صالونة دجاج .. غريبة جدا .. لكن لذيذة جدا جدا

اليوم قعدت ادور بالكتب ايش اسوي للغداء .. و كان ودي شي متوفرة كل مكوناته بالبيت ..فمالقيت غير هالصالونة .. سهلة و بسيطة و ما تحتاج اشياء كثيرة .. قلت يالله اعملها .. لكن تفاجأت بالنتيجة ... راااااااااااااااائعة ... الكبار و الصغار حبوها جدا ...

المقادير و الطريقة مع بعض

2 بصل مفروم
4 ثوم
زنجبيل
2 فلفل اخضر حار مفروم
البهارات( 1 م ص فلفل بودرة +نصف م ص كركم + حبة ماجي+ ملح )
دجاجة مقطعة
بطاطس مقطعة
2 علبة حليب مركز ( رينبو مثلا)
عصير نصف ليمونة
نصف كوب كزبرة مفرومة

شوحي البصل قليلا في زيت و سمنة .. حتى يلين
اضيفي الثوم و الزنجبيل و الفلفل
اضيفي البهارات و حركي قليلا .. و بسرعة اضيفي الدجاج و البطاطس و حركي دقيقة ثم اضيفي باقي المكونات ... و اتركيه على نار هادئة حتى ينضج .. قبل ان تطفئي النار .. اضيفي الكزبرة ...

صدقوني جدا سهلة و لذيييييييذة ...

ايه نسيت اقول ان الحليب راح يفرز دهون كثيرة .. فبعد ما يستوي الدجاج .. حاولي ترفعي الدهن بملعقة
و اذا جربتوها ادعوا لي :06: :42: