gnd123

gnd123 @gnd123

عضوة جديدة

صباح الخير ابي رأي المتزوجات بس

الأسرة والمجتمع

انا ي اخواتي المتزوجات متزوجه سنه تقريبا وحامل وانا زوجه ثانيه
مشكلتي انه زوجي جدا مقصر معي لا مصروف ولا أغراض للثلاجه اذا ابطبخ لي طبخت لي رز ابيض او اكلت خبز وجبن مايجيب لي فواكه والخضار للطبخ واذا كان يومي وبيتغدا يجيب معه كم حبه طماط وبصل. وأهلي هم الي يشترون لي زبادي وخبز وأحيانا حليب. وهو ولاهمه مايستحي من اهلي. حتى الأسبوع الي راح اقول له ابيك تودين للمستوصف الراجع للحمل يقول اشوف هذا الكلام قبل ينام بليل يوم صار الصبح قلت له متى تودين للمستوصف قال ابروح للبنك ابصلح حساب بنتي ولارحت للمستوصف ومن ذاك اليوم الي الحين وانا عند اهلي ولافكر يتصل يقول ناقص عليك شي ولا شي. والحين انا ابي الطلاق وابوي يقول بكيفك. ابكلمه يتسنع مثل الناس ولا كل واحد يروح لهله
وش رايكم
62
18K

يلزم عليك تسجيل الدخول أولًا لكتابة تعليق.

تسجيل دخول

يسسرى
يسسرى
لا حول ولا قوة إلا بالله
مسؤولية الزوج أن يوفر الطعام و اللباس لزوجته و أبنائه و زوجك للأسف لا يتحمل أدنى مسؤولية إذا كان لا يقدر على التعدد لماذا يعدد!
شوفي رأي أهلك خاصة الذي يتسم منهم بالرزانة و الحكمة لأنهم هم قريبين منك و مطلعين على الوضع
الله يفرج عليك آمين
Zohr
Zohr
سويتي الصح خلي ابوك يكلمه وشوفي ان ما تعدل اقعدي عند اهلك اناننيه لما يجيب حق اكله ويسحب عليك ولازم مراجعات للبيبي كل شهر لا سمح الله احتجتي شي او نقص شي ضروري تراجعين الله يفرج عليك يارب ❤️.
غربة الوحده
غربة الوحده
عطي القضية للوالد وهو يتصرف إما رجال يتحمل مسؤولية زوجته وحملها ولا يقلع وجهه وطالبيه بنفقة لك لأنك حامل وعقب ما تولدين بالسلامة نفقة الطفل ونفقة الرضاعة ,,,
وحبذا لو رفض يصير رجال ما تطلبين الطلاق عادي ...لا
ارفعي شكوى عليه بكل فعايله ووقوع الضرر عليك وعلى جنينك ...خلي الشيخ يأدبه ويلزمه بما يخصك ولا يصير له مرجوع لا لمهر ولا غيره ..
هو يبيها منك تقولين طلقني عشان يسلم هو ...سحبيه في المحكمة لين يتفل العافية .
العضوية الراقية
كلميه يمشيلك مصروف وانتي قضي للبيت ....
gnd123
gnd123
الله يجزاكم الجنه ي الي رديتو علي...المشكله ماصار لي سنه متزوجه ويسوي كذا ماتحمل مسؤوليتي لحالي وشلون لجاه عيال.. انا أبطلع من الموضوع وابوي يتصرف معه.