(( العناية بالكوعين والركبتين ))
للعناية بالكوعين والركبتين هنتبع نفس الخطوات من صنفرة وترطيب وتفتيح
-- ! سكرب (صنفرة) للتخلص من خشونة الركب او الكوع ! --
* سكرب اللوز وبيكربونات الصودا
ملعقتين لوز مطحون
ملعقة بيكربونات صودا
ملعقة زيت زيتون
ليمونة مقطوعة نصفين
الطريقة
ضيفى اللوز المطحون مع بيكربونات الصودا وقلبيهم مع بعض - احضرى نصف ليمونة واغمسيها فى اللوز
وبيكربونات الصودا وزيت الزيتون ودلكى بها الكوع او الركبة الواحدة لمدة 5 دقائق - اشطفى المكان وضعى مرطب من المرطبات الأتية
* سكرب الترمس واللبن
2 ملعقة ترمس مطحون
2 ملعقة لبن بودرة
1 ملعقة خل تفاح
2 ملعقة ماء ورد
الطريقة
تخلط كل المكونات مع بعض ويفرك بها الكوع او الركبة لمدة 5 دقائق ثم تشطف ويوضع مرطب من المرطبات الأتية
-- ! وصفات ترطيب الكوع والركبة ! --
****كريم زبدة الشيا لكل مناطق الجسم الخشنة ( الكوع - الركبة - الكعب ) ****
ربع كوب من زبدة الشيا
ربع كوب من عسل النحل المبشور
2 ملعقة زيت زيتون
2 ملعقة زيت جوز الهند
5 قطرات من الفانيليا السائلة (او ربع ملعقة فانيليا خام )
5 قطرات من زيت النعناع
5 قطرات من زيت الورد
الطريقة
ضعى زبدة الشيا مع الشمع المبشور مع زيت الزيتون وزيت جوز الهند فى وعاء على نار هادية مع التقليب
حتى يذوب تماما - ارفعى الخليط من على النار - ضيفى الفانيليا وزيت النعناع وزيت الورد - صبى الخليط
فى وعاء واستخدميه لترطيب الكوع والركبة والكعب
*كريم جليسوليد مع الفازلين
استخدى يوميا قبل النوم كريم جليسوليد مع فازلين ودلكيهم كويس أو استخدمى كريم زبدة الشيا السابق
-- ! تفتيح الكوع والركبة ! --
*وصفة الخروع والليمون
1 ملعقة زيت خروع
1 ملعقة زيت زيتون
1 ملعقة زيت ليمون
ليمونة مقطوعه نصفين
الطريقة
ضعى كل الزيوت على بعض - خدى نصف الليمونة واغمسيها بمجموعة الزيوت ودلكى بها الكوع او الركبة لمدة
5 دقائق - بعد ساعة اشطفى المكان
يكرر مرة او مرتين يوميا حتى يتوحد لون الكوع او الركبة مع الجسم
*ماسك اللبن والليمون
4 ملاعق لبن بودرة
عصير ليمونة
1 ملعقة ماء ورد
الطريقة
اخلطى المكونات مع بعض - ضعى الماسك على الركب او الكوع ولما يجف تماما افركيه من على المكان
وبعدين اشطفيه
كررى الماسك يوميا للحصول على اللون المطلوب
:
:
:
:
الى اللقاء فى القسم الخاص بالعناية بالشعر
(( العناية بالشعر ))
الشعر هو تاج جمال المرأه ورمز انوثتها بغض النظر عن طوله فهو يعتبر سر جمال المرأه شرط ان يكون صحى ومرتب ومنسدل
وفى الدرس الخاص بقسم الشعر مش هقولكم على وصفات وخلطات كتير تلغبطكم وتخليكم محتارين ياترى نطبق ايه ولا ايه .. انا هحكيلكم على البرنامج اللى مخصصاه لشعرى وماشاء الله جاب نتيجه روعة معايا ..
