خلي الكرامة عنك انتبه تدمري حياتك هو شكله عنيد وانتي تبغي تزيدي تعاندي، ممكن هو الان يفكر مثلك ليش هي ماتدق علي وتقول برجع او تجي للبيت دامة قريب، ويعاند فيك، انتي الزوجه كوني الاضعف افضلك تكسبيه ماتخسريه حركته تقهر ادري 😑بس، طنشي وكلميه يمرك وكانك موزعلانه دام هذا اسلوب يكرره سوي كانه عادي الشي او خلي احد يوديك بيتك ورتبيه ونضفيه وتشيكي انتي واعملي نفسك مشغوله اذا جاك بثقل ودلع😛والكرامة حطوها على جنب

روحي المره هذي مع أحد عايدي بس خليها بعد يومين عشان تجي عايدي وشوفي الوضع عايدي لاتناقشينه ولو سواها بعد كذا ادبيه انك تطنشينه انتي

هو بيتك ومشوار 3 دقايق روحي وقولي له ماحبيت اتعبك وحطي لك حد للموضوع واضح الموضوع مش هرجع انه يسيبك في بيت اهلك وبس في امور ثانيه اما هو يخبيها والا يبي الفكه والا عندك اسلوب في تعاملك ما يناسبه اعرفي السبب راح تحلي المشكل

ليش تلوموني..كل فتره يسوي الحركه هذي..ويعرف إني ابغى بيتي ويطنشني ويروح البيت وبعد يكذب يقول ماقلتيلي مرني ولاارسلتي وأنا مرسله رساله بنفسي وطالع عندي إنه قاري
أنا عصبت وحظرته يومين ورى بعض أقوله مرني ويطنش إيش تبغوني أسوي أخلي إخواني يوديني البيت وهو شارد عني يومين ما ابغى احسسه إني ماقدر اعيش بدونه والا بيزيد علي ويعرف نقطة ضعفي ويستغلها وكل شوي يكره
انا ابغى احسسه إني معززه مكرمه في بيت أهلي
هو اللي غلط علي مو انا...انا حظرته بعد ماطفح الكيل
نفسي اعرف كيف تشوفون الحق معاه؟؟؟
اللي قاهرني ليش مايدق ولايرسل. ..معقول ما اشتاق

طالما انتي زوجته هذا بيتك بالشرع مثل ماهو بيته (لا تخرجوهن من بيوتهن)
ماهو من حقه يفرض عليكي البيات خارج بيتك
خلاص بيتك قريب ثلاث دقايق تقولي روحي مع اخوك او أي احد وقولي مارجعت عشانك رجعت عشان هذا بيتي
ترى كثر البيات في بيت اهلك راح يجعله يعتاد على بعدك اكثر ويقسو قلبه