صار لي موقف في المستوصف وخايفه

بدخل بالموضوع رحت مستوصف وجلست في الاستراحه انتظر دوري ودخلت حرمه مصريه وتسأل عن المستوصف واول مره اجي مو هذي السالفه السالفه دخلت حرمه وتسأل وتتكلم وش جابك وكذا وقلنا لها وشفيك جايه سلامات وقالت يدي وشفت اصبعها متورم مره وكبير بسبب الخاتم مو راضي يطلع قلنا ايش دخل دكتور الحلديه روحي محل الذهب ويقصه لك المهم طلعت المصريه وجلست الحرمه تسألني من وين وايش عايلتكم واسئله غريبه وانا على نياتي اجاوب حتى اسألتني وقالت ايش اسمك قلت ايش قالت اسمك او ام ايش وانا جاوبت قلت ان كذا وفجأه قامت جنبي ودخلت حرمه سودانيه والحرمه مازالت تسألني وقالت احنا نسمي والاسم مايعجب العيال قلت ايه لازم نسمي على ابو الزوج وفجأه طقت كتفي يعني تضحك وخفت من اسألتها وطريقه كلامها وتضحك كثير وحتى قالت كم عمرك قلت ثلاثين قالت يوه مو باين عليك كم عندك قلت ثلاثه قالت يووه انتي اكبر مني انا ثمنيه وعشرين وعندي ثنين ومو باين عليها كبيره احسها اكبر من كذا والله اعلم بس خفت من اسألتها وتقول مخليه عيالي بالبيت وبعدين جاء ولدها يناديها والله طلعت من المستوصف خايفه والحمد لله محصنه نفسي حتى اقول لزوجي انتبه لي خاف الحقها بدون ما احس لاتضحكون علي خفت من كثر ما اسمع قصص بس تتوقعون لوبتسوي شي بتسوي من هالاسئله طمنوني حتى سألتني وين ساكنه وانا بريئه اجاوب يارب تحفظني وتحفظ عيالي والمسلمين من كل سوء واذا كنت اذنبت وشكيت فيها سامحني