اهم حاجة فى علاج شعرك انك تثبتى برنامج معين وتفضلى عليه فترة لغاية ما ينصلح حال شعرك بفضل الله
البرنامج عبارة عن خطوات اسبوعية للعناية الخاصة بالشعر كمان هعرض لكم ان شاء الله كام مشكلة من مشاكل الشعر .. مشكلة منهم اتعرضت ليها والحمد لله عالجتها ومشكلتين كمان لصديقاتى
بسم الله نبدأ
* اولا : وقبل اى عناية بالشعر مافيش شك ان جمال الشعر من طول وكثافة وليونة وحتى لون الشعر الطبيعى
ممكن اوى يتحسد او تصيبه عين واعرف ناس كتير انصابوا بالعين فى شعرهم وكانت النتيجة ايه ؟ ان شعرهم بدا يتساقط بصورة غير طبيعية لدرجة الصلع ربنا يحفظنا
فأى واحدة اتعرضت لموقف زى ده لازم ترقى نفسها بالرقية الشرعية
ودى رقيه (للشيخ عبدالله السدحان)
الرقية الشرعية بصوت الشيخ عبدالله السدحان
كانت بعتتهالى الأخت هدهد عضوة وتاجرة معانا بعالم حواء جزاها الله خير اسمعوها كتير وياريت تكتبوا اياتها فى ورقة وتقروها يوميا او اسبوعيا على حسب وقتك
كمان قبل كل وصفة او خطوة من خطوات العناية بشعرك اذكرى اسم الله على كل شئ
وقولى (بسم الله الذى لا يضر مع اسمه شئ فى الأرض ولا فى السماء وهو السميع العليم)
* ثانيا : داومى على قص اطراف شعرك فى نصف كل شهر عربى .. والله العظيم ان الموضوع ده بيطول الشعر بطريقة غريبة وبيخلى فيه حيوية غير طبيعية سبحان الله
* ثالثا : نبدأ برنامجنا الأسبوعى للعناية بالشعر
-- ! غسل الشعر ! --
لازم تعرفى ان نوع الشامبوا مهم جدا للحفاظ على جمال شعرك .. الشامبوهات الموجودة بالصيدليات مع اختلاف اسعارها وانواعها لازم تختارى منها نوع لا يحتوى على كبريتات الصوديوم و كلوريد الصوديوم
لــــيـــــه ؟؟
لأن سواء الماده دى او دى بتضر شعرك جدا جدا جدا
لــــيـــــه ؟؟
لأنها بتكسر الكيراتين الطبيعى المغلفة به الشعرة نفسها فبتلاقى بعد فترة شعرك فقد لونه الطبيعى وبقى بهتان وهايش وفاقد حيويته بعد ما كان لامع وغير متقصف وحيوى ف يا ترى بيعمل ايه الشامبو المحتوى على كلوريد الصوديوم وكبريتات الصوديوم فى الشعر التالف اصلا او اللى محتاج علاج وعناية خاصة ؟
اكــــيــــــــــــــــــد بيدمره
طيب ايه الحل ؟؟
الحل انك تروحى لصيدليات بتبيع منتجات الكيراتين واختارى شامبو بيستخدم بعد الكيراتين هتشوفى المكونات مش هتلاقى كلوريد الصوديوم وكبريتات الصوديوم ابدا
انا بستخدم الشامبو ده .. خالى من المادتين اللى بيدمروا الشعر و خاااص للى عاملين كيراتين .. وانتى ليكى الحرية فى اختيار نوع الشامبو اللى متوفر قدامك بس اهم حاجة زى ما قولنا انه يكون شامبو خاص لبعد الكيراتين
-- ! حمام الزيت الأسبوعى (كل يوم خميس من كل اسبوع) ! --
بجيب زيت ثوم خام من العطار او من اى معصرة بضيف علي العبوة نفسها
( نصف ملعقة صغيرة من الزنجبيل المطحون + نصف ملعقة صغيرة من الخردل المطحون ) ويترك يوم كامل
وقت الأستخدام رجي العبوة كويس و خدى منه اللى يناسبك وضعيه فى كامل فروة الرأس مع التدليك لمدة ربع ساعة
ضعى بونيه بلاستيك حتى تسخن فروة الرأس والبصيلات يصل اليها الزيت بسهولة وتستفاد منه بإذن الله
بعد 5 ساعات اغسلى شعرك بالشامبو اللى اتفقنا عليه
