باقى ثلاثه اشهر ودخل الثلاثين بس مستانسه عادى لانه الشباب جوا القلب والله حاسه نفسى توى بالعشرين:)
طبعا مسويه انقلاب جذرى للتغيير و صايرة افكر بعقل اكثر وتصالحت اكثر مع نفسى ومع الأخرين
من جانب العباده :
الحمد الله هذا الشهر غيرت عبايتى ولبست عبايه ساترة ع الراس مستانسه ومقتنعه فيها مع انى كنت قبل احس انه من سابع المستحيلات اطلع بعبايه عاديه و اهتميت اكثر بجانب الصلاة و العبادة ككل من قيام الليل و قراءة القران وذكر و الله يثبتنا
الثقافه :
غيرت عن الروايات والقصص مليت منها ( كنت مدمنه روايات ) ... وبدلت بكتب تغيير الشخصيه وطرق وفنون التعامل مع اناس بالاضافه للكتب الدينيه
وصايرة اقرا اكثر عن مواضيع تربيه الأطفال والتعامل مع الزوج وانواع الأزواج وكذا وشاريه كتاب حلو اسمه الرجال من المريخ والنساء من الزهرة ....
ما تزوجت <<< بس زيادة ثقافة
ادعيلى بالزوج الصالح اللى اتمناة:icon28:
وعندى كتاب اسمه قوة عقلك الباطن فيه قانون الجذب اللى تتكلمين عنه وطبعا من فترة اطبقه خخخخخخخ ان جاب نتايج بشرتك:)
وهذى الكتب خلتنى اجتماعيه اكثر وحضورى اكبر
احب الرسم وبدخل ان شاء الله بفن الرسم بعمق اكثر حاليا استعد بالقراءة
وافكار وسكتشات ع الطاير
شريت كم نبته داخليه اهتم فيها واشوفها تكبر قدام عيونى
اللبس والستايل العام :
حاولت اطلع عن عمر العشرينات بس روح العشرين متعلقه فينى <<<<< تونى شاريه بلوزة فيها رسمه توم وجيرى :09:
بس عموما غيرت شوى بستايلى بس هذا اكثر شى تعبنى لانه تعجبنى دايما اشياء بنوتيه
ما تناسب عمرى
التغديه :
اهم شى وقفت اكل الوجبات السريعه و الببسى والمقليات
وستبدلتها بالسلطات والغذاء الصحى واخذت فيتامينات اسمها
( seven seas) كبد سمك القد
العنايه بالشعر والجسم
طبعا غيرت وصرت استشور لانى قبل كنت اجعد دايما
بديت استخدم الحلبه وزيت عافيه لتنعيم الشعر لانى ناويه اخليه غير
الجسم طبعا حاليا ادور ع خلطه تفتح لون جسمى اكثر مع انه لونى فاتح بس ودى بخلطه تبيض صح للحين ما استقريت على شى
استخدمت كريم الليل من بدايه 29 اخذته من دكتورة وكان حلو وعطا بشرتى نقاء وحيويه اكثر بس خلص وللأسف ما حصلته مرة ثانيه بالصيدليات :angry2:

و استخدم مجموعه عنايه بالبشرة من شركه (بول دوفارتانس) حلوة وتخلى الوحد يبان اصغر من عمرة صراحه دايما محد يعطينى التسع وعشرين ويتفاجئون لما يعرفون انى متخرجه من الكليه عبالهم بعمر 22 بس خسارة قربت تخلص وماعندى صراحة ميزانيه حاليااشترى منها مرة ثانيه لانها غاليه :09: .. ( افكر اشترى مجموعه من بينزلين) عندك اقتراح ثانى اسعفينى فيه
وبس
عقبال الميه سنه لى ولك وكل اللى بيدخلو الثلاثين
والله يرزقنا طوله الأعمار ويقوينا على طاعته سبحانه

انتظر تفاصيلك فوتشيني
مشكوووووووووورة ع الموضوع الرائع وعذرا ع الأطاله

:26:

موضوعتج وايد حلو بس ليش خايفة من سن الثلاثين اناعمري 33ومااحس بأي تغير في حياتي واييدين الي يشوفوني يقولون كأنتج بداية العشرين

يابنات نسيتوا ان اهل الجنه يرجعون شباب في 35 من عمرهم لا تشيلون هم بس المشكله ان العيال يكبرون وتنسين نفسك معاهم وتمر الايام وانت بس تربين وتأكلين وماتفوقين الا وانت في سن اليأس خلاص ( مايكبر شباب حتى يبلى شباب) وعلى قول ام سعيد في(الفريج)
يااااااااااااااااااااااااالله بالستر
وشكلى بسوي عمليات تجميل زي ام خماس خخخخخخخخخخخخخخخخخخخخ

الموضوع حلو كتير
كملوا وأنا من المتابعات عن بعد لأني بعد سنة بكمل الثلاثين

ويا ريت تفيدونا بأسماء كريمات التجاعيد اللي تستعملوها

لمعلوميه يابنات ... ان الحور العين اعمارهم 33

وش معناته ؟

معناه ان العمر هذا هو العمر النموذجي للأنثى ... كمال الانوثه والنضج والجمال العقلي والجسدي

يعني ماله داعي هالرعب الي انتم معيشين عمركم فيه ...

بعدين احساس الرعب هو الي بيكبركم مو الثلاثين

وبدال مانحسب لأعمارنا نهتم في انفسنا افضل