صار لي 6 شهور افكر انتحر

أكثري من الاستغفار ..
والجأي لربك وادعي انه يبدل وضعك من أحسن لأحسن ..
ولا تنطقين كلمه الانتحار على لسانك .. لانك بتتحاسبين عليها وحاولي تشغلين وقتك بشي انتي تحبينه

وعلى فكره مافيه احد بهالدنيا مرتاح
مافكرتي مره بهالناس الي طايحين بهالمستشفيات ؟
يتمنون بس انهم يمشون ولو كانت حياتهم مريره.
واحمدي ربك على العافيه وانك بصحه وسلامه وحتى اولادك بخير
ولا فيهم امراض مالها علاج ولا حتى معاق يصير شغلك الشاغل
كل مؤمن مبتلى بس الفائز هو الصابر .. وتعبك مع اولادك وزوجك مابيضيع ابد عند رب العالمين

يالله يارب ينفتح الخير بوجهك وينور لك دربك ويسعدك بالدنيا والاخره ويخليلك عيالك وزوجك ولا يوريكم مكروه .. اللهم امين .. وكل من قال امين ..

اللى صار لها 6 شهور تفكر تنتحر ماراح تنتحر .. خذيها منى .. كلامك هذا صرخة استغاثه
تبين احد يسمعك ويهتم فيك ..
عموما انا بكتب لك عدة خطوات ان شاء الله تساعدك وتخفف آلامك

جيبى ورقه الآن .. واكتبى فيها مايلى

متى آخر مره شريتى لنفسك شى بخاطرك ؟؟ ومتى آخر مره تزينتى وسويتى شىء لنفسك ؟؟
ان كان قصدك الملل ...<---- ترا كل من يعيشه سواء متزوجه او غير متزوجه سواء عندها عيال او ماعندها ...
انصحج تنظمين وقتج وأمورج ..
اتركى لنفسج وقت تجلسين فيه مع زوجك بهدوء بعيد عن ضجة الأطفال ..
نومى عيالك بوقت مبكر حتى يكون فيه وقت لك .. تشوفين فيه فلم عاجبك ... تحفظين فيه سور قصيره من القرآن .. أو وقت تاخذين فيه شاور وحمام دافىء .. وتستمتعين بالاسترخاء فى البانيو من غير مايكون وراك شىء تفكرين فيه

اتركى وقت للزيارات لصديقات أو للأهل ..
مثلا حددى يومين بالاسبوع للزيارات .. تعزمين فيه او تنعزمين فيهم ..

ثانيا .. طلبات زوجك وعيالك هذى مسؤوليه .. يعنى واجبه عليك .. بس خلى وقت لنفسك .. يعنى حددى يوم بالاسبوع تجيبون الاغراض من السوبر ماركت ..
وحددى وقت باليوم تسوين فيه اوتى او تكوين ملابس زوجك ..
حددى يومين بالاسبوع لغسيل الملابس ..
أو واتوقع ان ماعندك شغاله ...<--- يمكن هذا الشىء اللى مو منظم وقتك .. اذا حالتج الماديه طيبه ومميسوره جيبى لك خدامه تشيل شغل الملابس والمطبخ عنك طبعا ماعدا الطبخ هذا اختصاصك ..

وثانيا .. انتى رتبى وقت وسوى جدول تمشين عليه بالاسبوع ..
اذا عندكم جيران .. وعندكم حديقة فى البيت جيبى الاولاد يلعبون مع عيالك بالحديقه خارج البيت .. وطبعا بوجود سور او بوجود خادمه تراقب الاطفال .. او يكون فيه غرفه للترفيه لعيالك ..
حطى لك تلفزيون لك وتلفزيون آخر لعيالك .. الاطفال طبعا تشفرين القنوات وتخلين لهم سبيس تون .. وقنوات المجد وقنوات كارتون وبلى ستيشن .. بمعنى تقسمين الشىء اللى لهم .. والشىء اللى لك ..
انا الحقيقه مو عارفه ظروفك بالبيت .. بس احاول اساعدج ..

وحطى وقت لك ولزوجك .. خصصى يوم بالاسبوع تطلعين معه يعنى مو كل روحة للترفيه مع عيالك ... مره مع زوجك لوحدك تشربين كوفى .. والمره اللى بعدها مع عيالك تترفهون مع بعض
انتى بس محتاجه تنظمين وقتك ...
وخصصى يوم لزيارة الصديقات للفرفشه .. وتوسعين صدرك .. اشترى لك ملابس جديده بخاطرك مو بس تشترين لعيالك وتنسين نفسك
اهتمنى بشعرك واصبغيه على الموضه .. اهتمى بجسمك واختارى الملابس اللى تتناسب معه ..
اتمنى لك .. حياة سعيده بعيده عن الكآبه ..
وصدقينى انتى بس محتاجه تنظيم وقتك .. وخليك قريبه من ربك .. ترا الله موجود ويعينك وييسر لك امورك .. ولاتنسين الامور الدينيه .. مثل الصلاة والدعاء والتصدق .. ومن هالاشياء ..
لك كل التوفيق يارب

,


حبيبتي أول شي أذكري ربك { ألا بذكر الله تطمئن القلوب }


ثانيآ , مين قالك إني ماتسوين شي لنفسك ؟

أولآ وجودك هنا في المنتدى وكتابتك فيه يعني الكثير ياحبيبتي

ثانيآ أنا أرى من كلامك قدره قويه على التعبير وبإختصار وإيجاز وشمول { وهذا مايفتقده الكثير منا }