هتقوليلى خايفة من ريحة الثوم اعمل ايه ؟؟
هقولك تقدرى تستبدلي زيت الثوم ب تونيك اسمه (سورسير) اللى بالثوم ممتاااااااااااااااااااز جدا وضيفى عليه برضو الخردل والزنجبيل ورجيه واستخدميه عادى .. استخدمت الأتنين ونتيجتهم روعة ودى صورة سورسير
-- ! قناع الحنة الأسبوعى (يوم الجمعة) ! --
المكونات
فنجان حنة (على حسب طول وكثافة شعرك)
ملعقة سمسم مطحون
بيضة
ملعقة عسل نحل
ملعقة زبادى
ربع ملعقة خل ابيض
ربع ملعقة بن مطحون
تأكدى ان الحنة يكون نوعها كويس وغير مخلوطة بأى مواد تانيه
الطريقة :
- ضعى كل المكونات مع بعض ثم حضرى ماء لعجن الحنة بالطريقة دى
(ضعى اناء به ماء على النار وقطعى فيه بصلة صغيرة و 4 فصوص ثوم ويترك ليغلى ولما يتحول الماء للون الأصفر اطفى النار ولما يبرد صفى الماء واستخدميه فى عجن الحنة ).. ماء البصل والثوم رائحته مقبولة جدا
- بعد خلط الحنة بماء البصل والثوم وزعيها على شعرك كله فروة الرأس وكل خصلة من شعرك وغطيها ببونيه بلاستيك لمدة 6 ساعات ثم تشطف جيدا بالماء فقط ولا تغسل
- نشفى شعرك بمنشفة من القطن وتعاملى برفق مع الشعر وهو مبلول
- ضعى كمية بسيطه من زيت ترشوب الهندى ودلكى شعرك لمدة ربع ساعة ويترك فى الشعر
اوقات كنت بستخدم زيت ترشوب او زيت الصبار من الأخت هدهد (اسمه زيت هدهد بالصبار) جميل جدا للشعر ..ربنا يبارك لها
- تانى يوم (يوم السبت )اغسلى شعرك بالشامبو اللى اتفقنا عليه
-بعد غسل الشعر ضعى حمام الكريم لمدة 10 دقايق ثم اشطفيه كويس بماء فاتر
استخدمى حمام كريم اسمه كاريتيه اللى بزبدة الشيا حلو جدا جدا ودى صورته
لو مش لاقياه عندك ممكن تستخدمى اى نوع حمام كريم انتى بترتاحى له
مثلا كنت بستخدم قبل كاريتيه حمام كريم بيوبوينت اللى بالنخاع برضو حلو جدا ودى صورته
- ( ملحوظة) -
لو انتى شعرك مصبوغ او ناوية تصبغية ممكن تستبدلى فنجان الحنة بفنجان من الأتى (نبات سدر مطحون + سمسم محمص مطحون) مع اضافة باقى المكونات زى ما هى
-- ! امبولات العناية المكثفة (يوم الأحد) ! --
بعد ما بغسل شعرى من الحنة وعمل حمام الكريم بحط يوم الأحد امبولات الكيراتين لتغذية بصيلات الشعر باقى الأسبوع
والأمبولات دى اسمها بيوناكس بالكيراتين والبروتينات .. حلوة جدا ونتايجها ملحوظة
بستخدم امبول واحد كل اسبوع
دى صورتها هتلاقيها فى الصيدليات ومراكز بيع مستحضرات التجميل
ال 3 خطوات دى واللى بتاخد 4 ايام فقط فرقت معايا كتيييييييير فى شعرى
النتيجة كانت بفضل الله :
- اختفاء القشرة نهائيا من فروة الرأس وده نتيجة للثوم المطهر الطبيعى
- عدم تساقط الشعر .. يعنى يادوب كام شعرة بسيطة جدا فى المشط اثناء تسريح الشعر غير الأول تماما (التساقط الطبيعى الغير مرضى )
- حسيت بكثافة فى شعرى اثناء تمريرى باصابعى فى فروة رأسى وده فى اقل من شهر لاحظت نمو شعر صغير جدا فى المنطقة الأمامية من شعرى
- شعرى طول بمعدل اسرع من طبيعته الحمد لله
- بلاش اقول بقى عن النعومة والطراوة .. جربوها بنفسكم
- لون جميل للشعر نتيجة الحنة غير اللمعان والحيوية
قولوا ماشاء الله :)
