صالون تجميل بيتي ّّّّ ّ

اهلا وسهلا ب فين صالونك هذا وبعدين اعتقد انه لازمك زي المداخل ومع كراسيها عشان التسريحات واشياء الشعر ولا زمك كرسي الي يتحرك اعلاه عشان المكياج

وخلينا نشتغل معاكي يالله :)

نسيت اقول لك روحي محلات محمود سعيد تلاقين كل شي

روحي نزيه او الحسن او الجوهي..وجهزي محلك من هناك..
والله يوفقك حبيبتي في مشروعك ويكتب لك اللي فيه الخير..:):)



اختك..
سبائك العسجد..

اختي ام سعيد الله يوفقك ولكن حذاري


من ان تفعلي شيء حرمه الله

ام سعيد بتحتاجين:
كريمات للبشرة - و اختاري ماركة فرنسية مثل جينوه من شركة مادونا في بوظبي.. خصم تقريبا 30 % مع دورات
شامبو و كريمات الشعر - اختاري شركات حلوة مثل لوريال و KMS و غيرها و هاتي حق كل نوع شعر
صبغات للشعر و ادوات الصبغة و الميش + رول الشعر + سيشوار عادي + فير + مشوط و Brushes عرض و رفيع..
مكياج و ادوات المكياج .. برجواه فيها الوان حلوة و سعرها معقول و شركات مثل كريستيان ديور : اشتري منهم الظلال
اكسسوارات للتسريحات و دبابيس للشعر

سيشوار + حمام بخار للشعر + سيشوار ستاند + مغاسل للشعر + كراسي الانتظار + بخارللحمام المغربي -اذا بتسوين- ماكينه تنظيف الوجة و اشتري اللي فيها 10 حركات + حمام بخار للجسم

طلاء اظافر + عدة تنظيف الاظافر اكثر من طقم + ماكينة تعقيم للادوات + كرسي خاص للاظافر + ماكينة المساج مع الماء للأرجل + كريمات للجسم و الارجل

اذا تريدين تستفيدين من غباء الحريم : حطي سوالف التنحيف مثل الطين مع الطحالب من شركة Phytomer.. هي تخلي البشرة انعم لكن ما تشيل الشحم من الفخوذ...

كراسي للحناء + طاولة للمساج و الحلاوة + كرسي للمكياج

بس اهم شي.. النظافة و الضمير الحي اللي يخاف الله.. و كلما كانت اسعارج حلوة و منافسة.. كلما زادوا زباينج..
و نصيحة.. حطي البنات اللي بيشتغلون معاج كلهم من جنسية وحدة.. فلبينيات مثلا .. و اعطيهن نسبة من الارباح على مجهودهن.. علشان يحبنج و يشتغلن بنفس.. عامليهن مثل ما تعاملين خواتج.. لكن بعد لا تعطينهن مجال.. بعد.. لاتهملين او تغفلين عن حلالج.. المثل يقول.. المال السايب يعلم السرقة...

المهم.. اول سنتين لا تتوقعين اي ربح لين ما ينشهر صالونج.. و تغطين المصاريف...

لما بتشترين.. دايما قارني بالاسعار بين المحلات و خلهم يعطونج لسته بالاسعار.. لا تشترين كل شي من محل واحد.. لا تتعاملين بالشيكات.. لانها تودي اللومان:32: ..


اذا اتذكرت شي ثاني بقول لج انشاء الله.. و الله يوفقج اختي ام سعيد....