لو سمحتي يا رقة المشاهر ممكن ترتبي لنا جدول نمشي عليه ولكي جزيل الشكر

مرحبا اختى
الدورة كانت فى شهر رجب يا قمر
بس تقدرى تشوفى الدروس فى الرابط ده
http://forum.hawaaworld.com/showthread.php?t=3129023
ولو فيه اى اسئلة اسالى هنا فى موضوع المناقشة
ان شاء الله تستفادى

بصى حبيبتى انا كنت ناوية اكتب جدول .. بس لاقيت ان كل واحدة مننا بتختلف مشاكل بشرتها عن التانية
يعنى مثلا فيه اللى بشرتها بتحتاج صنفرة كل 14 يوم وفيه كل 7 ايام
وكذلك بالنسبة للترطيب والتفتيح والبقع الداكنة

كل الوصفات والماسكات دى مجربة .. يعنى شوفى بشرتك محتاجة ايه منها واختارى على حسب مشكلة بشرتك

ولكن ابسط برنامج كالأتى :-

بالنسبة لبشرة الوجه
- غسل البشرة بغسول مرطب من الصيدلية مرتين يوميا (وياريت تكون صابونة بيوديرما الطبية ..روعة فى التنظيف)
- صنفرة لبشرة وجهك كل 14 يوم عالأقل علشان تتخلصى من الخلايا الميتة
-حمام بخار مرة كل شهر .. وراه على طول ماسك صنفرة
- تثبيت ماسك الترطيب اليومى اللى بعسل النحل وماء الورد (هيفرق معاكى كتيييييييير اوى بفضل الله) من ناحية النضارة والحيوية وتعومة البشرة وتوحيد لونها .. كمان بيمدها بالكولاجين الطبيعى اللى بتفقده بشرتنا بالتدريج
- مسح الوجه يوميا بمحلول الجمال (3 مرات باليوم)
- واللى حابه تفتح بشرتها .. تداوم على كريم اللوز .. ممتاز فى التفتيح

ده ابسط برنامج من ناحية انه مش بياخد وقت ومن ناحية تانية عناية فائقة ببشرة وجهك

:26:

اما بالنسبة للجسم

- حمام يومى دافئ .. بعده ترطيب بلوشن فازلين اللى بزبدة الكاكاو
- حمام مغربى مرة كل اسبوعين .. باستخدام بديل الصابون المغربى (بيفتح بشرة الجسم جدا)
- ترطيب بعد كل حمام مغربى (باستخدام اى من المرطبات المكتوبة بالدروس .. يعنى المتوفر عندك)
- الدلكة تستخدم اسبوعيا واوقات مرة كل 3 أيام .. روعة ومعجبة بيها جدا لأنها مختلفة عن اى حاجة تانية مستخدمة

لأزالة الخلايا الميتة بالجسم .. وكلامى على الدلكة سواء بيضاء او سوداء .. الأتنين روعة
- اوقات بستخدم سكراب لبشرة الجسم مرة كل شهر .. او بكتفى بالحمام المغربى والدلكة (حبيبة قلبى):)

السلام عليكم

ابغا استخدم كريم لتفتيح البشره ايش رايك بكريم التفتيح بيو ديرما بس في اثنين واحد للنهار وواحد لليل مع امبولة فيتامين سي تستخدم قبل الكريم الصيدلي قال لي استخدم واحد انا متردده ووجهي من النوع الباهت ايش رايك بكريمات هذي الشركه
جزاك الله خير

رقة المشاعر الحمد لله على السلامة والله يعطيكِ ألف عافية على هذه المعلومات و الوصفات
جربت عدد منها ونتيجتها ممتازة ما شاء الله ...
عند عدة أسئلة لو تكرمتِ :
ما هي الوصفات أو المواد التي تساعد على شد أو تصغير منطقة الصدر ؟؟؟
كيف يمكن استخدام زيت اللوز الحلو للشعر ؟؟؟
هل يوجد وصفات للشعر أو لغيره بالنسبة لزيت الورد وما هي فوائده ؟؟؟
هل يمكن استخدام زيت اللوز الحلو والورد فقط دون إضافة للهالات السوداء حول العين ؟؟؟
هل يمكن استخدام النعناع بدل البابونج في محلول الجمال ؟؟؟
عادةً استخدم خليط ( الفازلين والجليسوليد وماء الورد ) لليد والرجل ومنطقة حول الفم " لوجود بقع غامقة " فهل يمكن إضافة زيت الورد واللوز الحلو ؟؟؟
وأخيراً عذراً على الإطالة ..و اسأل الله لكِ رزقاً مباركاً حلالاً .. وعلماً نافعاً ... وفضلاً ولطفاً وبركة ً منه تعالى ...