صار المستحيل واقع

اولا انا زوجي من النوع العصبي جدا والي ماعند الا رايه
ولايعتبر لاي شخص مهما كان وهذا اكثر شي
لو صارت بينا مشكله مااقدر ادخل احد لان ممكن الشخص الي هو عندي كبير ومحترم
ممكن مايرد عليه زوجي وينحرج
فما احاول ادخل احد منعاً للاحراج وحتى محد يحقد على زوجي من اهلي


المهم
تناقشت معه في موضوع البيت والتصليحات
مع حدت النقاش
حلف اترك دوامي
لانه لو عليه مااداوم ولا اطلع من البيت
اجلس اراعي البيت والاولاد وهو ياخذ راحته يطلع ويرجع متى مايبي
ودوامي بس العصر


وكان وقتها نزول المطر يوم الجمعه
ودعيت
دعاء المصيبه
انالله وانا اليه راجعون وكنت واثقه ان المشكله بتنحل
وزوجي كل شوي يعيد ويأكد علي ماكو دوام خلاص

انا سكت ماعاد دريت عليه
وضاق صدري
ولا لقيت من اشتكي له
وافكر اشتكي لاي احد كبير بالعايله بس زوجي عنيد بيعند زياده وتكبر المشكله
وبالليل جلست استغفر
واتذكر الي يستغفرون١٠٠٠واكثر
وجلست استغفر١٠٠٠
وفي اثناءالاستغفار تذكرت ذنب اذنبته
في عيني بسيط بس هو كبير
(كنت فاتحه رابط ديني باليتيوب وبعده خلصت ولقيت مسلسل وجلست اطالع فيهم وجات بنتي الصغيره بالابتدائي تبي تشوف واستحيت منها ومنعتها وغيرته لمقطع كويس )
وحسيت وقتها باني حقيره كيف استحي منها ومااستحيت من الله
وتذكرت الايه(وبستخفون من الناس ولايستخفون من الله وهو معهم)
واستغفر اكثر لهذا الذنب
واليوم الثاني بكل بساطه
قلت لزوجي بداوم قال طيب بس تأدبي قلت طيب
وانتهت المشكله ولله الحمد
وفي نفس اليوم الله رزقني بعمل صالح سري
وفرحت فيه لاني اعتبرته هديه من الله









🌹سبحانك اللهم وبحمدك استغفرك واتوب اليك🌹