صار اللي ابغاه و مو راضيه الله يلعن الشيطان

ي اخوات انا نزلت موضيع كثير يمكن تذكروها
اكتشفت ان زوجي يكلم شباب و عنده حساب بتويتر جديد قريت فيه تغريدات بذيئه
واجهته انكر وحذف الادله
وانقلب السحر على الساحر
طلع من البيت منهار ويدعي علي و قفل جواله وحظرني من جميع مواقع الاتصال
انا قلت له اكرهك ومابغاك وكبدي تحوم من ريحتك و تناقشنا نقاش طويل
انا كنت صارمه وحازمه
لين شفت دموعه و دعاءه علي خفت اكون ظالمته
ارسلت له الف رسالة اعتذار مارد اتصلت مليون اتصال مارد عياله يبكون انتي طردتي بابا
مع انه وقت المشكله كنت اشوفه شيطان رجيم ولما طلع ندمت


ايش العمل الان اطلع من البيت لبيت ثاني لان مشاكلي معه ماتنتهي وبشكل مستمر لي ١٤ سنه وانفصلت مره ورجعت بعد اسبوعين وانفصلت الثانيه زعل بدون طلاق وجلست شهرين ورجعت
اولادي له يومين طالع طول اليومين كلامهم عنه
ومحزنيني
لا كنت ابي الطلاق وحازمه اتذكرهم واندم
ولا عشت مع ابوهم اكون متأذيه منه نفسيا عجزت افصل وعجزت اطنش وعجزت اتغاضى


اهلي تدخلوا مليون مره واستحي ادخلهم الان لان المشاكل صارت قريبه من بعض كل شهر مشكله كبيره
اهله مالهم اي علاقه فيه
ايش الحل دلوني احاول اصلح ولا مامنه رجا احس ذليت نفسي هو اللي كان غلطان وقلب الطاوله و براء نفسه وانا متاكده و خلاني احن عليه واعتذر اعتذار مبالغ فيه بالرسايل ويسفهني ولا يرد علي


مو مقصر ماديا وحنون مع اطفاله
بس معي انا فرعون وراعي مشاكل


انا ببيته مع عيالي ماطلعت هو اخذ اغراضه وطلع