أوكسانا :

السلام عليكم استاذتي الغاليه جزاك الله كل الخير جربت الصودا لتبيض الاسنان روووووووووووعه نتيجتها حلوه الله يسعدك وكريم اليومي العسل مع بعض قطرات من ماء الورد رائع بيعطي للبشره نضاره الف شكرررررررررررررررررررر

السلام عليكم استاذتي الغاليه جزاك الله كل الخير جربت الصودا لتبيض الاسنان روووووووووووعه نتيجتها...

رقه المشاعر :

ولكل اللى بيسألوا عن العنقز (الجدرى المائى ) لو عايزة تتخلصى من اثاره عالجلد .. بعد ما تتساوى حبوب الجدرى بالجلد ويكون على شكل بقع فقط يعنى تكونى شفيتى منه تماما وحبوب الجدرى نشفت من الماء الموجود بداخلها تماما .. والموجود هو بقع فقط استخدمى الوصفه اللى بتشيل اثار حب الشباب بعد تذبيلها برضو (الشوفان والبيكربونات الصوديوم ) وياريت مع الماسك ترطبى جلدك فى فترة علاج اثار بقع الجدرى المائى (العنقز)كريم اسمه كرباميد من الصيدلية -بيكربونات الصوديوم هى بودر بيضاء اللى بتستخدم فى الأكل فى صنع الخبز و الكيك -ابرة الرؤؤس السوداء تستخدم لأى مكان فيه رؤؤس سوداء بتمرريها عليها من اعلى و الأتجاه لأسفل مع الضغط الخفيف -حمام البخار مرة بالأسبوع لو بشرتك دهنيه اوى -لا يمكن الأستغناء عن الكركم فى كريم اللوز طالما حابه تفتحى بشرتك والكريم بيفضل عالبشرة حوالى 7 ساعات اثناء فترة الليل من بعد العشاء للفجر .. والكركم اللى بقصده هو كركم الجسم هاتى من العطار كركم اعواد ودقيه واطحنيه بالبيت لأن كركم الأكل المطحون جاهز بيكون عليه بهارات مضافة .... لما تطحنيه بيطلعلك بودة لونها اصفر فاتح باهت -اللبن المقصود هو اللبن الحليب السائل - محلول الجمال ينفع لكل انواع البشرة ممكن استخدامه مع حب الشباب بس الفضل انك تستخدمى محلول التنظيف لمعالجة حب الشباب علشان تتخلصى منه بسرعة ان شاء الله زيت جوز الهند لازم يكون نقى ومافيش فيه شوائب انا بستخدم اى نوع اوقات الصفيح اللى بيكون لونها اخضر من العطار واوقات بجيبه معبأ جاهز من شركات بس اهم شئ انه يكون صافى وغير مخلوط بأى زيت تانى وهو بيستخدم للشعر والبشرة عادى حبيبتى - البشرة اللى تحتوى على رؤؤس سوداء هى اما مركبة او دهنيه دهنية بتكون كامل البشرة دهنية .. لكن المركبة بيكون فيه اماكن دهنية واماكن جافة -الملقاط اللى هو اداه بيتم نتف الشعر بها شبه الأله كده بس يستخدم باليد -محلول التنظيف كاتباه فى اول الدروس فى الرابط ده - الضغط على الأنف لأستخراج النقط السوداء منها طريقة سليمه ولكن عايزة تعقيم كويس يعنى ايدك تكون مغسولة كويس وتستخدمى مناديل زى مناديل ديتول لأستخراج النقط انا بقصد تستخرجى النقط السوداء وليست الحبوب (الحبوب الدهنية) - اللاصقات بتشيل النقط السوداء والشعر كمان بس لازم تستخدمى نوع كويس من اللاصقات زى بيوديرما اللى بالفحم دى افضل نوع شفته .. وهى لاتكثر الشعر ابدا مافيش علاقة ما بينهم - ازالة النقط بالحلاوة طريقة ممتازة بس فى منطقة الأنف فقطططط .. - زيت جنين القمح ينفع للوجه اكيد وهو كمان بيسمن الوجه يعنى لو فيه