علي مويه وظهري ماني قادره اتحمل فقلت مافي الا هي
اليوم ارجع اداوم بس المشكله ماراح اصادفها لان بيتغير شفتها
بس في لعا اغراض في الغرفه مثل جزمه عطر كريم وحاجات شخصيه
كيف اخذ اثرها منهم

وسلامتكم



واللي عندها قصه تشاركنا قصتها والله يشافي كل معيووووون يارب