صارلي موقف ماتمنيته ولا العدوي

السلام عليكم
بدخل بالموضوع دغري 
السالفه قبل شهر سافرنا مع اهل زوجي وسلفتي وزوجها
حنا وسلفتي وزوجها بسياره واهل زوجي بسياره الحالهم كانو ام زوجي وابو زوجي واخو زوجي واخت زوجي
المهم السفرات الجماعيه تكون فيها شوي مشاكل الاختلاف الاذواق وهذا يبي كذا وهذا يبي كذا
وكان اخو زوجي اللي معنا بالسياره مره منرفز ومعصب ونفسيته زفت
وكل ماقلنا نبي مكان عصب ونرفز 
وكنا نبي السينما قال لا وليش تروحون ومايحتاج فلو فرشتكم على البحر وترمز الشاهي وخلاص مولازم سينما واسواق قلنا مو عشاننا عشات اختك مسكينه تبي السينما قال ولعنه في اختي تطق راسها بالجدار
اسكتنا وبلعنا العافيه انا وسلفتي وصلونا للسوق وقالو بس ساعه تطالعون سينما وتطلعون 
قلنا زين
قصينا التذاكر حقات السينما دخلت ام زوجي وسلفتي السينما
طلعت انا واخت زوجي نجيب الفيشار والاغراض حقت السينما 
قالت اخت زوجي بس نخلص من السينما راح نتسوق قلت اي تسوق يابنت 
العيال مرره معصبين يقولون بس تطالعون الفيلم وتطلعون
 وخصوصا فلان اللي هو زوج سلفتي قالت اخت زوجي ماعليك اذا قلت انه انا وامي نبي السوق راح ينطم
قلت هههه ينطم قبل شوي بنسكته قلنا
احنا نبي السينما عشان اختك قال ولعنه فيها
اساسا اخوك مستشر ومنكد علينا مدري شقصته 
قالت اخت زوجي هم كلهم كذا يعصبون وقت السفر بس ماعليك منهم 
راح نتسوق واذا دقو بنقول بنطنشهم 
ومر على السالفه شهر تقريبا واخت زوجي طبيعيه
امس جاني زوجي منهبل 
يناديني وهو معصب قلت خير يافلان عسى ماشر
قال اخوي فلان دق علي منجن يقول زوجتك النمامه قايله الاختي
اني قلت ولعنه فيها ليش تطلع الكلام ليش تنقله
رحت الزوجي احلف له انها طلعت عفويه وبدون قصد
وان اخته ليش توها تتفطن تزعل بعد مرور شهر وتوها تقوله
وبوقتها عادي ماسوت شي وتاكل فيشار بالسينما ووضعها
طبيعي
قال زوجي انا انحرجت عند اخوي مدري وش ارد عليه انتي فشلتيني
قلت خلاص انا اتفاهم مع اخوك وافهمه الوضع 
طبعا دقيت على سلفتي بالاول افهمها والحمدالله يارب تفهمت انها بدون قصد ومو الفصد بسبب فتنه وانها عفويه طلعت بوقتها واصر زوجي ادق على اخوه افهمه بنفسي السالفه ودقيت على اخوه وفهمته وطلع الرجال متفهم والحمدالله انحلت السالفه وتسامحت من زوجي لاني حطيته بموقف محرج عند اخوه وزوجته  وانحلت الحمدالله 
بس شوفي بعض الاحيان الانسان يقول زلات بسيطه وتكبر مثل سالفتي
وقلت الزوجي بدق على اختك اعاتبها ليش تسبب بلبه والسالفه انتهت وليش تكبرها ماراح اتهاوش معها بس بعاتبها عشان المره الثانيه تنتبه والله صارلي يوم افكر وعجزت انام من اخت زوجي ليش تسوي كذا ليش تحطني في ذا الموقف هي اساسا ماهمها كلمة اخوها ولعنه لانه لو يهمها كان بوقته حاسبته مو بعد مرور شهر بس 
جد جد عجزت اسكت ودي اكلمها قهرنني 
ويابنات خذو من قصتي العبره والله اقل كلمة عند اهل زوجك ممكن تسبب مشكلة انتبهووو