هلا بك يا سكر

الحمد لله إن ربي أكرمك بالعافية و الجمال

مشكلتك قلتيها ، المقارنة و عدم تقدير الجمال من اللي حولك

**مشكلة طريقة تفكيرهم ، إنهم ما يقدرون الجمال و النعمة إلا اللي تكون على مزاجهم .

يعني يا سكر لو كنت بمجتمع غير مجتمعك و كنت بنفس ملامحك و لون بشرتك و شخصيتك - و كان اللي حولك أقل منك بمعايير الجمال اللي عندكم - أكيد كنت بتحسين بفخر و إعجاب بنفسك و جمالك و كل تفاصيلك >لمجرد إعجاب اللي حولك بك.

اللي بأوصله لك إنه المجتمع ليه دور إنه يعزز ثقتك بنفسك أو العكس ..
فطالما إنه مقتنعة إن ربي أكرمك بجمال و نعم كثير خلاص هذا هو المهم : ركزي أكثر على هذه النقطة
كل مرة تشوفي نفسك بالمراية - انظري لنفسك إنك جميلة و رددي ( اللهم كما حسّنت خَلقي فحسّن خُلُقي )
و ما يمنع من وقت للثاني على فترات متباعدة إنك تتكلمين عن صفة خلقية فيك تحبيها و تعجبك بنفسك و إنك تحمدين الله إنه أكرمك فيها ..... طبعًا تكلمي أمام أمك و أخواتك

لأن بإذن الله مع الوقت من تركيزك على هالأمور بتصيري للأفضل بحول الله
لأنك تغذّي نفسك بنفسك برفع الثقة و التقدير لمزاياك و مواصفاتك
+إنه تلميحك للي حولك بالمزايا اللي عندك هذا يلفت إنتباههم لها و مع الوقت بتلاحظينهم يلتفتون لها فعليًّا

ممكن بالبداية يستهزءوا باللي تقوليه لكن مصيرهم يتأثروا بكلامك ... و بتتأكدي بنفسك بإذن الله

يقولون ( ما تكرر تقرّر )
و المقصد الكلام اللي يتكرر على أسماعنا كثير مع الوقت يقرّ و يثبت بالعقل و النفس

فإنت استفيدي من هذا الشيء لصالحك

و بدل ما يكون ضدك و تسمعين كلام والدتك - الله يحفظها لك - و كلامها السلبي المكرر إنه إنت مو حلوة
اعملي العكس ..... و إنت صيري كرري الكلام اللي تحبيه ينطبع في أذهانهم عنك 👍🏻

و اللي يظهر لي من طريقة سردك و ردك بالموضوع - و الله أعلم - إن ربي أكرمك بلباقة و حُسُن منطق ... و هذا الجمال بعينه ، فأيش تبغي أكثر ! ☺️

و بالأخير بالنسبة للي يعلقون لك بصريح العبارة إنك ما تشبهين أخواتك ، الأغلب مو بقصد مضايقتك بقدر ما إنه استغراب للاختلاف اللي بينكم .... لكن يوضح من الأسلوب ، و هنا بإمكانك تردين عليهم لو رد خفيف مثلًا : نعم اعرف إني ما أشبه أخواتي ، حلو الشخص يكون مميز و مختلف ♥️
أو تكملين إنه : مع اختلافنا أنا أحب شكلي و أحب شكل أخواتي.

و اللي اساءت الأدب اقصد الضيفة ،
مو ضروري تسبّينها و تشدّين بالكلام - لأن أخلاقك ما تسمح - فقط اسأليها بإستغراب : ليه أيش فيها الشغالة السيرلانكية ! قصدك أنا مو حلوة ؟

طبعًا حتى لو هي فعلًا هذا قصدها ،، بتنحرج و تحاول ترقّع الموضوع و إنه ما اقصد و غيره لكن ..... المهم ردّي و لا تخلين بنفسك

أبسط رد للي يعيد بالموضوع و تعمل نفسها متفاجأة 😱 : (إنت ما تشبهين أخواتك )

ردي 😑 : طيب ، شكرًا على المعلومة.

المهم يا سكر
بإختصار >>>🚨هذه مشكلتهم و ليست مشكلتك ✋🏻

عادي جدا صار لي موقف مشابه على اني الحمد لله اشوف نفسي جميلة وكثير يشهدون لي بالجمال و كم مرة انخطب ويفكروني بنت صغيرة مع انه عمري ٣٥ سنة بس فيه ناس حسودة وتحب ترمي كلام يسم البدن وحدة مرة قالت لي يوم رحت سيرلانكا شفت كثير يشبهونك 😅 وربي ولا حركت فيني شعرة اعرف لو ماهي مقهورة من جمال وتتمنى نصه ما قالت هالكلام 😌 لانه ماحد يسبك الا احد منقهر منك معروف ومافي انثى في العالم قبيحة طالما تبرزين انوثتك وملامحك الي ربي خلقها لك انت في احسن تقويم والجمال متفاوت ممكن انا اشوف فلانة جميلة وغيري يشوفها مو حلوة مافيها ١+١=٢
خلك واثقة من نفسك و اذا احد قالك كذا اضحكي ضحكة دلع وروحي وخليه اهم شي اهتمي ببشرتك و شعرك و واعطي نفسك رسايل ايجابية قدام المرايا وكلللللل كلامهم حطيه ورا ظهرك

اولا شوفي نفسك بمنظورك انتي واتركي الناس وكلامهم اللي ماينتهي وثانيا وادا احد مدح خوااتك وقال هم احلى منك قولي لامدحتو خواتي كانكم مادحيني واياك تقارنين نفسك باحد واي وحده تطقق عليك ادخل في عينها واقلبي الطاوله عليها واياك وضعف الشخصيه

وادا على امك فكل شي قولي ابشري وعلى خشمي هدي امك والجنه وراءها ومافي امي تكره بنتها مهما كان التعامل

حبيبتي لاتعطينهم مجال عرفتي المثل اللي يقول مزحه برزحه خلي تعاملك كدا وحاولي تقللي زيارتك لهم