هذي الرسمة واسفه على التاخير حبيبتي

ابيك بطلب بس تجربين التوزيع هذا و انشالله بيعجبك



شوفي عزيزتي اول شي الجدارهناك بيكون التلفزيون كبير والا صغير بمكتبة او بدون براحتك

وحركات جمالية وديكور زين

عندك جدار مايل فيه شباك يطل على الحديقة هناك حطي مكتب صغير مايل فخم و حطي عليه الكمبيوتر لا تخلينه يلصق خليه بعيد عن الشباك

نجي للكنب حول التلفزيون

يعني كنبه يمين التفزيون ووحدة يسار وحدة بالوجه واذا تبين كراسي انتي وذوقك

شفتي الكنبة الكبيرة الي مقابل التلفزيون وراها حقت الكنب الطاولة الطويلة

وبعدين السفرة

:27:

حيا الله ملكه الحسن ....صبري شوي برجع لك

اهلا ام الجود ..الله يبارك فيك .

عزيزتي الصاله هاذي للمعيشه

انطلاقا من مبدا البيت لنا مو للضيوف...

اخترنا موقع صالة المعيشه (لاحظي مو غرفه) لاحسن اطلاله على الحديقه ومفتوحه على المطبخ

وفي منطقه متوسطه بين غرف النوم ومنطق الضيوف(المجلس والطعام والصاله الثانيه)

الصاله الثانيه عباره عن صاله للرواق(الكشخه) وراح تكون عند الحاجه مجلس نساء..

والافضل ان الاشياء اللي قلت عليها تكون في المعيشه ..وممكن استخدام المدخل (المنطقه بين الصالتين اللي فيها الزخرفه) خاصه ان مساحته اربع في اربع هذا اذا كان مناسب

بالنسبه للخارطه كامه ما قدرت احطها لان حجمها كبير وما يقدر الموقع يتحمله اذا حبيتي ارسلها لك على الايميل

ملكه الحسن ...

مشكوره وما قصرتي ..تعبناك ويانه

اقتراحك بالنسبه للتيلفزيون معقول جدا

و يبغاله شغل جامد على تزيين الجدار لانه اول شي يصكك بالوجه

بس الكمبيوتر مو متصوره مكانه مناسب قدام النافذه ..احس شوي ربكه

خصوصا هالنافذه مهمه ..تعرض الحديقه كلها (ناس عندهم فقره نوافذ في الشقه) سوينا البيت كله نوافذ ونسينا الجدران:27:

هم طاوله الطعام مكانها معقول بس ما تعيق حركة الدخول ؟ لاحظي مدخل الصاله ..
ولا يمكن عشان كبيره شوي في الرسمه لاحظي الصاله عرضها 7 متر تقريبا..
ممكن يكون الوضع افضل لو يطول البارتشن شوي (يجي زاويه ) ولا اش رايك..؟

اذا عندك - او الاخوات- تعليق على البارتشن ...شكله او نوعه>>>>>>>>>>اكون ممتنه

كمان الفاصل بين المطبخ والصاله للحين ما صار انا مقترحه انه ما يكون بدواليب المطبخ يكون نص جدار او جدار وفيه نافذه كبيره >>>>>>>لازم اقرر هاليومين المقاول بشتغل فيه ..هم اذا عندكم اقتراح...ممكن

ملاحظه الحمام- وانتو بكرامه- اللي عند مدخل المطبخ تكنسل وصار مخزن من داخل مطبخ الخدمه يعني ما في باب...

ايش ممكن استغل هالمنطقه فيه؟؟؟

ومشكوين كل الاخوات مقدم

قدس ... منزل مبارك عليكم إن شاء الله ..والفال للبقية بإذن الله ..
البنات - جزاهم الله خير - ما قصروا .. إقتراحاتهم مقنعة ..

وبالنسبة للتوزيع .. أنا مع ملكة الحسن - الله يعطيها العافية - في التوزيع
فهو أنسب شي لغرفة المعيشة لديكم ومتطلباتكم ...

بالنسبة لمكتب جهاز الحاسوب .. فاقتراح ملكة الحسن جميل مع مراعاة
توجيه الإضاءة الطبيعية حتى لا تنعكس على الشاشة ..


وممكن تدمجين المكتب ضمن الكنبات ( إذا لم يعجبك قرب النافذة )
أي يتم الإستغناء عن إحدى الكنبات الجانبية مثلا ويتم وضع المكتب بدلا عنها
وتكون الشاشة للخارج ..
في تلك الحال ستكون الأسلاك ظاهرة .. فمن الأفضل وضع طاولة ذات إرتفاع مناسب
لتغطية خلفية المكتب ويتم تنسيق ما عليها لتوحي إنها من ضمن الديكور العام ..

أو ممكن تدمجين مكتب الحاسوب مع مكتب التلفزيون ،، أي تخصصين
جزء منه للحاسوب ...

فاختاري ما يناسبك ..

بالنسبة للبارتشن .. بتصوري أن عرضه مناسب .. وسأحاول أجد بعض الصور له .



لم أفهم كيف بدواليب المطبخ أو نص جدار .. ؟! ياليت توضحين تلك النقطة أكثر
مع الشكر .



برأيي إستخدامه كمخزن إضافي أفضل ... مستقبلا فلربما تحتاجين إضافة
ثلاجة أو فريزر أو خزانة لأدوات تنظيف المطبخ .. لذا إجعليها غرفة تخزين إضافية ..

أرجوا أني أفدتك ولو بشي بسيط .
موفقة إن شاء الله .

اهلا ام فرح ....

اسعدتيني جدا بمرورك ..الله يبارك فيك...

فعلا اختي توزيع الاخت ملكة الحسن معقول جدا لكن الى الحين محل الكمبيوتر مو مقتنعه فيه....

اتصور يبغى تلبيق في مكان ثاني :35:

يا ليت اذا ممكن اقتراحات ثانيه

بانسبه للمطبخ في التصمييم مفتوح كليا على الصاله(ما فيه جدار) ومن المفترض انه يتسواله كونتر مع تفصيل دواليب المطبخ ...
وانا سؤالي انه: هل من الافضل لشكل الصاله اني افصل بينها وبين المطبخ نصف بجدار؟؟هل يساعدني ذلك بتحديد شكل الصاله ؟!

وبالنسبه للمنطقه اللي قلت عليها اقصد الجدار اللي كان فيه باب الحمام وحاليا تسكر ..عند مدخل المطبخ
طبعا دواليب ما يصلح لانه بيضيق المدخل ..انا افكر برفوف صغيره ما ادري اذا عندكم اقتراحات ثاني؟؟

ومشكورين الجميع ؟

ياليت تعطونيه اقتراحات ثانيه ...