جرح الحبيب يذبح :

بنات اغلبكم مافهمتوني  بنت السعوديه وغيرها احس فهموني شوي  ماعمرها تجيني فوق انا بيتي شقه ثلاث غرف علي بعض لو اعرف اصور صورت لكم غرفه لي وغرفه مجلس ينامو بها عيالي وغرفه مطبخ والمطبخ علي باب المدخل علي طول يعني حتي لو طلعت البس بتشوفني وهي يابنات من الاساس زعلانه علي بس ماعلمتني حول شهر بس حسيت من تصرفاتها انزل اسلم ماترد علي احيانا اسوي اكل ماتاكل عندها شغاله بس طيب مني وعشان زوجي كم مره اخبز احطه عندها وهي تكون صايمه الاثنين والخميس اقول عمه خبزت لك هالرغايف تاخذهن بنتها تحطه للبزران ولاهي اول مره ليش سبب زعلها حماتي جايه من امريكا  وسوولها عشا المهم فيه اصغر عيالها عقله مابه شي ويسولف بس ثقل بلسانه وطول الوقت بوجهي ويطالعني ولا خمس مرات انقهرت وقلت بصوت عالي وفوقها مشغليني عيالي وتخبرون حوسه العشا واطلع اغسل كاسات فناجيل اقهوي الا هو بوجهي  الحريم بمجلس واطلع بروح المطبخ بوجهي ولا ني لابسه جلال كاشخه ليش البس مايدخلون الرجال قلت اطلع عن الحريم وحده من حمواتي خواته من ابوه من بيت ثاني علمتني انه يبكي اني هاوشته ولادريت بالموضوع ولا علمتني قوليلي طيب ليش تهاوشينه هالكلمتين قلتها له واذا بيكبر بيكبر هو عمره ممكن 22 بس مابه اي اعاقه يفهم ويمشي بس ثقل بلسانه وانا يابنات مارتاحله ابد اعرف حركاته ويسوي حاجات مايعلم بها الا الله لاشافني واخاف اعلم زوجي يقلب علي اسكت بغمي وهمي زوجي جاء قال ليش مهاوشته صار نقاش حاد علمته ولا صدقني قالو لو تعودينها ياويلك ولو ادري بوقتها صايرعلم ثاني  هو معلمه قايل زوجته والله ماجيبها معي فيه عشا عند عمي ويبغاه يجيبني للبيت  وعمتي انزلها اقول بنفسي دام ماحكت لي شي كيفها وتصد عني وواجلس تحت بالصاله هي وبنتها مايكلمني ابد ولايردن السلام البنت ترد بس عمتي لا شهرين تقريبا مره جالسه عالتيفي جت وطفته علي رقيت لبيتي علي طول وكله بس اداري زوجي واللي تقول نضفي مطبخك عطول مافي وقت  حتي ارتاح كل ليله وانا تحت متي اتفرغ لبيتي قلن لي والمصيبه زوجي مره تهاوشنا يقول انتي منقطعه عن الناس ولا تنزلين وعببدالله شفاقه امي تبيه قلت كيف شفاقه وانا كل يوم تحت قسم بالله قبل امس غسلت ملابسه الفجر وعنده دوام الصباح واذا مانزلت زوجته مانزلت ويجي زعلان انا تعبت ولاني مرتاحه بحياتي شغلتنا نزلتي لامي اليوم ولا مانزلتي وجيتها لي اخر الليل ممكن تبي تبين لولدها انها زعلانه علي انا حللتها كذا ومعكره ونفسها شينه وتقول ليش ماترد عالجوال طيب دقي علي انا وش دخله هو الهدايا كل عيد مني ولا وحده من حمواتي تهديها كثري لكن الخبل اللي مثلي هو اللي ياكلها  ويوم جت قبل امس يمي ويضربي يقول تدرين ان امي ماتدانيك دنيا قلت ليش وش سويت لها قال من سواياك مادري وشي سواياي زوجي عدوي اللدود وماعاد تفرق معي الحين هو يقول قسم لولا العيال ماجلستي عندي دقيقه وانا عقب السالفه مانزلت يومين ولا شافت بودي عمره10 شهور وهو يتاخر عن البيت مايجي الا 12 1 باليل مايبي يشوفني ولا يقدر يقول مانزلتي لامي انزل وهي ماترد علي وفوقها داخله علي كذا انتهكت خصوصيتي ولا احترمتني  تجي باي وقت كيفها ماني رادتها بس تقعد شوي عند ولدها ليما اطلع وين المشكله الصحون مي طايره  المهم اكتشفت ان زوجي يسمع كلام الناس  ويطاوعهم فيني كلام لو بقوله تتعبون معي حسبي الله ونعم الوكيل 

بنات اغلبكم مافهمتوني  بنت السعوديه وغيرها احس فهموني شوي  ماعمرها تجيني فوق انا بيتي شقه ثلاث...