بصراحه انتي عجيبه الحين لما ولدك اخذ حاجة الولد (التافه) وصار يجري والولد الثاني يجري وراه يبكي عاإاإادي عندك ولما قامت الجده اخذتها من ولدك صار ياترميها يا ما تأخذها من ولدك فلما عطتها حفيدها وصار ولدك يبكي زعلتي ولا قبل كان عادي لان ولدك مبسوط شفتي الحين مين اللي يزعل على عياله ..فراجعي نفسك وخليك حقانيه مو تفضلين سعادة عيالك على عيال الناس

كان قمتي الله يسلمك وخذتيها من ولدك وخبيتيها عن الاثنين
يعني حلال ولدهم يبكي بس ولدك ياحرام ليه يبكي وزعلتي عليه
ولدك هو الي اخذ حاجة الولد وفوق هذا كنتي تتفرجين ولا قمتي اخذتيها وخبيتيها عنهم وفوق هذا تتزعلين وتتشرهين عليهم وتذمين فيهم وبعيالهم ههههههه
اسمحي لي ولا تزعلين بس البلا فيك مو فيهم والله وتقولين تافهين وانتي شكلك جالسه ع جمر لين راحو الناس عشان تنهدين عليهم وتتشرهين لو تشوفينه شي تافه ما تكلمتي ونسيتي

ياروحي انتي الغلطانه لو قمتي وخذتيها من ولدك ما صار هذا كله بس هي شافتك متربعه وولدك يضحك وولدهم يبكي وتبينها تسكت لا والله ..
والله انتي من النوع الي شين وقوي عين اسمحي لي جايه تتشكين ومسويه انك مظلومه لا ياحبيتي هنا لا نعرفك ولا تعرفينا والصراحه واجب نقولها وبيني وبينك كثير التزعل والتشره الناس تكرهه وتنفر منه انتبهي
ياليت نحط نفسنا مكان الغير قبل نتشره عليهم ونلومهم بس مشكلتنا ندور اغلاط الناس وننسى اغلاطنا فكري بالموقف واعكسيه وتعرفين مين التافه انتي او هم .................

طيب ماسالتي نفسك يوم ولدك يجري ومعه الغرض والطفل الثاني يبكي ليش ماانتي قمتي وفكيتي النزاع
ليش عادي ولدهم يبكي وانتي تناظرين ولافي بالك
ولدك غلط خليه تحمل غلطته وانا ماالوم جدته لانها شافتك ساكته واحترت
على الاقل ادبي ولدك

والاغرب من كذا انك زعلتي وعطيتي ولدك جوالك عشانه يبكي ماحسيتي فيهم يوم ولدهم يبكي بس حسيتي بولدك


انا لو مكان العجوز بسوي مثلها وخاصة لما اشوف ام ترضى على عيال غيرها ولاترضى على عيالها

تبين الصدق انتي غلطانه مليون في الميه
اولا لانك عارفه ان هذولا الناس طبعهم مايحبون احد يلمس عيالهم خلاص احترم رغبتهم وامسك عيالي عن الناس !!!
ثانيا انتي بنفسك تقولين شي تافه وش له تزعلين وتكلمين الحرمه يوم انتي تقولين شي تافه !!! هاذا ولدك غلطان وتراددين الناس بعد مثل الي يقول ضربني وبكى سبقني واشتكى
ثالث انتي تقولين انا اطنش اطفالي مالي شغل فيهم واما احب اتدخل فيهم اذا كانو مع الاطفال ولييييييييييييييييه تفكين عيالك على الناس وياخذون اغراض الناس ويبكون عيال الناس وانتي تناظرين ولمن يجون الناس يدافعون عن عيالهم تزعلين وتقولين تافهين !!!!!!! مادام انتي ما استحيتي منهم ورجعتي حاجة ولدهم وتناظرين ولدهم وهو يبكي وتتشرهين عليهم بعد ليش الناس يستحون منك مادام انتي ما استحيتي من نفسك الا هم الي معاهم حق وانتي غلطانه
رابع شي شخصيات الناس تختلف في ناس ماترضى على عيالها الشعره تلمسهم احترم رغبتهم واضف عيالي عن الناس
وفيه ناس عادي عندهم لو تطقين عيالهم صبح ومساء مايفرق فحاولي اذا رحتى اي مكان تشوفين هالناس الي رايحه لهم يتحملون اخذي عيالي معايه اولا من الناس الي ماتتحمل و واجلس مع عيالي في بيتي ابرك