صالة معيشة مفتوحة على المطبخ

هلا الغالية اذا تريدين رأي خلي المطبخ صاد عن غرفة المعيشة ..........كانت هذي اكبر غلطة بنسبة لي .........تدرين ليش الان ريحت الطبخ عندك في الغرفة ولو بتحطي كل البخور اللي عندك ماراح تروح الا بعد وقت .......صح بيكون شكلها حلو بس فكري فلي بيترتب عليها.........
وتحياتي...............

هذي الحركة لها مميزات وعيوب
عيوبها:
أن لازم يكون المطبخ مرتب أربعة وعشرين ساعة ولو كاس أوصحن محطوط على البنش
تحسين أن المطبخ والصالة محيوسة.
وريحة الطبخ بتكون في الصالة.
وإذا كان عندك شغالة ولا ناوية تجيبينها صعبة تقابلكم طول اليوم.
مميزاتها:
إنك ما تنعزلين عن بيتك وأهلك أذا كنت في المطبخ.
الشكل عصري وحلو.
يعطي كل من المطبخ والصالة اتساااع.

وعموما تقدرين تسوين نافذة بين المطبخ والصالة(يعني بيكون جدار بينهم)
واذا اعجبتك الفكرة تهدين الجدار في المستقبل..واذا ما اعجبتك تسدين النافذة

انا ما عندي صور بس ممكن اعطيج هالفكره انج تخلين الجدار من الزجاج على انج تشوفين الي في الصاله وفي نفس الوقت الريحه ما توصل للصاله

انا ممكن اجبلك صور بس انا ما اعرف انزل الصور هنا على المنتدى

قلقت لما سمعت ردكم لاني انا بعد مسويه مطبخ مفتوح لكن الطبخ بيكون في مطبخ ثاني (صغير ) ، ارجوكم حاولو تنزلو الصور اخاف اتورط انتو تدرون هذا بيت العمر.