صار عندي بروووووود بكل شي في حياتي ☹️

اتكلم جد صار عندي برود نتزاعل انا وزوجي وهو كنه مجنون يصارخ وينهبل وانا اطالع له عادي
بتكلم عن ١٩سنه مرت من حياتي كان يطردني براء بيتي بالصبح بالليل بالعصر اي وقت تصير مشكله مسكني مع شعري وحذفني بالشارع وانا اروح لهلي اركض منهاره
كان اذا زعلان مايعطيني مصروف
مايجيب اكل للبيت
يعمل نفسه ميت اذا تزاعلنا وكنه مو مجبور فينا
انا حاليا باااااارده
حياتي مالها معنى
يطردني براء بيتي اوقف بنص البيت واصرخ كني مجنونه👹اطلع براء انت يامجنون ياللي فيك ومافيك ودعاوي وسب وصراخ
كان على اي سبب يضرب لين جاء يوم خلاص نفذ صبري مسكته مع صدره وقطعت ثوبه يضربني واضرب وامسك شعره وانجن يبي يموت كيف تسوين كذا وماسكت جاني انهيار اخذت اللي عندي من قزاز ومن تحف براسه 🙄وحلف يطلقني بعد هالحركه😂😂وطلقني
وبعدها كم شهر رجعني لاكن رجعت وحش ماحس بطعم الحياه ماحس بالانوثه يصارخ انجن واوقف كني باتمان انتظر ضرب وصراخ
المهم اني رجال حاليا
يقول كلمه اعطيه عشره
خطب علي كثيييييير وانا مستانسه واجي يمه اقول يارب ماتخرب وماترفضك 😂😂وكانو يرفضونه
ورجع لي ذليل بس ماحس بطعم الانوثه
والله اني مابالغ صار يحط لي ورود بالغرفه يجملها لي وشموع واجي اخذ مخدتي وبغرفه اولادي 😂مالي نفس فيه اقوله بكرى يصير خير مالي نفس
اي والمصروف مايعطيني يعتبر انتفاضه في البيت زوجي عصبي شخصيته قووووووووويه لاكن من المشاكل ضعف يبي بس راحه بال يقولي خلاص خلينا ننساء وارجعي مثل اول 😭😭😭😭مو قادره
مو قادره احبه مثل اول لان في طلاقي شهر فيه عند العالم
خلاني ماسواء
كان يرد على العالم كله الا انا ابي السوق يرفض فجئه اسمع انه بالسوق مودي عجوز جارتنا
صار اشياء كثيره كان يبخل بالفلوس على ويعطي العالم اي احد علشان يمدحونه اذا طلعنا مكان عام
المهم كرهته خلاص
هاذا من غير امه وابوه مقاطعهم من ٢٠سنه قبل. اتزوجه وحالف مااجيهم لاانا ولا اولادي وهم جيرانا بينا شارع تقريبا ولا اعرفهم ولايعرفوني
اه اشياء كثيره تعبتني غيرتني
واللي خلاني اكتب اليوم البارح يترجاني اتغير يقول تعبت من الحياه اموت اريح لي😭قلت. تموت تريحني سكت وراح نام وخلاني
وفعلن كاسر خاطري بس خلاص هو خلاني كذا مابي اي نقاش معه