صار فيني عقدة وخوف من تكرار التجربة 💔

اهلاً
صارت فيني خوف وهلع من تجربة الحمل
ما عندي غير ولد واحد عمره ٥ سنوات وشهر يعني كبر وودي اجيب له اخو ولا اخت
لكن فيني خوووف فضيع من تكرار التجربة لان ولادتي كانت صعبه وكله بسبب المستشفى بهذلوني حسبي الله مستحيل اسامحهم
انا عندي الحوض ضيق وقالو لا عادي تقدرين تولدين طبيعي لان البيبي وزنه صغير مع ان كان وزنه ٢ كيلو ونص يعني طبيعي مو مره صغير
وتعسرت ولادتي وكنت ادفع وادفع ولا فيه فايده وطلعو ولدي بالشفط والحمدلله اللي سلمه وحفظه لي طلع وهو لونه ازرق ولا يبكي وقعد يومين بالمستشفى بعد ما طلعت
والدكتوره اللي كانت مفروض اولد عندها كانت مسافرة ولما رجعت وعرفت بسالفتي قالت كييف ولدوك طبيعي اللي في حالتك لازم عملية وكانت مره مستعجبة
يعني كنت اقول مع السنين بيختفي هالشعور لكن نفسه نفسه ما تغير وبالعكس كل ما فكرت بالموضوع خفت اكثر واصير احلم كوابيس
وطول هالسنين ابلع في هالحبوب لان اللولب بصراحة مو متقبلته واخاف من فكرته ومكان وضعه !!
كيف يروح هالشعور يعني اكيد ما راح يوصلكم احساسي وخوفي من تكرار التجربة لكن ودي اجيب بيبي ثاني 💔
مين صار معاها مثلي وتخطت هالشعور !