صايره جدا عصبيه

صايره جدا جدا عصبيه خصوصا بعد الولاده الحين صار لي 8شهور بس كل مره تزيد عصبيتي اكثر واكثر
مدري وش الحل ؟
المشكله ان زوجي واهلي صاروا يتضايقون بالمره من تصرفاتي وانا والله ماصرت اقدر اتحكم باعصابي ابد رغم اني بنت هادئه جدا والكل مستغرب مع العلم اني اكثر من قراءة القران يمكن اقرا في اليوم اكثر من جزء واستغفر ومحافظه تقريبا ع اذكا الصباح والمساء
يمكن سبب عصبيتي قلة النوم لان بنتي ماتنام زي الاطفال نوم طويل وهذي مشكله جدا متعبتني ومسببتلي ارق يعني يادوب تنام اول مااحط راسي عالمخده تصيح صرت اخاف من النوم عشان ماتخرعني وانا نايمه بصياحها الله يهديها ونومها جدا قليييييل والليل هذا ماتنام حاولت اعدل نومها مافي حل لازم ترجع لمشكلتها لانها تحب تنام فترة الظهر للعصر فقط وهالوقت انتي تعرفين وقت شغل مااقدر انام فيه وكمان صرت مهمله في شغل البيت لاني مااقدر اشتغل مو فاضيه وجسمي تعبان ومرهق
والمشكله اهلي مايفهمون وضعي ومهما شكيت لهم مايفهمون مشكلتي ولايحسون فيها
يمكن الوحيده اللي تفهمني هي ماما الله يخليها لي
بس انا خايفه زوجي يطفش من تصرفاتي هذي؟
الله يخليكم لاتطنشوني اعطوني حل بسرعه
معليش طولت عليكم