المهم بس يا قمرات تستمروا على كورس العناية ده مدة شهرين مثلا يعنى 8 اسابيع ب 8 مرات تطبقى فيها البرنامج (والله مش خسارة فى شعرنا).. وانتى وراحتك بعدها فى انك تثبتى البرنامج اما مرتين فى الشهر او مرة بالشهر .. على حسب وقتك وحالة شعرك والنتيجة اللى عايزة توصلى ليها
بس اللى حابة تعالج شعرها لو حصل له تلف او مش بيطول او بيتساقط او خفيف او هايش ومافيش فيه جمال وحابة تنعمه وتعالج كل مشاكله .. تستمر شهرين وما تيأس
الحمد لله النتايج بتبان من ثالث مرة استخدام يعنى من ثالث اسبوع .. هتحسى بفرق كبييييير جدا بإذن الله
نيجى بقى للمشاكل الفرعية اللى قابلتنى والحمد لله عالجتها سواء تخصنى او تخص حد اعرفه
-- !1 - شعر تالف ومتساقط من الصبغة ! --
فى يوم من فترة قولت اعمل تغيير فى لون شعرى .. فروحت عند الكوافيرة وصبغته واثناء وانا بعمل الصبغة حسيت بحرقة فى فروة راسى وبعد ما غسلته كانت الصدمة
اولا لاقيت شعرى لونه فاقع جدا كأنة محروق
ثانيا اثناء غسله تقطع يمكن ربعه وبقت كل خصلة طول مختلف عن التانية ده غير انه بقى ناشف وشديد الجفاف وده كان باين اوى فى مقدمة شعرى
انقهرت بس قولت الحمد لله قدر الله وماشاء فعل
فتوكلت على الله وعملت الأتى
*ماسك المايونيز والزبادى والسمسم
يوم ورا يوم كنت بستخدم الماسك ده
المكونات
علبة زبادى
2 ملعقة سمسم مطحون
2 ملعقة مايونيز
الطريقة :
تمزج المكونات مع بعض جيدا - توضع على كل الشعر - يغطى الشعر ببيونيه بلاستيك لمدة ساعتين - ثم يغسل - يوضع كمية بسيطة من زيت الزيتون فى كل الشعر
*وصفة البصل الفرعونى والخردل
المكونات
واحدة بصل فرعونى
2 فص ثوم
ملعقة خردل مطحون
ملعقة عسل نحل
ملعقة خل ابيض
نصف ليمونة
تقدرى تضاعفى الكمية على حسب طول شعرك وكثافته
الطريقة :
ضعى كل المكونات فى الكبة واخلطيهم كويس جدا - صفى الخليط واستخدمى مائه فى تدليك فروة رأسك وشعرك كله - يغطى الشعر
ببونيه ويترك 6 ساعات ثم يغسل - تستخدم مرة اسبوعيا
الحمد لله رجع شعرى زى الأول من حيث الليونة والنعومة كمان وقف التساقط فورا بعد اول اسبوع
وبالنسبة للون شعرى جيبت المرمية وغليتها واخدت الماء عجنت به خليط مكون من (سدر مطحون + قرنفل مطحون )كررتها 3 مرات بس غمق لون شعرى وكان اللون تحفة
استمريت على الوصفتين لمدة 3 شهور فقط لغاية ما رجع شعرى ولا كأنى عملت فيه حاجه
بعدها بفترة كبيرة حضرت لنفسى البرنامج اللى قولتلكم عليه الخاص بالعناية بالشعر .. والنتايج روعة ماشاء الله لا قوة الا بالله ومستمرة عليه دلوقتى مرتين بس بالشهر وده لأنشغالى مش اكتر يعنى لو بإيدى اثبته كل اسبوع زى الأول
-- !2 - الثعلبة / الصلع / تساقط الشعر/ الفراغات الواضحة بالشعر ! --
ودى مشكلة تخص واحدة اعرفها
فى يوم قامت لاقيت دايرة كبيرة من فروة راسها فاضية بيضاء تماما و مافيش فيها ولا شعرة بمعنى اصح صلع .. وراحت لكذا دكتور واخدت علاج وعملت جلسات ليزر بدون فايده
واقسم بالله بعد الوصفه دى شعرها نبت فى 3 اسابيع ويمكن اقل
المكونات
فنجان زيت خروع
جنزبيل طازج من العطار مش مطحون
جنزبيل مطحون
راس ثوم مقشرة وجاهزة
الطريقة :
تغلى الجنزبيل الطازج فى ماء على نار هاديه لمدة نصف ساعه وبعدين تصفى المايه وتاخدى منها مقدار فنجان- حطى فى الخلاط كل المكونات
