صالتي الطويله 4×13محيرتنيا

السلام عليكم ورحمة الله وبركاته تحياتي لكل بنات عالم حواء
انا من ثلاث سنين متابعه هذا المنتدى الرائع وسجلت فيه من سنتين لكن ماادري وش صار وما عدت اقدر ادخل باسمي الاول المهم اني سويت خروج من المنتدى وسجلت باسم جديد لاني محتاجه فعلا لمساعدتكم (طولت عليكم)

الله يسعدكم يابنات ساعدوني في مشكلتي واللي بترد علي وتساعدني ابدعيلها من كل قلبي

احنا هالحين في التشطيبات النهائيه لبيتنا الجديد وانا محتاجه بعد الله لمشورتكم ومساعدتكم
عندي في الدور الثاني صاله طويله 4×13وتقريبا 8×4منها مرتفعه درجه واحده عن الثانيه والدرجه على شكل متعرج مثل حرفsوفي اخرها زجاج كبير على شكل دائره مطل على الحديقه.ويفصل بين الصالتين عامود مسلح بس الحمدلله انه جا في طرف الصاله المرتفعه بعد الدرجه بنصف متر قمت انا استغليت العمود بعمل ارفف من الجبس على شكل زاويه جهة الصاله المرتفعه ولبست العمود من جهة الصاله الواطيه بحجر من الجبس طلع روعه.

والصاله الواطيه تزيد متر واحد في العرض يعني 5×5ويفتح عليهاباب المدخل للدور الثاني ومقابل له قوس مفتوح على موزع يروح لغرف النوم وبجانب باب المدخل على يمينه يفتح باب المطبخ. وعلى يساره لكنه يبعد عنه 3متر تقريبا يفتح باب غرفة المعيشه على جنب يعني الابواب جايه على شكل حرف L بس بالمقلو ب يعني الصاله الاولى مافيها الا جدار واحد مافيه باب وهو على يمين الداخل للدور الثاني الزبده يابنات انا محتارة في البويه وما ينا سبها من الاثاث علما بأن الارضيه بورسلان لونه بيج ومحدد بحزام بنقشه بني فاتح وغامق .انا فكرت اخلي الصاله المرتفعه لون زيتي فاتح. والصاله عند المدخل اعتقها بلون اصفر طافي معتق تعتيق خفيف بلون ترابي او بني فاتح واخلي حول القوس بويه مكسيكي اللي تجي فيها بروزات في المعجون وتعتق بنفس لون باقي الجدران سؤالي هو:

1هل الالوان اللي اختر تها مناسبه ومتناسقه مع بعضها واذا الجواب( لا )ماهي الالوان المتناسقه اللي ممكن اضعها مع العلم اناللون المشمشي والاصفر منجاوي والبيج والترابي قد حددتها للدور الاول في مجلس الرجال ومجلس النساء والصاله وغرفة الطعام او (المقلط)وما ابغى اكررها.

2واذا الجواب( نعم )اذن ماهولون الاثاث المناسب في كل صاله ولون الستاره وقماشها وكم طقم اضع فيها علما باني سوف اضع سفرة الطعام فيها امام المطبخ. لكن لابد ان تكون الوان الاثاث غامقه حتى لا يبان عليها الاوساخ والبقع من الاولاد الله يصلحهم وهل ينفع اللون الموف في الكنب مع جدار زيتي ,والارفف هل اعتقها بنفس لون الصلله اغمق اوافتح والا اخلي لها لون غير وماهي الاكسسوارات التي ممكن ان اضعها في الصالتين علما بان ي ممكن اسخدم الصاله في استقبال بعض القارب والاصدقاء.

3غرفة المعيشه تفتح في الصاله الواطيه بخلي بويتها ساده لكن محتاره في اللون لاني اريد معها كنب غامق شوي

4سقف الصاله كلها فيه جبس على شكل اعواد خشب مستطيله مع الاطراف فقط ومكان الابجوره في كل صاله ابجوره .هل اعتق السقف لون بني غامق اولون خشبي.

نسيت اقولكم ان ادور الاول ضيافه فقط يعني كل اسخدامنا للدور الثاني
آسفه على الاطاله عسى فهمتوا علي .......الله يخليكم يا أخواتي العضوات والمشرفات خاصه ردوا علي بسرعه لأن بعد يومين بيبدأون يضربون البويات لاتطنشوني تكفون.