شوفي اختي تبين نتيجه سريعه استخدمي البخاخ بتستخدمه مره او مرتين وبينقطع ان شاء الله القمل وتراه هو يقرص اشوي علشان كذا الناس مايحبون يستخدمونه
ترى امي اول اول ما تجي شغالة تبخلها من البخاخ على طول اول ما توصل من المطار
خليها تجرب وتدعيلي

السلام عليكم و رحمة الله و بركاته ..

يا أختي بخاخ بارا ممتاز للقمل على ما سمعت من كتير
من الناس .. والصيدليات مليانة منتجات لهادي الأشياء ..

وغير كدة أفضل لها تروح لدكتور أو دكتورة جلدية ..
عشان يعطوها شي يناسبها وما يضر شعرها ..

وفي الصيدلية مشط إللي يفلي القمل من الراس ..
خليها تشتري منه وتمشط شعرها بيه يوميا ..
ينزل القمل من الراس ..
بس يبغالها تشمط بيه شعرها في الحمام أكرمكم الله ..
أو على شرشف أو نايلون عشان كمان لا ينزل القمل
عالتسريحة أو الأرض و ينتشر ويسير معدي ..

وفيه نوع جديد منه شفته قبل فترة أظنه مكهرب ..
يعني حتى القملة إللي ماصادها المشط ..
تتلسع بالكهرباء :) .. والله من جد ..
بس أنا ما جربته ولا أعرف أحد جربه ..
بس عجبتني فكرته .. الله لا يحوجني ولا يحوجكم له ..

وكمان في شي ممتاز للقمل ولا تحسبيني أتتريق !!
الـــجـــــــاز ( السائل ) .. أنا قريبتي كانت بنتها مسكينة
جاها قمل فظيييييع من المدرسة .. وعانت معاها وجربت معاها
الأدوية .. بعدين أفتكرت أيام زمان .. وجربت لها الجاز ..
تحلف بالله تقول بعد ما أحط لها الجاز و أحممها .. أشوف القمل
كله يطيح ويمشي مع الموية في البانيو وينظف راسها ..
بس يبغاله كذا مرة ألين تضمن إنه أنتهى لأنه بيضه ( الصيبان )
هو أخس من القمل الكبير :( ..

والله يشفيها صاحبتك :) ..


تحياتي ..
جــــــــداويـــــــــــة

بنت امها وابوها
مشكووره حبيبتي وهذا اللي قاعد تستخدمه اللحين




فراشه البيت
مشكوره على المرور وزين اتسوي امج مع الخدم اول ماييون
والله يوفقج عمري

جداويه
وعليكم السلام والرحمه
مشكوره حبيبتي بس المشط المكهرب اول مره اسمع عنه
وعلى طاري الجاز انا سامعه عنه وعن الفليت البف باف ومفعولهم القوي بس سامعه مو
زين للرأس وحمدلله اهي فيها اشوي مو وايد وان شاءالله البخاح والمشط وغيره ينفع معاها
وامين الله يسمع منج والله يشفيها

السلام عليكم و رحمة الله و بركاته ..

العفو يا أختي :) ..

أنا كمان أول مرة أشوف المشط هادا في الصيدلية ..
بس ما حطيته في بالي عشان كنت أبغا شي تاني
وما بدي أشتت تفكيري .. بس لفت نظري !!

وبالنسبة للجاز ترى ماله مضار ( على حد علمي ) ..
وخليها تسأل برضو وتتأكد !!
وأعرف إنه الناس حتى لو مافيهم قمل يستعملوه لأنه يقوي الشعر !!
حتى شوفو مسرحية المتزوجون :) ..
تقولك تحط جاز في شعرها عشان يطولووووو وينعموووووو :) ..
عموما هو فتاك للقمل .. ومجرب من ناس كتير ...

وزمان كانو يستعملو نوع من الفليت البدائي ..
بس دحين المبيدات هادي زي البف باف والريد وغيرها
كلها مواد كيميائية وتخافي من تأثيرها عالشعر و بالأخص
على فروة الراس .. لأن فروة الراس تمتص إللي ينحط عليها !!
ولازم تنتبه لهادا الشي !!

وأفضل شي خلي صاحبتك تروح لدكتورة جلدية :) ..

تحياتي ..
جــــــــداويــــــــــــة