( فنجان زيت الخروع + فنجان الماء المصفى المغلى فيها الجنزبيل الطازج + راس الثوم المقشر + ملعقة جنزبيل مطحون )- بعد ماتخلطيهم حطيهم فى زجاجه وغطيها بشاش لمدة يوم - تانى يوم صفى الخليط ده مع عصر الشاش عليه جيدا لأخذ عصارة المكونات هتلاقى لونه ابيض مصفر شويه وغليظ - يوضع السائل المصفى فى مكان الصلع لمدة 3 ساعات وبعدين يغسل - يكرر 3 مرات فى الأسبوع او مرتين على حسب الحالة
اقسم بالله ان مكان الصلع بدأ ينبت من ثانى اسبوع والمكان كله بقى مليئ بالشعر فى 3 اسابيع
الوصفه دى ممكن اى واحده تستخدمها لو عندها فراغات فى راسها او فروة راسها بتبان بوضوح .. بتكثف بطريقة مش طبيعية وفى مدة قصيرة جدا جدا
-- !3 - ضعف نمو الشعر وصعوبة اطالته ! --
دى مشكلة لصديقة لييا شعرها مش بيطول ضعيف جدا ومغلبها فى موضوع الطول ده .. قولتلها على وصفة زيت عافية المشهورة مع بعض الأضافات والحمد لله جابت نتيجة ممتازة
المكونات
زجاجة زيت عافية
فنجان حلبة مطحونة
2 ملعقة بن مطحون
1 ملعقة جنزبيل مطحون
1 ملعقة خردل مطحون
الطريقة :
توضع كل المكونات مع بعض - تترك لمدة 10 ايام فى الدولاب - يؤخذ كمية من الزيت على حسب كثافة وطول الشعر - يدلك به فروة الرأس لمدة ربع ساعة - يوضع بونيه لمدة 5 ساعات - تستخدم مرتين بالأسبوع
البنت الحمد لله شعرها طال فى فترة بسيطه جدا
وانا استخدمتها للتطويل لما حصلتلى مشكلة الحرق الكيميائى من الصبغة
والله بتطول بصورة ملحوظة .. غريبة جدا الوصفة دى فعلا
بكدة نكون خلصنا كل الدروس يا حلوين (قسم العناية البشرة - قسم العناية بالجسم - قسم العناية بالأيدين والقدمين والأظافر - قسم العناية بالكوعين والركبتين - قسم العناية بالشعر )
فاضل بس درس اخير بعمل فيه جدول خاص للعناية بالبشرة والجسم
كمان بجمع بعض الأسئلة الموجودة فى استفساراتكم والى يمكن ما غطيتها كلها فى الدروس وبحطها مع اخر درس ان شاء الله
وكل سنة وانتم طيبين .. رمضان كريم .. وينعاد عليكم بالخير يارب
الصفحة الأخيرة
(( العناية بالأيدين والقدمين والأظافر ))
1- ( العناية بالأيدين )
وهنا هنتكلم عن 3 خطوات للحصول على إيد ناعمة وجميلة
1- حمام مائى وصنفرة الأيد
2- ترطيب الأيد
3- ماسك تفتيح
-- ! حمام مائى وصنفرة الأيد ! --
الأول هنعمل حمام مائى للأيد علشان المسام تتفتح وكمان نقدر نشيل الخلايا الميتة بسهولة عن طريق الصنفرة
ولو كنتى بتعانى من مفاصل الأصابع الغامقة .. اتبعى نفس الخطوات ولكن فيه اضافة بسيطة هقولك عليها ان شاء الله
* حمام مائى بالليمون
ماء دافئ
عصير ليمونة
ملعقة زيت ورد
الطريقة
احضرى وعاء صغير به ماء دافئ وضيفى المكونات السابقة - انقعى ايدك فى الماء لمدة 10 دقائق - نشفي ايدك بس سيبيها رطبة شوية - وتكونى محضرة من قبلها خلطة الصنفرة الأتية
* سكرب (صنفرة ) الأيد
ملعقة سكر بنى
ملعقة لوز مطحون أو (دقيق ذرة )
ملعقتين زيت زيتون
عصير نصف ليمونة
الطريقة
امزجى كل المكونات مع بعض - وبعد ما تنشفى ايدك من الحمام المائى - ضعى مكونات الصنفرة فى راحة ايدك وافركيها على كامل ايدك جيدا بحركات دائرية وركزى على الأماكن الخشنة - اغسلى ايدك من الصنفرة
