صايره بس أضحك وزوجي يشب نار

السلام عليكم بنات

بقولكم عن مشكلتي العجيبه والغريبه والي أنا نفسي مستغربه منه وان شاء الله القى عندكم الحل واتساعدوني

أنا بطبعي خجوله وحساسه حيل وهادئه .. لما زوجي يعلق على شيء او يقولي ليش ما سويتي جذيه او ينتقدني على تصرف أو شيء قصرت فيه كنت أزعل واناقشه وابجي على طوول ... والحين يا بنات الي صاير أنه زوجي لما ينتقدني أو يكلمني عن شيء أو حتى لما يصارخ علي قمت أضحك ولما يا بنات أضحك بوجه وما أسكت وهالشيء سبب لنا مشاكل وايد اهو عباله أنه استهزاء مني بس والله يا بنات مو استهزاء ما ادري شفيني صرت بارده المشاعر واضحك وهو قاعد يزفني ... بيني وبين نفسي اقول( لا اتمسخرين نفسج والموقف جااد يبي منج حزم وقوة علشان ماتكونين الغلطانه جداامه بسج ضحك )... بس يا بنات ماكو فايده والضحك الي ضحكته يقلب بجي من قلب لانه ما يتحمل اشوفني اضحك وهو يصارخ علي فيصارخ علي ويجرحني فأبجي من بعد ما كنت أضحك ... ادري يا بنات انه غلط انا ما كنت جذيه بس ما ادري شلي صارلي بس أضحك لما يكلمني عن شيء او ينتقدني اضحك يقولي ماشفت نفس برود اعصابج مايدري اني من داخل احترق بس ما أقدر أوقف الضحك بنات المشكله الاخيره والله العظيم انه بغت توصل للطلاق موقف سخيف انتقدني على تصرف قمت أضحك .. قالي اقولج لا تضحكين قمت أضحك زياده من غير ما اقدر امسك نفسي للين وصلل للصراخ والتجريح الي صج قعدت ابجي وقالي مو عاجبج روحي لبيت اهلج .... يا بنات الطبع الي انا مستغربه منه ولا هو من طبعي برد الاعصاب بالعكس انا قبل اتاثر من اقل كلمه احسبها الف احساب وابجي من اتفه الاسباب ... والحين قمت اضحك اذا زوجي معصب يا بنات اشلون اوقف الضحك بهالموقف اشلون ما اضحك يا بنات الله يخليكم ساعدوني انا والله ما كنت جذيه وهالحاله جاتني من تقريبا 3 الى 4 اشهر باديه فيني .. احس أني بنظر زوجي صايره سخيفه وتافه ومافي مصداقيه ولا قوه وحزم بموقفي لما يصير خلاف بس أضحك وانا ما كنت جذيه انا كنت لما زوجي يقولي كلمه من غير قصد او بس يكلمني بنفسيه دموعي على طوول تنزل اما الحين صرت بارده وهو الي سبب الخلافات الكثيره الي قاعده اتصير بسبب الضحك والامبالاه الي قاعد اتصير فين من غير ما اعرف شنو السبب ولا أقدر اوقفها .. واسفه اذا طولت عليكم او كتابتي ما كانت مفهومه