صباحكم خير وسعادة

كل العلاقات الإنسانية بتتغير حتى علاقتنا بإخوننا وأخواتنا شوفي مثلا عمك أو عمتك اللي كانوا بياكلوا مع أبوكي على نفس المائدة ونفس الشيء لخالك وخالتك اللي كانوا بياكلوا مع أمك على نفس المائدة وينهم دلوقتي إنتي وإخواتك مع مرور الوقت حتكونوا بنفس الطريقة ... كل العلاقات بتتغير إلا علاقة واحدة فقط وهي علاقة الإنسان بربه

وعليكم السلام ورحمة الله وبركاته
الأغلب كذا إذا مو الكل فعلاً قبل يزورون بعض من دون موعد اما الآن لازم إتصال رغم إنه الباب ع الباب واحس حتى هالشي انقرض من بعد فترة كورونا
وكلٍ يلهى في حياته اللي بالدوامات واللي انطوائيين وفيه اللي تعودو ع جلسة البيت يشوفونها أفضل من الزواره
سوي لك جو اطلعو حدايق كشتات يعني اسعدي نفسك بنفسك بينكم انتو يالأهل لا تنتظرون أحد يزوركم تأقلمو ع الوضع
صح الروح تبي الأرواح لكن وش الفايده إذا جو ونفسٍ ثقيله .

وعليكم السلام ورحمة الله وبركاته.

السبب هو الجهاز الي بين يديك الي يجيب للناس أحوال أقاربهم بدون مجهود.
والستوريات الي تنزل عن أعمامك وخوالك وجيرانك وصديقاتك بدون لقافة من أحد عن أكلهم وشربهم وسفرهم وطلعاتهم وضيوفهم (إن وجدوا).
الزيارات ما عادت مثل قبل بسيطة أغلبها مكلفة ضيافة من أحسن ما يكون وجهود للتنسيق و التقديم عشان الستوري ما يطلع يفشل ومو كل الناس لها امكانية للصرف ولو عندها ما تبغى تبذل مجهود عشان ترضي الناس وبنفس الوقت ما تبي تبين أقل من الناس.
التركيز على حب الذات والاهتمام بالنفس و الأفكار الي قاعدة يصدرونها الغرب الي بكثير من جوانبها تختلف عن قيمنا الدينية الي يحثنا على صلة الرحم و معاشرة الناس والصبر على أذيتهم بس للأسف أُخترقنا من ناحية تعزيز مكانة الفرد و اكسابه أهمية أكبر من الجماعة لدرجة المبالغة ومو كل الناس عندها قدرة على فلترة هالأفكار الأغلب يطبقونها بشكل حرفي.
والناس بعد جائحة كورونا والحجر استحلوا الراحة أكثر من قبل واعتمدوها كأسلوب حياة والي يبي يغير جو يطلع هو لحاله واسرته الصغيرة.
فلا تصيري حساسة لأن هالتغير طال أغلب مجتمعاتنا العربية ولو حابة يجوك ضيوف اعزميهم لعندك بس ما تنتظري انهم يستقبلونك و لا بد تعززي اكتفائك بنفسك عشان تكون عندك مناعة نفسية لكل هالمتغيرات بدون ما تبكي أو تزعلي لأن هالتغير أكبر من قدرتك على محاربته والشي الي ما تقدري تغيريه تعلمي تتعايشي معاه.

اصبحنا مثل قوم موسى شددو على انفسهم فشدد الله عليهم

الزيارات في السابق كانت بسيطة وغير مكلفة
قهوة وتمر وشاهي وفصفص او فشار
الان سفرة طويلة عريضة
تستعرضي فيها كل اصناف الحلويات والمعجنات
وكل وحدة تقول الزود عندي

وهذا الشي مكلف جدا
والله اعرف وحدة تقول كانت جمعة الجيران بالدور
اذا جاء دوري يخرج زوجي يشتغل على السيارة
عشان يجيب متطلبات الضيافة والعشاء

عشان مااكون اقل من جاراتي
فشوي شوي صرت اعتذر من الجمعات

وغير كذا اصبحت الصدور ضيقة محد يتحمل احد
واذا تجمعو العوائل وصارت مشاكل بين الاطفال
توصل لمشاكل بين الكبار

الله يهدي النفوس 🌹

بس النفس البشريه تحتاج بشر حولها احنا بشر ونبي نغير جو نبي نسولف بس اللي اشوفه فعلاً معد احد يزور احد الا نادر جداً حتى بيت جارنا اللي كان كل يوم يجونهم ضيوف معد شفت احد يروح عندهم الا بالسنه مره احسه شي غريب ويخوف وبرضه الناس صارو يتكلفون والماده اصبحت صعبه عشان كذا صارو يتعذرون عن الزيارات