اجزاء فى وجهك مش عايزاها تسمن ابعدى عنها زيت جنين القمح .. وافضل نوع بجيبه من شركة اسمها الكابتن لأستخلاص الزيوت .. دى عندنا بمصر .. مش متأكدة إذا كان متوفر منتجات الشركة فى باقى البلاد ولا لأ - سواد الشفايف من اسبابه اللعق المستمر لها عن طريق لعابك وده بيعرضها للجفاف الشديد و اول علامة من علامات الجفاف هى ظهور بقع غامقة متفرقة عالشفايف ..... لكن لو قصدك سواد الشفايف كلها وده لونها العام يبقى نقص فيتامينات اختى كانت بتعانى من نفس المشكلة وحللت ولاقت عندها نقص فى بعض الفيتامينات اخدتها والحمد لله دلوقتى لون شفايفها رجع طبيعى جدا - الفازلين الطبى اقصد اللى من الصيدلية اللى غطاه ازرق من شركة فازلين نفسها - المرمية ايوا تكون جافة - افضل معجون اسنان مبيض هو crest بس استخدمى وصفه من وصفات تبيض الأسنان ان شاء الله هتعجبك وتغنيكى عن اى معجون اسنان - افضل مرطب للشفاه الفازلين ثم لابيلو ده الفازلين اللى اقصده اللى وضعته الأخت احساس الألم -الأبرة من اى صيديلة او مركز لبيع مستحضرات التجميل - زيت الخروع تستخدميه لحاله كده من غير خلطة مع الوصفه - ماء الورد ماء سائل لكن الزيت زيه زى اى زيت عادى سميك ودهنى - افضل حاجة لترطيب الشفاه هو الفزلين الطبى اللى انتى حاطه صورتة من شركة فازلين يجى وراه على طول مرطب الشفاه من لابيلو والف شكر حبيبتى على ذوقك .. ده واجب علييا - استخدمى حبيبتى الطريقة الخفيفه لشيل الشعر بالتدريج او لو حابه تشيلى شعر وجهك بالفتله اتبعى النصيحه دى ضعى كمية خفيفه من بودرة التلك على كل وجهك حتى يظهر الشعر كويس (بيكون بارز عن الوجه وواضح ) واثناء الشيل بالفتله ابتعدى عن البشرة نفسها وركزى فقط على الشعر اللى هيكون ظاهر جدا نتيجة بودرة التلك عليه ولا تعيدى على المكان كذا مرة حتى لو اضطريتى تشيلى على يومين واعملى الماسك ده بعد الشيل مباشرة ملعقة نشا + ملعقة جنين قمح مطحون + ماء ورد مثلج (لمزج المكونات) امزجيهم مع بعض وادهنى المكان اللى نزعتى منه الشعر ونصف ساعة واشطفى وكرري الماسك 3 ايام ورا بعض - بالنسبة للوجه الشاحب استمرى عالماسك اليومى + اختارى سكراب الأنسب لنوع بشرتك واعمليه مرتين او ثلاثة بالشهر + محلول الجمال اليومى + ماسك الترطيب الأسيوعى لبشرتك + كريم اللوز للتفتيح اليومى (اختيارى لو حابه تفتحى او توحدى لون بشرتك) وان شاء الله مش هتشوفى شحوب ابدا ببشرتك مشكورة حبيبتى بصى يا جميل - بيكربونات الصوديوم ابدا مافيش منها ضرر بالعكس هى امنه جدا وكمان استخدامها فقط لأزالة اثار حب الشباب او اى اثار اى حبوب قديمة تاركة بقع بالجسم . وخلطة الشوفان مع بيكربونات الصوديوم ممتازة فى علاج اثار حب الشباب او العنقز القديم اللى تارك بقع غامقة واضحه - اهمال البشرة بعدم تنظيفها وترطيبها كما ينبغى بيغمق لونها مع الوقت استخدمى كريم اللوز يوميا ممتاز هيوحد لون بشرتك وهيضيع اثار العنقز بإذن الله - بالنسبة للنمش استخدمى الوصفه دى : ملعقة من عصارة الصبار + ملعقة من زيت الزيتون + ملعقة