لا تفهمين اني كتبت لاجل اضايقك او اجرحك ابدا


ما كتبت كذا الا انصحك لوجه الله ولا مادخلت من الاساس
صعب جدا جدا اتخيل هذا الموقف يمكن لانه مامروا علي ناس كذا يدخلون بيت امي ويستكثرون عليها السلام ! ولو من حسن نيه سبحان الله حسب التعود والاحترام الي ينبع من ذات وروح الشخص مو شيء بالاكتساب السريع لما
حسني علاقتك معها اول وبعدين شوفي بيتحسس او لا لانها بمجرد ما بتمدح اخلاقك وادبك وانك شايلتها زي امك وهو يشعر ان زوجته احترمت امه اللي ربته العمر كله بيرتاح نفسيا
ولو حصلت منك مواقف بعدين بعصبيه ولاشعوريا تصرفتيها مابيصدق فيك ولا بيتحسس ولا بيلومك بالعكس يمكن يسايسها وفداخل نفسه يختلق لك الاعذار

وبالتوفيق بس لاتفهميني غلط ابدااااااااااا
على فكرة انا مالي بسوالف الحريم بس انقهر على البعض << كل هذا ومالك !!
ماشاء الله علي هههههههههههههههه

اختي العزيزة الناعمة...
حاضرين للطيبين... و مثل ما قلت لج.. ارد و أأكد على الحساسية.. احيانا البنت تتزوج و تحط في بالها ان اهل الزوج على طول اعداء و اصحاب مشاكل..و من وجهة النظر هذي تبدأ تفسر كل حركة من ناحيتهم على انها ضدها حتى لو كانت مو مقصودة منهم.. و احيانا حتى لو كانوا بالفعل مو طيبين.. بس انتي تقدرين بعقلج و اسلوبج تغيرين هالشيء.. صدقيني يا اختي ما فيه نية طيبة تتقابل برد فعل شري و حتى لو قوبلت في البداية بالشر.. مصيرها في النهاية تستسلم للنية الطيبة.. صفي نيتج مع ربج و خلي قلبج كبير و اعتبريهم اهل .. اعتبري ام ريلج مثل امج.. و خواته نفس خواتج.. و تذكري انه ياما و ياما صارت مشاكل بينج و بين امج و خواتج و فكري شلون قدرتي تتغلبين عليها.. اكيد بالحب و التفكير انه في النهاية مالج الا هما و ما لكم غنى عن بعض.. و طبقي هالشيء على اهل ريلج.. و الاهم من هذا كله الزوج... حطي بالج على ريلج.. كلميه كلام حلو و من العقل قبل لا يكون من القلب.. فهميه انه الام و الاب مهما طال عمرهم في النهاية رايحين.. و الاخوان و الخوات مصيرهم بيلتهون في زواج و عيال و تربية.. و اللي راح يبقي له يداريه و يحط باله عليه هو انتي و بس.. و انتي بعد حطي في بالج هالشيء.. اهلج و خواتج و اخوانج مهما حبيتهم و كنتي قريبة منهم يظل ريلج هو الاقرب و هو اللي بيبقى لج و اللي بيدير باله عليج في النهاية.. و حتى لو انتو جبتوا عيال.. عيالكم بيكبرون و بيلتهون في هالدنيا.. فهمي ريلج انه ما لكم الا بعض.. مهما هو اختار امه و اهله و انتي نفس الشيء بس ما يغير الحقيقة انه ما لكم الا بعض.. و خففي من الحساسية لانها هي اللي تخلي الشخص يرجع لورا..
و على فكرة.. احب انج تقرين تجربتي الشخصية في موضوع "كيف تتعامين مع اهل زوجك" ممكن تستفيدين منها شيء..
و الله يوفقج و يهدي سرج ..

الله يعينك ويكفاك شرهم
ويسخرلك زوجك احسن من اول
بس حاولي تكسبي قلب زوجك وتحسني علاقتك باأهله لانه شكله يحبهم
وحسبي الله على سلفتك واخواته
الله ينصرك عليهم

ماادري عزيزتي احسك كبرتي الموضوع اشفيها لو انك نمت عندهم على الاقل في البدايه اكيد مشتاقه الام لكم وتفاجات انكم مابتظلوا يعني هي بتشوف انه ولدها لهالدرجه مسويها رسميه وانت متفرده فيه ماكانه ولدها طبيعي راح تتحسس صحيح رده فعلها قويه لكن انت لازم تحتويهم وطبيعي انه يكون في حساسيه من اهل الزوج بالذات الام لكن لازم تتكيفي مع الوضع وتراعي مشاعر امرأة كبيره تعبت على تربيه ابنها ضعي نفسك مكانها وتنتظري فلذة كبدك من سفر طويل وبعدين يصير الي صار انا متاكده انك راح تزعلي وتحملى على زوجته

انا احسك داخله حياتك الزوجيه وكانك داخله معركه مع اهل زوجك واضح انك حساسه زياده عن اللزوم لازم تتغيري لانك راح تتعبي ..

كنت ابكمل لكن اخت ام جاروس ماقصرت..

الله يكون في عونك وكرري (لاحول ولاقوة الإبالله)فإنهاتشرح البال وتصلح الحال
وترضي الجلال فتجدي الراحة والسعادة
وأوصيك بقراءة كتاب (لاتحزن)للشيخ/عائض القرني
فمع هذاالكتاب سوف تستفيدين منه أشياءكثيرة