صبحكم الله بالخير
وربي مو عارفة كيف ادخل في السالفة ويارب ما يكون هذا من باب المجاهرة بالمعصية لاني فعلا ابي حل
سلمكم الله عندي وحدة من قريباتي كنا بنفس المدرسة من الابتدائي لين نهاية الاعدادي وكنت انا قمة في الهبل ولا زلت:eek:
كان ابوها الله يهديه دوم يقارن بيني وبينها فلانة اذكى منج فلانة اشطر منج فلانة مدري ايش مع اني ما كنت عبقرية زماني بس كنت ادرس مثل الناس واجيب امتياز
وربي انها كانت تكذب علي وتخرب علاقاتي مع الناس وصديقاتي
تصوروا كانت تجي تسوي نفسها تدرس معاي وتقعد تلهيني عن دراستي ونقعد نسولف ولين قريب انام تروح بيتهم وتقعد تدرس وانا اروح انام
من لبست شيء جديد او شريت شيء جديد تقعد تعلق علي لين اكره عمري واكره الشيء اللي شريته وانا كل ظني انها تبي لي الافضل
قبل 3سنوات كانت تكلم شباب وتقول لهم انها فلانة يعني انا وصدفة انها راحت تقابل واحد منهم وطلع انه صديق اخو صديقتي وهالاخ يعرفني اني متغطية ومن بيت متدين وانصدم يوم قال له صاحبه انه راح يشوف فلانة(( اللي ماخذة اسمي)) واخو صديقتي انصدم وقال له باروح معاك عشان يتاكد ويوم شافها الا وحدة سفور بلا عباءة والشعر طالع وعرف ان في شيء غلط وراح قال لاخته واخته قالت لي السالفة و شكل البنت كذا وكذا وهذا رقم جوالها وانا انصدمت ومن زود هبلي سكت وما فتحت السالفة بس قعدت اتحسب يعني ايش اقول لها؟
اقول لها انج تنتحلين شخصيتي وتكلمين شباب؟راح تقلب السالفة علي وتفضحني بين خلق الله وباطلع بالنهاية انا ظالمتها واغير منها!
وبالفترة الاخيرة كنت وما زلت اعاني من سحر وعين وربي كنت متفوقة لكن في اخر سنة من الثانوي كنت امرض وما اقدر اروح المدرسة ايام الامتحانات تصيدني سخونة وضيقة في الصدر واتمنى الموت لو جابوا سيرة الدراسة وهذه حالتي من 5سنوات واحوالي مهب ذاك الزود والحمد لله رب العالمين
ويوم ابتديت في الرقية كنت دوم احلم فيها شهر كامل وانا احلم فيها يوميا وكنت مو مهتمة بهالاحلام لكن يوم فسرت بعض الاحلام قال لي الشيخ ايش تنتظرين اخذي اثرها هالبنت ماعطتك عين وهي تغار منك
وبعد طنشت السالفة وفسرت عند اكثر كن حلم عند اكثر من شيخ وكلهم نفس التفسير اني لازم اخذ اثرها وانا مستحية كيف اخذ اثرها عاد قلت حق وحدة من الاهل والله يهداها راحت قالت حق هالبنت وسوت لي فضيحة اني ابي اثرها علشان اسحرها ومن انا عشان تحسدني وانها احسن مني في كل شيء
الحين هذا جزاء الخير اخاف اني اجرحها لين قلت لها توضي لي وبالنهاية تمشي وتقول حق خلق الله اني ابي اسحرها واتصلت على بيتنا وكلمت امي وقالت لها:بتشوفين ايش راح اسوي في بنتك؟
والحين انا حاقدة عليها بشدة
ما بي اكون حقودة خاصة انها من الاهل يعني من لحمي و دمي لكني بشر من 10سنوات وانا اسامح واطنش لكني بالنهاية انسانة لي شعورولي قلب وقسم بالله اول كنت لما اسمع حديث ابي ضمضم انه ما يشيل في قلبه حقد على احد كنت اقول عادي هذا شيء سهل يا ما ناس يغطون علي وانا اسامحهم وانام وقلبي خالي من الحقد ليما ربي ابتلاني بالحقد على هالانسانة ابي قلبي يرجع صافي ونقي
دم ادعي ربي انه ينزع الحقد من قلبي لكن ليما الحين انا حاقدة عليها واتمنى يصير لها شيء عشان يبرد قلبي..
ايش اسوي انصحوني الله يجزاكم الجنة
الشامخة الخالدي @alshamkh_alkhaldy
محررة ذهبية
يلزم عليك تسجيل الدخول أولًا لكتابة تعليق.
أنتظر الجواب مثلك , أنتي تعانين من قريبتك وأنا أعاني تقريبا بنفس الطريقة من أختتتتتتتتتتتي !!!!!
كلبيزو
•
حبيبتى سامحيها قال الله تعالى فاعفوا واصفحوا الاتحبون ان يغفر الله لكم واذكرك بموقف ابى بكر رضى الله عنه فى حادثة الافك لما عفى عن قريب له كان يتصدق عليه من ماله وللاسف هذا الانسان تكلم عن اطهر النساء السيدة عايشه رضى الله عنها ومع ذلك عندما سمع هذه الايه من الله عنطريق الحبيب المصطفى قال نعم احب ان يغفر الله لى وعلىفكره انا حصلت مواقف مشابهه وانظلمت فيها سنوات وتوكلت على الله والحمدلله على كل حال سامحى حبيبتى الله يسامحنا جميعا مع حبى وتقديرى
هذا شعور طبيعي ومثل ما قلتي انتي مش ملاك بس كان لازم توقفينها عند حدها من البداية لان الناس صارت تظن ان الطيبة والتسامح ضعف
الصفحة الأخيرة
اذا تبين ترتاحين.. في طريقة قريتها انا بس ما طبقتها للامانة بس يقولون عنها مفيدة..
اكتبي مشاعرج تجاهها وقصتج معاها والحجي اللي تحبين تسمعينها اياه في ورقة.. طلعي كل مشاعرج فيها.. وبعدين خذي الورقة وحرقيها او نتفيها وبتحسين بعدين بارتياح لأنج نفستي عن المشاعر اللي كاتمها في صدرج وطلعتيها..
الله ينزع ما في قلوبنا من غل وحقد وحسد على الناس يارب ويشفينا من امراض القلوب..