صارلي شهرين متزوجه لو انتي مكاني وش تسوين؟!

السلام عليكم ياحوائيات انا متزوجه من شهرين كانت فترة خطوبتي قصيره حتى شقتنا ماخلصناها وحددنا الزواج على اساس الشقه بتخلص بس العمال يماطلوون الحين انا ساكنه مؤقت ببيت اهل زوجي لنا جناح خاص ودرج من برا شقتنا بعمارة بعيده عنهم هذا كان طلبي قبل الملكه شقتي تخلص بعد اربع شهور بس خلال هالشهرين تعبت تعبت منهم كل يومي صياح منهم مشكلتي اكتم غيظي ولساني مو طويل
والحين انا ببيت اهلي من ثلاث ايام ومستحيل ارجع لهم من اللي صار يفتشون اغراضي اذا طلعت انا وزوجي اذا شفت هالشي اقول بنفسي اتوهم من اول يوم سافرنا شهر عسل ورجعنا حسيت الغرفه محيوسه والاغراض مو بمكانها قررت اني اصور الغرفه بجوالي فديو قبل لا اطلع واقارن قبل لا ارجع ومن هنا عرفت انهم يلعبون بالغرفه عندهم مفتاح ثاني اللي خلاني اجي لأهلي شي كل ماأتذكره اصيح كنا بجمعة عازمين قريباتهم لأول مره اشوفهم وكانت معاهم مرة خاله عمرها تقريبا بأواخر الخمسينيات كنت مستحيه وكنت احوس بجوالي الا مرة خاله جت تهاوشني وتصارخ بأعلى صوتها تقول شوفوها قاعده تصورني انا بغيت انجلط خوفتني قلت لها ماصورتك انا مو.مراهقه عشان اسوي هالحركات انا وحده متربيه والحريم كلهم ساكتين محد تكلم وتجي تبي تاخذ جوالي تقول اذا انتي صادقه جيبي جوالك اشوف الصور قلت لها مستحيل اوريك جوالي فيه صور خاصه انا مصورة اشياء شخصيه مابي احد يشوفها وخواتي يرسلون لي صور خاصه مابي احد يشوفها قامت وشدت شعري قدام الناس غصب تبي الجوال ودخل ابو.زوجي يقول لها صلي عالنبي وهي مازالت تصارخ قومت البيت جد تشرشحت قدام الحريم رحت فوق غرفتي مت من الصياح وقلت لامي وجيت عندهم مستحيل ارجع زوجي هاوشهم على اسلوبهم وكلم مرة خاله يقول امسحيها بوجهي حسبي الله على اهله مستحيل ارجع فشلووني قدام الصغير والكبير