هذه ميزه ياحبيبتي وصفه فيك تجعل كل من تكلمت معك تعُجب فيك ,

اما بالنسبه للعمل فأنتي فعلت اللي عليك والباقي على رب العباد ,

حبيبتي ,

لنفسك عليك حق .. مثل مالزوجك ولأبنائك ولأهلك ولقبل كل هذا ربك حقوق

فنفسك تحتاجك , وتريد من وقتك , أعطي لنفسك أهميه

فأنتي مهمه جدآ ياحبيبتي

شاركي بمنتديات { محافظه } كهذا المنتدى الراقي

أتحفي صديقات لك وزميلات لك في هذا المنتدى بأمور جديده تناقشي بأمور تهمك وتهم النساء

خصصي يوم بالأسبوع بالشهر الخ .. وليكن لزيارة صديقاتك والترويح عن نفسك

تعلمي أمور حلوه ومفيده ومحببه لك , من كتابة أو رسم أوقراءه أو رياضه أو تنسيق منزلك بالأثاث وغيره

جددي حياتك , فأنتي أيضآ تحتاجين إلى تجديد وتغير روتين لكي تقوي نفسك وتكملي مشوار هذه الحياه بقوه ونشاط وتقومي بحقوق ربك كامله وهي أهم شيء نعيش من أجله ..!

حبيبتي كفي عن التفكير بأمر الإنتحار ,
فأنتي أولآ أمرأه مسلمه همتك عاليه عزيزه قويه لاترضين أدنى الأمور ولا اليأس والأحباط

حبيبتي , تذكري نساء مثلك على السرر البيضاء , لكن مازلن مبتسمات , لإنهن يؤمن بأن القادم أجمل .!

حبيبتي , أنتي مهمه ومهمه جدآ في هذه الحياه ليس لزوجك ولا لابنائك ولا لأهلك { مع أنهم كلهم يحتاجون لك ويهتمون لك وبشده } فأنتي مهمه عند ربك أأمري بالمعروف وأنهي عن المنكر أدعي للإسلام أنشري الخير , تصدقي كي ينشرح صدرك وتسعدين

تعرفي على زميلات ,

وطدي علاقتك بأهلك وقريباتك وجاراتك , تعلمي فنون ومهارات التعامل مع الاخرين كي تكونين محبوبه

اكثري من قراءة مثل هذه الكتب اللتي تعلمنا كيف نكون ناجحين ومؤثرين

أقرأي القرآن فهو جلاء لكل هم وحزن أستغفري قومي الليل

أملأي حياتك بالنشاط وأبعدي الروتين

أنظري للجانب المشرق ,

حبيبتي كلنا نعاني هموم وإحباط وملل ويأس وكآبه

لكن بما أننا مؤمنات ونحب الله ورسوله فنحن نؤمن بالصبر والقضاء والقدر ونستلذ بالصبر ونحتسب الأجر عند الله رب كل شيء

حبيبتي , أجعلي لك أهتمام آخر غير زوجك وأبنائك { مع الحرص على عدم إنقاص حقوقهم }

فأنت ِ ستسألين عن نفسك لإنها كغيرك تحتاج للترويح والتغيير , تعلمي أن تعطي نفسك كما تعطين غيرك

عزيزتي , لاتخافي أبدآ ولاتقلقي فنحن معضمنا إن لن نكن كلنا نساءآ ورجالآ .. نمر بما تمرين به أحيانآ

ونحس بالإحباط واليأس .. فهي غيمه وستزول إن عالجتيها بالإستغفار والقرآن والصدقات

وأنا هنا اعلن لك بأن كل بنات حواء في هذا الصرح لن يقصرن أبدآ معك ِ فهن خير صديقات

وسوف نكون لك ِ اخوات وصديقات ونروح عن بعضنا ونزيل هموم بعضنا ونشجع بعضنا .. جمعنا الله جميعآ في جنته


أخيرآ ياحبيبتي , إبتسمي الآن





,

فالإبتسامه إنحناءه تستقيم بها الأمور :)


فرّج الله همك وأزال غمك وآنس وحشتك وزادك سعاده وقرب وهناءآ ..



أختك . مس مون



:

أنا ياعزيزتي ما قرأت مشكلتك لأني بأطلع من المنتدى اللحين ، بس عورني قلبي من العنوان ، وحبيت أوصيك بوصية غالية وثمينة وفيها راااااااااااحة عظيمة وإزالة هموم وتفريج كروب ..

صدقيني وعن تجربة وعدم مبالغة .. أنت جربي ، وبتشوفين النتايج :)

الله يسعدك ، ويوفقك .

الله يفرجهاا عليج ويبعد عنج الشيطان ووسوساته .. تعوذي من الشيطان ولا تفكرين بهطريقه ..

ادعي من ربناا انه تتغير حياتج إلى الأفضل .. وانتي بعد استمتعي بحياتج .. العبي مع عيالج .. اقري قرآن وأشياء مفيده .. روحي عند صديقاتج .. اهتمي بنفسج .. نظمي وقتج وعيشي حيااتج .. وحاولي تطلعين مع عيالج وزوجج وتستانسون .. واذا ع الوظيفه عن نفسي صارلي متخرجه سنين وما حصلت وظيفه والحمدلله ع كل حال .. وما اطلع إلا نادرا للسوق أو الاهل .. وايام الدراسه كل إلي في البيت يروحون واظل انا وامي .. واريد اتوظف عشان الملل والروتين بس عمري ما فكرت بالانتحار .. وان شاء الله ما نفكر بهطريقه .. والحمدلله عندج عيال فكري فيهم وفي نفسج .. وان شاء الله تتغير حياتج للأفضل .. ودايما اذكري الله .. والله معااج ..