الله يعينك ياقلبي بس دامه طيب صدقيني بيتغير لاتيأسي وتغسلي يدك منه قوليله كل شهر طلعنا مره وبشرط احنا نقرر متا نرجع تكون فاضي بس لنا ويوم مافيه دوووام لين مايتعود وهكذااا

بنات انا ماعندي وظيفه ما اشتغل انا بديت مشروع طبخ ادخل منه مبلغ بسيط يعني ما اقدر اجيب سواق ولا شي وهو مستحيل يخليني اركب لموزينن

انسي زوجك تماما هالفترة الظاهر اﻻن يفكر بابوه خايف عليه انتظري كمان لبعد اسبوع
انشغلي عن زوجك بعيالك
جالسين في الشقة ماتطلعون سوي عصير او شاهي وفشار شغلي اناشيد ارقصي مع عيالك والعبي معاهم
صلي لربك واشكي لربك واطلبي من الله العون والمساعدة
بعد اسبوع رسالة بسيطة حلوة لزوجك طلب تروحون مثلا لمنتزه الفلاني وقولي سويت لك حلى اللي تحبه مع قهوة
وعلى شوي شوي رسالة كل بعد كم يوم طلب وبعد الطلعة امدحي فيه كثيررررر ورسالة شكر
بس رجاء ﻻتاخذين معك فلوس كانك نسيتها
خليه هو اللي يدفع

حبيبتي أتوقع زوجك مو هذا طبعه أنتي ذكرتي بموضوعك أنه طيب و حنون و محترم
لكن صاير عصبي معكم يعني تغير وما غيرته ألا الظروف و على فكره كثير رجال ما يذكرون لزوجاتهم عن ظروفهم ألي يمرون فيها
بعضهم يعاني من الديون و بعضهم يواجه مشكله بالعمل أو ضغط عمل مفاجئ
أو مشاكل مع أهله مش بالضروره تكونين عارفه عنها
يعني أكيد الرجل يمر بمرحله صعبه
يكفيه مثل ماذكرتي أنه يعاني ضغط عمل و فوق هذا أبوه له فتره تعبان و كل ويك أند تطلعون له
تزورونه يعني الرجل مو قادر يصفي راسه
هم عمله و هم أبوه و همكم و الله يعلم أذا فيه هموم ثانيه ما تدرين عنها
ضغط على نفسه و طلعكم لكن جلس ينفس ضغوطه فيكم !
كل هالوضع يحتاج لنقاش هادي بينكم وقت مايكون رايق أفهمي أسبابه بهدوء مو بهواش
و الرجل مثل الطفل تقربي له سمعيه كم كلمه تروقه
قولي وش فيك يا فلان ما كنت كذا كنت حنون و لا تقصر علينا الله يطول بعمرك
لكن الأن صاير لا تطاق عسى ما شر خبرني نتمنى ترجع الأولاني فاقدينك كثير
صدقيني الرجل من يسمع هالكلام حتى لو ما عنده شي بيخجل من نفسه و بيفرحه هالكلام
حاولي تتفاهمين معه مافيه حل غير كذا .....
مو تجلسين تشيشين نفسك عليه و أنا أستاهل غيره و أنا ما أقدر أصبر و أنا و أنا هذي كلها ما تحل المشكله
تشحنك و تغثك و تخليك نار ما تتحملين شي و تنفجرين عند أتفه حاجه
روقي نفسك و تفائلي أنه بعد النقاش بيتغير و بعد ما تفهمين أسبابه
مو عند أي مشكله نيأس و نتحطم و نفضل الهروب لازم نواجه مشكلاتنا بصبر و طولة بال و تفائل يا أختي
كلنا نمر بظروف مثل ظروفك و تجيهم حاله الرجال غير مفهومه لكن ما نفكر بسلبيه أذا تهمنا حياتنا و حياة أطفالنا
نحاول قد ما نقدر نعالج الوضع بالصبر و بالحكمه و نبعد عن الهواش و المراد وقت ما يكون الرجل بمزاج صعب ...

كلام منجو روووعه ربي يسعدها ويسعدك