صارو ينادونها الچذابة 💔💔💔

السلام عليكم ورحمة الله وبركاته




المشكلة لصديقتي مو لي
إستشارتني و قلت بستشيركم
تقول
انا من انا صغيرة و انا أحب أألف فالكلام
أقعد أجمع سوالف ومواقف في مخي عشان لا صارت يمعة ولا مناسبة أسولف فيها للناس


على أساس إنها صج
وأي وحدة تقول لي موقف صار وياها وعيبني أروح لناس ثانيين وأقوله لهم على أساس إنه الموقف لي


وطبعا لابد من الخيال في السالفة
أحيان بسبب كذبي كنت أسوي مشاكل بقصد و بدون قصد


كبرت وكبرت كذباتي معي




حتى أهلي ما سلمو مني




وتزوجت من سنتين ودخلت حياة جديدة بس الطبع لازق فيني




كنت أسولف بكذب عند هاي و أفتن عند هاي
و كنت وااااايد ثرثارة
حتى زوجي أحسه متضايق من كذبي






إللي خلاني أكتب الموضوع


من يومين كنا بيت عمتي
دخلت عليهم مرة كبيرة شايفتنها مرتين






شوي وتسألهم
وين مرت ولدكم الكذابة
تمنيت الأرض تنشق وتبلعني






يالله 💔💔💔💔 شعور موحش وقاتل


بس أنا إللي سويت في نفسي جي أنا السبب


ودي أتغير


ودي أمسك لساني


يا جماعة انا واااااايد ثرثارة وبهذرتي أخلط الحابل بالنابل


ودي أحط حد لنفسي




أ
صرت أخاف أييب عيال ويطلعون مثلي


شورو علي كيف أغير من نفسي
عطوني دعاء يفيدني
لأني بإذن واحد أحد بتغير للأفضل