جست دريم @gst_drym
محررة فضية
صار التمصخر طبع بزوجي معي
سلاممثل ماهو مكتوب بالعنوان خلاص صار تعامل زوجي معي مصخره بمصخره يعني يتطنز على اي شي ويستهزء في اي حركه او كلمه او تعليق مني لما وصل هالتمصخر درجه الاحتقار تخيلي طول يومك مايكلمك طبيعي ولايسولف بس مع اصحابه واذا راحو والتفت لك بس يتطنز ويحتقر ابي شي يدق خشمه اللي رافعه علي والله جربت اني اضحك ولا همني وصرت اقاوم مصخرته علي لما وصلت درجه الجنون واحس اني ولاشي وجربت اني اطنش والله ولاهمه كل ماله يزيد ولافكر فيني تكفون ابي شي يقهره مثل قهرني
22
4K
يلزم عليك تسجيل الدخول أولًا لكتابة تعليق.
fatoomah123
•
والله ماادري وش أقول لك ناقشيه وقولي له هالشي يضايقني واذا مافاد عامليه نفس معاملته اسخري عليه بكل شي شكله لبسه أسلوبه أي كلمه يقولها وبيتوووووب غصب عليه لانه بيحس بمعناتك لا عاملتيه نفس الأسلوب
بتول~
•
استهدي بالله وادعي له ربي يصلح حاله ..اما مسأله اقهره ويقهرني فهالشي راح يصير مع الوقت نمط حياتكم وراح يزيد ويتازم مع الوقت ..نصيحه اجلسي معه وكلميه ان هالشي يضايقك كلميه بكل شي بقلبك وربي يصلح مابينكم ويسعدكم
فيه بعض الناس اذا قلتيلهم شيء بيزعجك يصممون فيه و يعملون أكثر منه بعد و يفرحون لأنك زعلانة من حركاتهم خلي عنك سالفة تصارحينه أنتي توجهي للملك الحق لله عز و جل بالدعاء بإصلاحه و إصلاح حالكم و أكثري من الإستغفار و لما يتمسخر عليك إضحكي في وجهه كذا يحس بتفاهة عملته و سخافة فكره و لا تبكين و لا شيء عامليه على أساس طفل صغير و أنسي عملته كذا بيستصغر نفسه و واجباته الشرعية اعطيه اياها عشان لا تأثمي بسببه و يقولون الحقران يقطع المصران احقريه لما يتمسخر عليك كأنه مو موجود مع الوقت يحس نفسه تافه و تصرفاته تصرفات بزر و يبطل حركات الغباوة هذي
قولى له انه كثر النمصخر عليك دليل انه ما يحترمك ..واذا كان يحترمك صحيح الافضل انه يوقف هذه العادة السيئة ..ربنا يهدية وكونى قوية الشخصية ولا تكونى ضعيفة
جست دريم
•
قولى له انه كثر النمصخر عليك دليل انه ما يحترمك ..واذا كان يحترمك صحيح الافضل انه يوقف هذه العادة السيئة ..ربنا يهدية وكونى قوية الشخصية ولا تكونى ضعيفةقولى له انه كثر النمصخر عليك دليل انه ما يحترمك ..واذا كان يحترمك صحيح الافضل انه يوقف هذه العادة...
هذاني،اقول بديت احس بالاحتقار ولاكني ربة بيت متعلمه موظفه يستصغرني دايم مدري ليش من ناحيه الاحترام هذا مايحترمني ابد دام اسلوبه كذا
الصفحة الأخيرة