وضعى مرطب من المرطبات الأتية
-- ! وصفات ترطيب الأيد ! --
* كريم الذرة للترطيب
5 ملاعق دقيق ذرة مطحون
5 ملاعق جلسرين طبى
ماء ورد
الطريقة
اعملى حمام مائى للجلسرين ( وعاء على النار فيه ماء وبداخله وعاء تانى يوضع به الجلسرين) يترك حتى يصبح سائل خفيف ويضاف اليه الدقيق ويقلب جيدا حتى تتكون عجينة - يضاف ماء الورد بالتدريج مع التقليب حتى يتكون كريم - يرفع من على النار ويترك ليبرد - يعبأ فى عبوة كريم نظيفة ويستخدم
طريقة الأستخدام
بعد عمل صنفرة للأيد ضعى كمية من كريم الذرة المرطب على كامل يدك ودلكيه جيدا
ارتدى قفاز بلاستيك لمدة ساعة حتى يتغلغل الكريم داخل المسام - اشفطى ايدك بعدها
* ماسك اللبن واللوز
3 ملاعق دقيق لوز
2 ملعقة عسل نحل
ربع كوب حليب سائل
الطريقة
تضاف المكونات مع بعض وتمزج جيدا
طريقة الأستخدام
يوضع الماسك بعد الصنفرة مباشرة - دلكى به كامل ايدك - وارتدى قفاز لمدة ساعة ويشطف الماسك بعدها
- نصائح -
- للحصول على نتائج سريعة استخدمى الخطوات السابقة 3 مرات بالأسبوع
- رطبى إيدك اكتر من 4 مرات باليوم بالفازلين المضاف اليه قطرات من الماء او استخدمى كريم الذرة
-- ! تفتيح اليدين ومفاصل الأصابع الغامقة ! --
لتفتيح الأيدين اعملى الماسك ده 3 ايام بالأسبوع
*ماسك الحنة لتفتيح الأيدى
1 ملعقة حنة بيضاء (من عند العطار )
قطعة خميرة فى حجم عقلة الأصبع
عصير ليمونة
الطريقة
ضعى المكونات على بعض واخلطيهم كويس - ضعى الماسك على كل ايدك لمدة نصف ساعة - اشطفى ايدك وضعى الخليط ده (ملعقة زيت لوز حلو + نصف ليمونة )
*وصفة مفاصل الأصابع الغامقة
ملعقتين من بيكربونات الصودا
ليمونة مقطعة لنصفين
الطريقة
خدى نصف ليمونة وضعى فوقها كمية من بيكربونات الصودا - دلكى بها مفاصل ايدك الغامقة لمدة 7 دقايق للأيد الواحدة - بعد ما تنتهى من كل المفاصل اشطفى ايدك جيدا وضعى الخليط السابق (ملعقة زيت لوز + نصف ليمونة)
- نصائح -
للتفتيح السريع ان شاء الله استخدمى ماسك التفتيح 3 مرات بالأسبوع
وبالنسبة لمفاصل الأيد الغامقة استخدمى وصفة بيكربونات الصودا يوميا
2- ( العناية بالأظافر )
هنا هتكلم على بعض النصائح للعناية بالأظافر
- عدم تقليم او تنظيف الأظافر وهى مبلله لأنها بتكون طرية وممكن تتقصف بسهولة
- اجعلى دايما طول اظافرك متوسط وليست طويلة جدا لأنها بكده تتعرض للأتربة وكمان ممكن تتكسر بسهولة
- عند استخدام المبرد لا تحركيه فى الأتجاهين .. استخدميه فى اتجاه واحد فقط حتى لا تتعرض اظافرك للتقصف
- اثناء القيام بغسيل الأطباق او الاعمال المنزلية يجب ارتداء قفازات حتى تحافظى على اظافرك وايدك عامة
- حمام ليمون يومى للأظافر
انقعى اظافرك فى وعاء به عصير ليمون لتجنب تشقق الأظافر وده لمدة ربع ساعة
- ترطيب يومى للأظافر
حضرى الخليط ده ( ملعقة زيت خروع + 2 كبسولة فيتامين E ( خدى الزيت الموجود داخل الكبسولة)+ ملعقة جلسرين ) استخدمى الخليط يوميا للترطيب وياريت يفضل المرطب اطول فترة على اظافرك
(( العناية بالقدمين والكعبين ))
هنتبع نفس طريقة العناية بالأيدين ولكن مع بعض الأضافات الخاصة بالقدمين
