صار معي موقف ومب عارفة كيف اتصرف

ساعدوني

أنا متزوجة في بيت اهل زوجي وعندي طفلين أنا قايمه فيهم ماعندي عامله وعمتي هالفترة كافيه شرها عني … تصير مواقف منها قدام بناتها وأختي وتتغاضى اقول م الاهل … وبمثابة امي
المهم امس دقت علي تقولي هلا كيفج وينج ربيعتي يايه الحين قلت لها بتجهز وبنزل المهم جهزت عيالي وتكشخت رغم اني كنت مشغوله وايد غسيل وكوي وتجهيز العيال وكلاس المهم نزلت قلت اجبرها … سلمت عليهم وييت وقدهم يأكلون الفواله حطيت ولدي ع الكرسي والثاني بالزوه وييت ابا اصب لها جاي .. واقولها يمه تبين جاي ردت لا بس خذي عيالج وروحي الحمدلله أكلنا وشربنا قادرين نخدم اعمارنا طبعاً عمتي مب كبيرة بعدها صغيرة أنا تفشلت ماعرفت وش اقول رديت قلت امي تحب أغراضها وايد وخايفه ولدي يخرب شي رغم ان ولدي هااادي ع الكرسي ماتحرك ماقعدنا دقيقة وحده وجابت ذاك السم علي اقتهرت كثير وطرشت لها هالمسجانا مالي يمه ف الكيد ورجام الكلام …الله المستعان اشوفك بحسبة امي بس الظاهر ماتعتبريني بحسبة بناتك …انا بتحمل اي كلام قدام الاهل.. لكن قدام الغريب تقللي احترامي وتهينيني وانا نزلت ولبست عشانك وتقولي : شلي عيالك وروحي الحمدلله قادرين نخدم اعمارنا )أنا ادري انك قادرة تخدمي نفسك وربي لايحوجك لحد ف يوم م الايام واذا متضايقه فعلاً من عيالي لاتتصلي عليا انزل في حد جاي …بس الله المستعان

كيف اتصرف إذا لقيتها صدفه بالبيت وكيف أتجنبها أنا وايد طيبه معهم ماعرف ليش عاملتني كذا نزلتني عشان تهيني قدام ربيعتها
ابا شوركم بنات أنا بغربة ومالي اهل هل تصرفي صح لان الموضوع يستاهل أو أنا مكبره الموضوع لأني مضغوطة إذا صار لكم هالموقف كيف تتصرفوا
13
2K

يلزم عليك تسجيل الدخول أولًا لكتابة تعليق.

تسجيل دخول

ميثاء علي
ميثاء علي
السلام عليكم بنات أنا عضوة جديدة وبطرح موضوعي اتمنى تساعدوني 🥹🩷
أولادي أغلى ماعندي
تصرفك صحيح
وبعد كذا لاتنزلي عندهم
انزلي مع زوجك دقايق
وارجعي لغرفتك
واذا اكلكم ومطبخكم واحد
فتنزلي تعملي اكل لزوجك وعيالك
وكلي بغرفتكم
بعض اهل الزوج لما تعامليهم بطيبة
مايقدرو هالشي
فالرسمية وعمل الحدود هو افضل شي معاهم
tuka
tuka
لا تصرفك صح بالعكس إنت سكتت وما كبرتي الموضوع خبري زوجك عشان يكون على بينه وما يلومك إذا ما نزلت عندهم


كان فشلتيها قدام ربيعتها
كان قلت بساعتها : "يه يمه عاد ليش متصله علي أنزل والله كنت مشغوله وتركت كل شيئ وجيت عشان خاطرك المره الجايه لا تطلبيني وبعدها تطرديني حتى عيالي هاديين ماسووا شيئ والله إحترت معك"
Farah 17
Farah 17
والله يختي في ناس تحطينهم فوق راسك وماتحصلين منهم حتى شكر

انا كذا كنت ساكنه مع اهل زوجي حرفياً ما ارتحت الا يوم طلعت بعد مارتحت راحة تامه بس اخف الناس قبل يجون يعطون خبر احنا عندهم يطبون عليك بدون مايعطونك خبر طيب و خصوصيتي انا لبسه لبس لبيتي يعني اصلاً ماينفع يشوفني فيه غير زوجي ف تتفشلين من حركاتهم🥲
بنت الحنوب
بنت الحنوب
تصرفك سليم أنك أحترمتيها وصدقيني بتكرين في عيون الحاضرين عكس لو رديتي بتصيرين قليلة أدب وبيقولون ماتنلام عمتها فيها .
التصرف السليم معاد تنزلين لها إلا لضروره علشان تتعود تحترمك .
زوجك لابد يعرف علشان لا يوصله كلام عنك غلط .
العلاقه دائما مع أهل الزوج لابد تكون رسمية جدا لحفظ الكرامه .