صارحت زوجي بموضوع بناتي وشوفوا النتيجة

الله يفرج همك والله حزنت عليك 😭😭😭😭😭😭
اش بيخسر الرجال لو عامل زوجته معامله حلو

الله يعينك شكل زوجك مامنه رجا دام اهلك طيبين روحي عندهم لين هو يجي بنفسه ويراضيك او دخلي اهله وكلميهم عن اللي يسويه واشتري راحة بالك

الله يهديلك إياه ويصلح حاله
وإنتي الله يساعدك ويكون معك

الله يعينك مع أني م اعرف شنو بظبط موضوعك

وعليكم السلام ورحمة الله وبركاته
قولي لا اله الا الله
وتعوذي من الشيطان وروحي توضي واقري لك صفحتين من القران وصلي لك كم ركعة
حبيبتي زوجك شديد لكنك انجبتي منه اطفال ورضيتي فيه فترة طويلة ولو رحتي لأهلك يا انه يخليك انت وعيالك وتصيرين عند اهلك الله يطول بعمرهم وتحسين طول عمرك انك بس لعيالك وتصبرين وتتحملين وممكن تكملين دراستك وتتوظفين وتنسين شي اسمه زواج عشانهم ويمكن يتزوج ويعيش حياته ويمكن بعد الزوجة الثانية " مشاهد " او الثالثة او الرابعة تجيب راسه وتخليه انسان ثاني وتشوفين الشديد عليكم سمح عليهم وامور شي تقولين مسحور مو نفس الانسان !
او ياخذ عيالك ويقهرك فيهم وانت تعيشين بحسرتك
اشوف زوجك صحيح فيه مساوئ ومتعب جدا لكن احس له مفتاح وممكن الوصول له بشوي تغيير وتعقل وهدوء منك وايضا عدم استباق النتائج
لان العجلة في استباق النتائج تخليك تغلطين ويرجع اسوء من اول
وانت تقولين مالي الا الدعاء ! حبيبتي حبيت اوضح انو اصلا مالنا الا الدعاء وهو مخ العبادة والتسخير سواء من الزوج او صلاح ذرية او حياة او أي شي من رب العالمين
والاكثار من الدعاء يجلب الاستجابة
انت ادعي واكثري من الدعاء بالتسخير والهداية
وبيتك دائما اقرئي فيه البقرة واذا شفتي نتائج كملي
وفيه ايات السكنية دائما اقرئيها وانفثيها في موية الشرب
احرصي على عدم مناقشة اوامر الاب او تحقيره قدام بناته بالعكس دائما قولي لهم هذا ابوكم ويبغى مصلحتكم
واي نقاش ادخلي معاه وتكلموا بينك وبينه
لا تجيبين طاري اهلك اذا كنت ماراح تروحين لهم ومو خيار قدامك لانك كذا تخلينه خيار مطروح وممكن أي مشكلة هو اللي يقولك بيت اهلك ثم تعيشين بمذله صدق
ما اتوقع انه عصبي طوال الوقت او شديد اكيد فيه اوقات صفوة والا كان ما تحملتي العيش معاه
اكيد فيه لحظات جميلة جمعتكم والا ما صار بينكم مودة واطفال
استخيري وكثري استغفار
وخلاص طنشيه لاعاد تتكلمين معاه بس كثري استغفار وفي نفس الوقت اذا كلمك قولي سم
لبيه وسوي اللي يبغى ثم روحي لمصحفك ابعدي عنه الفترة الجايه
هو اكيد بيتحسف وباذن الله بيجي يكلمك هنا اقولك روقي وخليك هادية
وتفاهمي معاه
اهم شي انك يكون عندك ادلة وعلم واحاديث ويحس ان اللي قدامه جالس يناقشه بعقل
وقللي الكلام وخليه هين ليه فيه حجة قوية
مع الكلام الطيب بينها انك ماعشتي معاه كل هذي السنين وانجبتي منه الا وهو غالي وابو عيالك لكن الشيطان دخل بينكم
وانه فيه صفات جميلة وعددي الصفات هذي وايضا شدته قولي انا فاهمتك خايف على بناتك وحرص منك ومحبة لكن الشدة تقطع الحبل والرسول عليه الصلاة والسلام
اذا خير بين اثنين اختار الاهون منهم
وحذر من التنطع والزيادة في الشدة وهذا هو سبب مصائب اليهود
وانتبهي تكونين نافره منه او ترفضين تسوين شي يطلبه منك مثلا حضن او انك تقربين منه
خليك ودوده وفي نفس الوقت ركزي على ردات فعله وخليك ذكيه في فهمها واغتنام الفرص
بعدين تفاهمي معه على سالفة النقاشات قدام العيال
قولي حسيت انهم نفسيا تعبوا واني قرأت ان هذا بكره يضرهم ويحسسهم ان هذي هي الحياة الحقيقية واتفقي معاه ما يهمشك قدامهم ولا تهمشينه
وفعلا اذا قال شي قول مع ابوكم
بس اغمزي له وادخلوا اذا بينكم أي اختلاف حاولي معاه بعيد عنهم لكن لا يحسون انكم مو نفس الرأي
وهو نفس الشي لازم يسوي نفس التصرف قدامهم
بتتعبون مره في البداية
ما تتصورين كيف صعوبة الامر وبتفوت عليكم اوقات وممكن تخرب بينكم اوقات وتوصلون لنقطة الصفر في اوقات اخرى
لكن انتبهي لا تتركين الدعاء ولا الاستغفار ولا القران
واذا شفتي نفسك معصبة كثري من التعوذ من الشيطان وتوضي وغيري مكان جلوسك وابعدي عن الاماكن الحاره في البيت ترى الاجواء الحارة تزيد من حدة المواقف وتصعب التفاهم