عصير ليمون .. امزجيهم كويس اوى وضعيهم على مكان النمش لمدة نصف ساعة ..... يفضل فى الليل وكررى 3 مرات بالأسبوع .. وان شاء الله تلاقى نتايج ترضيكى شعر الشنب او الشعر اللى فوق الشفه شيليه بالفتله عادى واتبعى النصيحة دى مع شعر الشنب ضعى كمية خفيفه من بودرة التلك على منطقة الشنب حتى يظهر الشعر كويس (بيكون بارز وواضح ) واثناء الشيل بالفتله ابتعدى عن البشرة نفسها وركزى فقط على الشعر اللى هيكون ظاهر جدا نتيجة بودرة التلك عليه ولا تعيدى على المكان كذا مرة حتى لو اضطريتى تشيلى على يومين باقى وجهك استخدمى الطريقة اللى قولتلك عليها افضل للأسف حبيبتى مش عارفه نوع الكريم ده بس ما يمنعش انك تعتنى ببشرتك وانتى بتستخدميه عادى وبعد نزع شعر الوجه استخدمى الماسك ده ملعقة نشا + ملعقة جنين قمح مطحون + ماء ورد مثلج (لمزج المكونات) امزجيهم مع بعض وادهنى المكان اللى نزعتى منه الشعر ونصف ساعة واشطفى وكرري الماسك 3 ايام ورا بعض ان شاء الله تسمنى وتبقى زى القمر :) بصى حبيبتى بالنسبة للخدود استخدمى الخلطه دى زيت حلبة + زيت جنين القمح حطى مزيج منهم على اطراف اصابعك ودلكى بهم منطقة الخدود بحركات دائرية مع الأتجاه لأعلى وراعى ان البشرة تمتصهم كويس اوى وياريت قبلها تكونى منظفه وجهك كويس علشان المسام تكون نظيفه ومهيأة للمزيج ده وتابعى معايا قسم الشعر ان شاء الله - الجزء الخاص بالهالات السوداء فى الدروس يا قمر هتلاقى حل للتجاعيد لأن المحلول والماسكات المكتوبة بتعالج اى مشكلة تخص المنطقه دى بفضل الله بيوحدوا اللون ويشيلوا التجاعيد كمان .. رابط الدروس - الترطيب حبيبتى يفضل يكون بعد علاج حب الشباب .. بس استخدمى الماسك اليومى حتى لو فيه حب شباب ان شاء الله بيساعد على علاجه كمان - محلول الجمال انتى بتستخدميه كذا مرة باليوم يمكن 5 او 6 مرات ممكن تثبتيه بعد كل وضوء وبتمسحى به الرقبة والوجه يعنى لتر ماء معقول على 3 ايام ممكن تستبدلى بماء الورد بس الأفضل زيت الورد مع الماء لأنه بيكون مركز اكتر وبيعطى مفعول احسن ماسك ازالة حب الشباب استخدميه مرة او مرتين بالأسبوع حسب كمية البقع اوكى حبيبتى طالما بشرتك بتتحسس من العسل ممكن تستغنى عنه فى الوصفه - بيكربونات صوديوم بستخدمها من زمااااااااااااااااان اوى لتبييض الأسنان والحمد لله مافيش منها اى ضرر استخدامى لها هو مره كل اسبوعين وباقى الأيام معجون عادى كرست بس نتيجتها ممتازة شعر الشنب او الشعر اللى فوق الشفه شيليه بالفتله عادى واتبعى النصيحة دى مع شعر الشنب ضعى كمية خفيفه من بودرة التلك على منطقة الشنب حتى يظهر الشعر كويس (بيكون بارز وواضح ) واثناء الشيل بالفتله ابتعدى عن البشرة نفسها وركزى فقط على الشعر اللى هيكون ظاهر جدا نتيجة بودرة التلك عليه ولا تعيدى على المكان كذا مرة حتى لو اضطريتى تشيلى على يومين باقى وجهك استخدمى الطريقة اللى قولتلك عليها افضل اتفضلى يا قمر

ولكل اللى بيسألوا عن العنقز (الجدرى المائى ) لو عايزة تتخلصى من اثاره عالجلد .. بعد ما تتساوى...