shailene2020 @shailene2020
كبيرة محررات
صار لي موقف رعب الله يحفظكم ادخلي واقري لاتطلين من الشباك
استغفر الله واتوب اليه
السلام عليكم ورحمة الله وبركاته
بنات اكتب لكم وانا خلاص انتفض من الي صار ومرعوبه:unhappy:
القصه ومافيها اني رحت اولع فحمه علشان ابخر البيت وانا دايم اولعها بالدافور الصغير علشان تولع بسرعه المهم
انا رحت اتصفح بالمنتدى وشدتني قصه وجلست اقرا متحمسه الاخت مره:lookaroun
ونسيت الفحمه
المهم جعت وفكرت ادخل المطبخ واول ماافتح الباب الا واتذكر الفحمه الاو اشوف الدافور مطفي وريحة المطبخ غاز واطلع مرعوبه واقفل الباب مدري وش اسوي:humm:
خاصه امس شفت موضوع هنا لعايله مات ابوهم الله يرحمه لان الغاز كان مفتوح ولما ولع النور انفجر البيت على طول جت ببالي الصوره والمشكله ان المطبخ وحده من انواره شغاله وقتها مدري وش اسوي اخاف ادخل افتح الشباك وينفجر المطبخ :44:
طبعا الدافور تحت الشباك والهوايه
مقدر اشغل اي شي رحت طفيت النورمديت يدي بس وماسكه الباب واقفل المطبخ هههههه خوافه مره:icon31:
ورحت ادق على زوجي بالدوام ولارد وقتها كان صلاة العشاء قلت اكيد بالمسجد
وياربي وش اسوي وادق قلت يمكن يرد اتودع منه واقوله انت راضي عني مره الاخت عاشت الدور:icon10:
وبس صورة البيت الي شفته ببالي واتخيل لو دخلت المطبخ اكيد اني بتقطع
وبجوالي رايحه جايه بنتي وقتها تلعب عند بنت جارتي ومستامنه عليها مايصير لها شي باذن الله
ماعندي الا الولد صغير ويطارد وراي يبكي:icon36: وخفت يصير له شي واروح اخذه وادخله اخر غرفه واقفل عليه وهو يبكي يبي يطلع وانا ارجف علشان ابي ادخل المطبخ وافتح الشباك واذا صار لي شي لاسمح الله يكوننون فلاذات كبدي بامان باذن الله
والجوال معاي قلت لاسمح الله صار شي والا وقدرت اتكلم بدق على زوجي هههههههه مره متاثره الاخت وعشت الموقف بحذافيره
ورحت اتشجع واقوي قلبي وافتح شباك المجلس الي جنب المطبخ وافتح باب المطبخ بشووويش لعل وعسى تروح الريحه شوي
وشوي شوي رحت اتاكد من الغاز لقيته بح خلص وافتح الشباك بشوووويش
وافتح مروحة الشفط وانطلق برا المطبخ نطيت نطه حسيت اني كنغر اسم الله علي :tongue:
والحمدلله اختفت الريحه واروح اخذ ماتبقى من الفحمه واحط عليها معمول وابخر البيت ههههههههههاي :biggrin:<<سنعه فديتني
وهذي قصتي الدميله والمرعبه ...
لاتفكروني مستهتره والا مهمله لا والله لكن من جبت ولدي والذاكره بح لكم شوي عليها :icon32:
مايستفاد من القصه ان اذا جيتي تولعين فحم او اي شي عالنار وقتي ساعة الفرن علشان ماتنسين او تنشغلين
ويارب احفظنا وابعد عنا مكائد الشيطان
وبث
لا اله الا الله محمد رسول الله
82
7K
يلزم عليك تسجيل الدخول أولًا لكتابة تعليق.
الحمدلله على السلامه والمره الثانيه حاولي فقط فتح الابواب والشبابيك وعدم فتح النورنهائياحتى تخف الريحه الله يحفظنااجمعينالحمدلله على السلامه والمره الثانيه حاولي فقط فتح الابواب والشبابيك وعدم فتح النورنهائياحتى تخف...
الله يسلمك اختي النور كان من اول مولع وهذا الي خوفني اكثر
الصفحة الأخيرة
والمره الثانيه حاولي فقط فتح الابواب والشبابيك
وعدم فتح النورنهائياحتى تخف الريحه
الله يحفظنااجمعين