1- حمام مائى وصنفرة القدمين
2- ترطيب القدمين
3- ماسك تفتيح
-- ! حمام مائى وصنفرة القدمين ! --
الحمام المائى الخاص بالقدم له فائدتين اولا للمساعدة على ازالة الخلايا الميتة بسهولة .. ثانيا لراحة القدمين وازالة اى تعب بها نتيجة المكونات المضافة .. يراعى عمل تدليك للقدمين اثناء نقعهم فى الماء الساخن
* حمام مائى بالبابونج للقدم والكعبين
ماء ساخن ( لدرجة تتحمليها )
ملعقة ملح يود
ملعقتين زهور بابونج
ملعقة زيت ليمون
الطريقة
ضعى وعاء به الملح وزيت الليمون - ضعى زهور البابونج فى قطعة من الشاش واربطيها وضعيها فى الوعاء مع باقى الأضافات - ضعى رجلك لمدة نصف ساعة او لغاية ما يبرد الماء - نشفى القدم كويس واحضرى الحجر الخفاف الموجود بالصيدليات وافركى به الكعبين جيدا حتى تتخلصى من طبقات الجلد الميتة المتكونة على الكعبين
وتكونى محضرة ماسك الصنفرة والتنظيف الأتى
* سكرب (صنفرة وتنظيف ) القدمين والكعبين
ملعقتين ملح
ملعقتين لوز مطحون
ملعقتين دقيق ذرة
5 ملاعق من الجلسرين المصبن ( او اى شاور جل للأستحمام)
ملعقتين من الماء الساخن
الطريقة
امزجى كل المكونات مع بعض ماعدا الماء الساخن يضاف فقط وقت وضع السكرب على القدم - بعد وضع الماء الساخن قلبى الماسك جيدا ووزعيه على كامل القدمين - افركى الماسك بحركات دائرية وركزى على الأماكن الخشنة وعلى الكعبين والأصابع وبين الأصابع - اغسلى القدمين وضعى مرطب من المرطبات الأتية
-- ! وصفات ترطيب القدمين ! --
* كريم الزيتون وفيتامين E
3 ملعقة زيت زيتون
1 ملعقة زيت ورد
1 ملعقة زيت نعناع
5 كبسولات زيت فيتامين E
5 ملاعق شمع عسل مبشور
الطريقة
اعملى حمام ماء ساخن لشمع العسل حتى يذوب تماما ( وعاء به ماء ساخن على النار وبداخله وعاء اخر لوضع شمع العسل فيه )- ضيفى زيت الزيتون وزيت الورد والزيت الموجود داخل كبسولات فيتامين E مع التقليب حتى تمتزج كل المكونات مع بعض - ارفعى الكريم من على النار ثم ضيفى زيت النعناع وقلبى - صبى الكريم فى عبوة نظيفة - وقت الأستخدام ضعى المرطب على القدمين والكعبين مع بعض قطرات من الماء ودلكى جيدا حتى يمتص الجلد المرطب وارتدى شراب من القطن .. (يفضل وضعه قبل النوم)
*وصفة الفازلين مع الزيوت
2 ملعقة فازلين
5 ملاعق جلسرين
1 ملعقة زيت لوز حلو
علبة كريم كرباميد او جونسون ( كريم كرباميد ممتاز فى تنعيم الأماكن الخشنة )
نصف ملعقة زيت ليمون
نصف ملعقة زيت ورد
الطريقة
اعملى حمام ماء ساخن للفازلين حتى يذوب تماما - ضيفى باقى المكونات مع التقليب المستمر مع مراعاة عدم الغليان - بعد ما تمتزج كل المكونات ارفعى الوعاء من حمام الماء الساخن وصبيه فى عبوة نظيفه وبعد ما يبرد يوضع فى الثلاجة - واستخدميه لترطيب قدميك وكعبيك يوميا
-- ! تفتيح القدمين ! --
هنستخدم نفس ماسك تفتيح الأيدين مع تزويد الكمية لتناسب القدمين
*ماسك الحنة لتفتيح الأيدى
3 ملاعق حنة بيضاء (من عند العطار )
ربع ملعقة خميرة
عصير ليمونة ونصف
الطريقة
ضعى المكونات على بعض واخلطيهم كويس - ضعى الماسك على قدميك لمدة نصف ساعة - اشطفى الماسك وضعى الخليط ده (ملعقة زيت لوز حلو + نصف ليمونة )
يتبع