صالون منى...دبي

انا مو من الامارات
بس اسمع يمدحون عندكم ماريوت
والسموحة ماقدرت افيدك

السلام عليكم و رحمة الله و بركاته

الغالية انا رديت في ملف الاخت رماسة بس اقول ليش ما تروحين صالون ايمان عند ريحانة او زرينة شغلهم حلو و انا عجبني شغل ريحانة في عرس ربيعتي كانت عروس و امسوتلها مكياج روعة (وجهة نظري ) لاني احب المكياج المعتدل غيرالصارخ
و الشعر الفرنسية ايمي كل حد يمدح شغلها
و اذا تبين تقصين سيري صالون فيرست عند نجوى او الود عند دلال انا مجربة دلال و نجوى اسمع الكل يمدحها في القص و اصبغ و بعد في صالون في البر الثاني عند مركز مزايا اسمه كارلا اعتقد ربيعتي قاصة عندهم واايد عيبي القص

اسمحي لي طولت عليج بس قلت اللي عندي يمكن تفيدج المعلومات المتواضعة:)

مرحبا غناتي مكياج صالون ايمان وايد حلو بس صاروا يطلبون زياده اخر مره اذكر انه زرينا طلبت 6500 درهم مكياج وتسريحه ...مع احترامي للجميع انا اتمكيجت يوم عرسي بصالون الود عند وحده اسمها ابتسام بصراحه وايد وايد وايد حلو...انتي جربي ...

الغالية عرس اختي كان تقريبا من شهر ونص وكلنا سرنا عند صالون منى احنا الخوات اتمكيجنا عند خبيرة التجميل دولي نسيت اسمها وكان سعرها اغلى عن بنات الصالون ولكن شو طلع مكياجنا يلوع بالجبد وكريم الاساس ما كان توزيعة حلو كله متكتل على الخشم والجوانب وبما اني عندي خلفية في المكياج رحنا الفندق وعدلت مكياج خواتي كلهم اما العروس يوم شافت مكياجنا خافت وما سوت عند الخبيرة لانه مب حلو وطلبت اكثر وسوت عند بنات صالون اعتقد كان اسمها مريم بس بصراحة طلعت وايد حلوه مع انه كل خواتي حلوات ما شاء الله عليهم وبالاخير الخيار عندش

انا سرت لصالون منى مره يوم ملكة اختي ....وما عجبنا لا انا ولا خواتي ...انا حنطية وحطت لي الكريم أساس أبيض وايد والله ما ابالغ حسيت اني مثل الصينيات اللي يطلعون في التلفزيون وويهم مصبوغ أبيض .....ولما قلتلها ان الكريم اساس اللي حاطتنه مب لايق علي قالت انا اسوي حق مذيعات ومادري شو وانا وانا ....ما عجبني تعاملها ابدااااااا .....واختي المسكينه اللي هي العروس قالتلها ابغي المكياج ناعم لان ما يليق علي الصارخ وسوتلها الشادو اسود وواااايد صارخ وطلع مش حلو ابدا ابدا ....بس شعرها طلع حلو ....

هذي كانت تجربتي وآخر مره نسير لهم صراحه...