صار يهددني ب !

سلام عليكم ي أخواتي. انا عضوة سابقة كنت ارسل لكم عدة مواضيع وعن حياتي وكيف وصلنا المحكمة وتصالحنا .وأنه أعطاني رضوة وابوي حرمني منها . وعندي 2 من أطفالي من ذوي الاحتياجات الخاصة . بعدها انقطعت بسس الدراسة ولا ارسلت لكم شئ عن وضعي. اااااه يابنات وش أقول بس انا اللحين أبكي بشكل يومي بسبب زوجي.زوجي يعامله أسوء أسوء معامله . بدون سبب والله العظيم . والله يابنات يوم حملت فوق اللولب سبني في عرضي وقال والله اخلي اللي في بطنك يطلع انا خفت وقتها رحت لبيت أهله أحتمي فيهم والله اعتدى علي قدام أهله وأنا حامل في الشهر الرابع وسبني وعطف يدي بقوة قدام اخواته .لاني عييت ارجع للبيت خفت يسوي فيني شئ مع انه وداني بنفسه لبيت أهله.يضربني على أتفه الأمور قبل أسبوع نسيت أعلمه أن ماء الشرب خلص . وربي ضربني على راسي قبل لا يروح الدوام.ودعى علي بالموت .مو بس كذا مرة طردني من غرفة النوم .قلت له هي غرفتي بعد ليش تطرد منها . وقلت له ليش تقول لأمك انك بتطلقني انا وش سويت  والله يابنات صكني كفين على وجهي ومسك شعري وصك براسي على الجدار .وياليت بس ضربني رفع السكينه بوجهي حلف انه يذبحني . جلست أبكي قدامه واترجها لا يسوي فيني شئ .   قلت له وانا أبكي خاف الله فيني حرام عليك لمتى تهدد وتكسر جوالي والله انه ضربني بمقبض السكين على راسي  شفت كل شي ابيض من قوة الضربة . بعدها نمت في الصاله انا  ابني اللي عمره 4 شهور . مع العلم كنت انام في غرفة اولادي سنتين عشان ماينزعج . يقول كل شي بفلوسي حتى انتي بفلوسي. والله يابنات انه يعترف بظلمه . ويحلف أن مافي مثلي انسانه صبورة ومطيعه له .والله مايهتم بعياله ولا فكر ابدا . شوه ظهر بنتي يوم كان عمرها سنه و 6 شهور.لدرجة أهله انصدموا وماسكتوا له.حتى أمه أعطته كف عشاني .حتى تقول دايم مصيره يندم.الله يشهد اني أحب الحياة الزوجيه والاستقرار وعندي طموح في الحياة ومتفوقه في دراستي ونسبتي في 90 دائماً .و اطفال أكبر واحد 5 سنوات ومريض هو وأخوه اللي بعده الله يشفيهم ويحفظهم . لا تقولون اشتكي لابوك ابوي قالي بعد ما أخذ رضوتي كامله قال اذا زوجك رجع يضرب انا بجي أخذك انتي بس مالي دخل بعيالك والرضوة والله ماتلمسين ريال .والله يقول هذا الكلام عشان اتمسك في زوجي . والله يعاملني معالمه مختلفة عن إخواني .لاني من زوجته الأولى وانا كنت وحيدتهم .طلق امي قبل 22 سنه  والله ثم الله مايعاملني مثل أخوإني ودي أحس أنه ابوي والله يسمعني كلام جااااارح ويلعن امي قدامي. ويشمت في عيالي يقول عنهم معاقين مايدري ان ربي اللي خلقهم . أمي طبعا تزوجت بعد ابوي كانت تصرف على آبوي مصرف على يوم كنت مع امي. كانوا الناس يصرفون علي كأني يتيمة يوم كبرت زوجني بهذا الشخص  و انا قاصر 17 سنه. وهو اللي عرض الزواج على زوجي  قاله بزوجك بنتي . يوم حملت بالثاني اكتشفت حقيقة ابوي  . وقال سامحيني يابنتي ماكنت ادري.بس انا مو قادرة اساااامحة طوووول حياتي لأنه ظلمني كثيييير حتى يوم جلست في بيت أهلي لأن زوجي عي يطلع لي بيت قال ابوي ما أبغاك عندي وأنتي على ذمة زوجك. والله ثم والله أنا ماكذبت واللي قلته هذا شئ بسيط بسيط من حياتي. ليس كل. شئ . أهله بصفي وأخواته ينصحوني دائما يقولون أتركيه يمكن يعوقك او يذبح. أحد من عيالك. لاتجرحوني بنات الله يخليكم وش اسوي اذا ابوي مايبغاني هو وزوجته وأمي ساكنه في قرية في بيت شعبي متهالك جدا حتى الثعابين تحت الفرن ومقبرة وش كبرها عندهم. يارب أفرجها.أهلي مايدرووون ابدا . انتظر ردكم


زوجي عي يتغير بعد الصلح صار أصعب من قبل .