صارلكم مواقف مع النميمة و النمامين؟ و كيف تصرفتوا؟

السلام عليكم

بنات اريد اسألكم صارلكم مواقف مع النميمة و النظامين ؟ و كيف تصرفتوا؟ و هل واجهتهم أو كشفتوهم و كيف كانت النتيجة ،،خبرونا عشان نواسي و نفيد بعض


انا بخبركم موقف صارلي مع النميمة ،،انا اول ما تطلقت رجعت لاهلي الكل كان يعرف أنه طليقي يهينني و يضربني يعني حتى ما احتاج ابرر سبب الطلاق كانت خالتي حامل في الأشهر الأخيرة و تعتبر جارتنا كانت مسافرة كم شهر و رجعت اول ما رجعت بدأ النميمة القيل و القال و كانت طول الوقت تجينا و تسأل في خصوصياتي و كنت ما ارد عليها تسأل كم شهر لي جالسة انا و عيالي عند اهلي و ما رديت و جلست تحسب عمر ولدي لان يوم رجعت كان عمرة بالاشهر و كانت نفسيتي متدمرة (و طبعا ذا الشي ما يهمهم و لا يفرق معهم)كنت بدون ورقة طلاق و اعاني ماديا و كانت كل ما جت بيتنا تسأل اسألة و كنت ما ارد عليها اقول فترة و بينسون و خلاص بتعدي و في الاخير بعد ولادتها بالطفل رقم ٩ ماشاء الله قالت لامي بنتك يقولون تطلقت عشان سوت و سوت(كلام مو زين و فيه تشويه سمعه ) و بنتها عمرها ١١ كانت تنقل حش امها فيني للصغارية ،،مع أن ما سويت لامها شي و ما كان بينا اي مشاكل قبل ما اتطلق المهم أن قعدت اشهر ما اقدر انام و بعدين تعبت نفسيتي و قعدت ابرر إن انا تطلقت عشان كذا و كذا و ما فرق معهم و تم تعاملهم سيء و احس يمكن كان لازم ما ابرر ما ادري

و هي حتى طليقي ما يقرب لها و لا عايشة في بيتها و لا تصرف علي و لا ساعدوني في شي لا هي و لا أهلها بس يسوون مشاكل بيني و بين امي و بيني و بين اهلي و ينقلون دائم كلام فيه سب و كلام سلبي و ما يقولون شي زين