جـــــــواهـــــــر @goahr_6

محررة

صار لي ثلاث اسابيع ماشلت وجا الوقت الي بقضي على الشعر نهائيااااااا

اهلين بنات وش اخباركم ...عندي احساس ان معظم البنات مربين شعرهم قصدي غاباتهم مثلي :42: عشان وقت الامتحانات والحوسه ماعندنا وقت
امس اناظر ليديني ورجولي قلت والله اني انافس احسن رجال بالشعر :arb: ياربيييه وش ذا :06: عاد يوم فكرت وفكرت وفكرت <<< اخلصي علينا
قلت لازم اتحرك والقى حل للشعر الي طفشني وقررت استخدم (نبات السعد ) الي مدحوه البنات وفيه بعضهم سبوه ماادري ليش وعالعموم انا مجربته مجربته لاحد يقولي لا مو زين ومايجيب نتيجه ماعلي بجربه والي يصير يصير (تلاحظون اني قويه صح خخخخخ )
ادري طولت عليكم بالكلام الي ماله داعي والهذره الزايده وبطب بالزبده
الزبده ياطويلات العمر اني وصيت امي وهي رايحه للسوق وقلت لها تجيب لي من نبات السعد وتدوره عند العطارين ويوم رجعت قالت لي مالقيته دووووورت ودخت ولفييت ومالقيت شي كلهم يقولون وش ذا اول مره نسمع فيه :(
ياليت الي اشترته من الرياض تقول من وين وبكم سعره الله يخليكم بستخدمه هذا الاسبوع لاني بشيل الغابات الي عندي باليومين ذولي ان شالله واذا استخدمته بوافيكم باخر الاخبار ان شالله :)

يلزم عليك تسجيل الدخول أولًا لكتابة تعليق.

تسجيل دخول

جـــــــواهـــــــر • 20 سنة

تكفووووون بنات لاتتطنشوني طلبتكم :(

ANOTHER • 20 سنة

اقول اخوي

انتي قايله تنافسين احسن رجال :55:

شوفي العطار اللي بشارع العليا اسمه دار الحكمه

وانتي رايحه للعويس يجي على يمينك

لون لوحته اخضر

كلمته يقول عنده نبات السعد :17:

جـــــــواهـــــــر • 20 سنة

ANOTHER ههههههههههههههه حلوووه اقول اخوي الله يقطع ابليسك
من جد ماني عارفه كيف اشكرك بس ياليت اختي ترسلين لي رقمه على الخاص الله يخليك
والله يعطيك الف الف عافيه :27:

عاشقة الرياض • 20 سنة

هلا وغلا

انا جربته بس مانفع معاي أبد

بس يمكن ينفع معاك

انا شريته من العطارين اللي في وشيقر(الديرة)

بس اتوقع تلقينه عن العطارن في اسواق العويس

تحياتي

بمبة المفترسة • 20 سنة

انا شلت شعر ابطي والمناطق الحساسه وحطيت نبات السعد من كم يوم وانشاءالله ينفع معي