صار دب وبدأ يطيح من عيني... ساعدوني

أخواتي الطيوبات,,

السلام عليكم ورحمة الله وبركاته,

أنا عضوه يديده معاكم وبصراحه حبيت أن يكون اول مواضيعي معاكم عن مشكله أعاني منها ويمكن البعض منكم يستصغرها لكن الناس أذاواق ولكل بنت نظرتها وشي يشدها بالرجل...


مشكلتي تتلخص أني تزوجت أحد أقربائي وكان جسمه زين قبل الزواج وكنت اعرف عنه قبل انه مهتم بنفسه ولبسه وما يقطع التمارين وتمارين شد العظلات وكان هذا الشي من الأشياء اللي شدتني له وكنت اقول على الاقل احسن من هالريايل المتان وبيترس عيني لكن الفرحه ما تمت فبعد الزواج بدأ اهتمامه يقل بجسمه وبدأ يقلل من ذهابه للنادي والان تركها نهائيا وزاد وزنه. تصوروا ان وزنه وصل قريب 105 كيلو بعد ما كان لما تزوجته 88 وكل هذا بسنه وحده طبعا هو طويل وصار يطيح من عيني لدرجة اني لو طلعت معه السوق وشفت هالشباب المهتمين بأنفسهم اتحسر على زوجي ودايم اقول لنفسي اهم شي انه يحبك ومهتم فيك بس العين تنظر وتعجب غصب عني وعن اي وحده منكم مثلنا مثل الرجل اللي زوجته دبه مثلا وبما ان يشوف وحده جسمها حلو الا وضاعت علومه. حاولت اكثر من مره اقنعه لكن كل مره يقول الاسبوع الجاي راح اخفف ولا يوفي بوعده برغم اني اتعمد اطبخ له شغلات مفيده وما تسمن لكن المشكله انه يفطر ويتغدى مع زملائه بالعمل ومدري شنو يآكل...

من منكم عندها حل او اسلوب اتتبعه معاه