تم حضور الدرس الجديد
الله يسعدك يابله رقه ويوفقك دنيا واخره - امين
على صبرك وردك على كل الاسئله بكل رحابة صدر

حللللوه خلطة السيلوليت بس المشكله عندنا ان اغلب الزيوت مغشوشه
هل عندك طريقه نقدر نعمل الزيت بنفسنا لاي عشبه اونبته؟؟؟
اوممكن اذا كان عندك خلطة اخرى للسيلوليت بديله تعلمينا !!
لاني سمعت كثير عن زيت الزنجبيل انه يقضي على السيلوليت -
ولك كل الشكر والتقدير

ابدا حبيبتى لا تسبب هبوط للرحم .. امهاتنا وجداتنا من سنييييييييييييييييين وهما بيستخدموا الحلاوة وما كان فيه اى وسيلة غيرها للتخلص من الشعر .. وماشاء الله عليهم مافيش اى مشاكل فى الرحم ولا فيه اى اضرار من الحلاوة ابدا
بالعكس هى الأمن من بين كل الوسائل المستخدمة لأزالة الشعر

ونشفى جسمك عادى بعد شطفه بالماء المائل للسخونة علشان تعرفى تشيلى بالحلاوة



ده رابط الدروس حبيبتى
http://forum.hawaaworld.com/showthread.php?t=3129023



بصى حبيبتى استخدمى للشفايف العسل مع ماء الورد .. يعنى وانتى بتحطى الماسك اليومى حطى كمان على الشفايف لأنه بيمدها بالكولاجين وكمان بيفتحها ان شاء الله
الفازلين مرطب كويس جدا .. مش مفتح
انصحك بأزالة شعر الوجه عن نفسى مش بحب الشقير لأن مواده صعبة اوى عالبشرة ..



تقصدى ايه بالشمع الجاهز ؟؟
انا بقصد فى الوصفات شمع العسل اللى بتجيبه من منحل العسل او من عند العطار بيكون لونه بيج فاتح
ده متوفر جدا حبيبتى وشهل الحصول عليه
وبالنسبة لباقى استفساراتك ان شاء الله تكونى لاقيتى اجابتك فى الدرس اللى كتبته اليوم



فازلين الكاكاو هو مرطب ممتاز فقط .. لكن الخلطات الخاصة بالخطوط البيضاء مجربة ونتيجها كويسه جدا ..



مشكورة حبيبتى
استخدمى لبناتك الماسك البومى ده ممتاااااااااااااااااااز جدا وبيخلى البشرة نضرة وموردة بفضل الله



لا حبيبتى ممكن ترطبى بشرتك من غير ازالة للشعر
الخطوط البيضاء اللى هى بتيجى نتيجة الزيادة والنقص بالوزن وبيطلق عليها ستريتش مارك
لكن السيلوليت بيخلى الجلد شبه قشر البرتقاله وبتكون فيه زى تنقير او حفر خفيفة وده نتيجة السمنة المائية المتكونة تحت الجلد
الفازلين مرطب كويس لكن مش معالج للخطوط



زيت شجرة الشاى بتجيبيه من مراكز التجميل .. انا بجيبه من بودي شوب .. واوقات بجيبة من شركة عندنا لأستخلاص الزيوت والأتنين ممتازين
الأيد لها عناية خاصة فى الدروس القادمة ان شاء الله
فى درس اليوم كتبت مجموعة من السكراب بتشيل الخلايا الميتة وبكتب بعدها ان شاء الله الحمام المغربى والدلكة وبعدهم المرطبات وماسكات لتفتيح البشرة وتوحيد لونها

مش لازم تستخدمى كل الخلطات اختارى منهم اللى يناسبك والمتوفر عندك
مثلا اختارى سكرب لوجهك + مرطب + كريم تفتيح
لجسمك سكرب للجسم + مرطب + تفتيح
المهم اللى يناسب بشرتك ومكونات لا تتحسسى منها



غريبة اوى دى حبيبتى .. طيب انتى بتتحسسى من العسل او الخل ؟؟
وايه هى طريقتك فى استخدامه ؟؟
البنات جربوه وماحد اشتكى



اسمها صابونة بيوديرما حبيبتى موجودة بكل الصيدليات
ودى صورتها جيبتها من جوجل




الأفضل انك تجيبى لوز تانى يكون غير مملح حبيبتى
خلطة اثار حب الشباب تقدرى تعمليها مره او مرتين بالأسبوع على حسب حالة وجهك لغاية ما تخلصى من اثاره خالص ان شاء الله

الأحسن تجيبى العسل من منحل موثوق فيه
وعامة هاتى العسل من اى مكان واختبريه إذا كان أصلى او مغشوش زى ما كتبت فى المشاركات السابقة



ممكن تشيلى البيض حبيبتى لو بشرتك بتتحسس منه .. حطى مكانه ملعقة عسل وملعقة لبن بودرة
كمان تأكدى من نوع النخالة (الردة) المستخدمة تأكدى انها تكون نظيفة



:)
ايوا حبيبتى هى دى اسباب ظهور التشققات او الخطوط البيضاء
زيت شجرة الشاى بتلاقيه عند بودى شوب او اى شركة لأستخلاص الزيوت بتلاقى عندهم
زبدة الكاكاو متوفرة عند اى عطار يا قمر ان شاء الله تلاقيه بس ما ينفع تستبدلى زبدة الكاكاو الخا بالفازلين لأنه مخلوط معاه مكونات تانية
العسل اللى اقصده هو العسل الأبيض (العسل النحل)العادى
بالنسبة للخطوط البيضاء حبيبتى هى بتاخد وقت فى علاجها مش اقل من 3 شهور .. بس النتيجة ممتازة وبتتخلصى منها نهائيا بفضل الله



اسألى حبيبتى براحتك هنا فى موضوع المناقشة وان شاء الله تستفادى



الف سلامة لمامتك حبيبتى ربنا يشفيها وما تشوف شر ابدا ان شاء الله ويشفى مرضى المسلمين

بالنسبة حبيبتى للزيوت بتلاقيها عند العطار او المعصرة او شركة لأستخلاص الزيوت
عصارة الصبار اللى هو اللحاء المستخرج منه

مشكورة حبيبتى ان شاء الله الكل يستفاد
بالنسبة للزيوت يا قمر هاتى من مصدر موثوق منه علشان تتأكدى انها اصلية وكل زيت وله رائحة خاصه به تميزة
زى زيت العرعر رائحتة نفاذة جدا وتشبة شوية رائحة النعناع
وزيت النعناع اكيد رائحتة هتميزة يعنى صعب يبقى مغشوش

وبالنسبة للزنجبيل ممكن تحطى ملعقة صغيرة مطحونة من الزنجبيل فى ماء البانيو بتجيب نتيجه كويسه مع السيلوليت ..

رديت يا قمر تابعى الردود :)